ନୂଆଦିଲ୍ଲୀ ୨୧।୧୧ -   ଆମେରିକା ଭାରତକୁ ୧୩ଟି ଏମକେ-୪୫ର ପରିବର୍ତ୍ତିତ ସଂସ୍କରଣର ନୌସେନା ତୋପ ବିକ୍ରି କରିବା ନେଇ ମଞ୍ଜୁରି ଦେଇଛି । ବିଭିନ୍ନ ଉପକରଣ ସହ ଏଥିପାଇଁ ଭାରତକୁ ୭୧୦୦ ଟଙ୍କା ଖର୍ଚ୍ଚ କରିବାକୁ ପଡିବ।  ଏହାକୁ ଯୁଦ୍ଧ ଜାହାଜ ଗୁଡିକରେ ଲଗାଯିବ। ଆମେରିକା ସହ ଏହି ପ୍ରତିରକ୍ଷା ସୌଦାକୁ ଅନୁମତି ଦେଇଛି ପ୍ରତିରକ୍ଷା ସୁରକ୍ଷା ଓ ସହଯୋଗ ଏଜେନ୍ସି (DACA) । ଏହାର ସ୍ୱତନ୍ତ୍ରତା ହେଉଛି ଏହାର ଅଧିକ ଲମ୍ୱା ବ୍ୟାରେଲ।

{"id":187792,"sizeSlug":"large"}

ଏହି ତୋପ ସାହାଯ୍ୟରେ ଗୋଳାବାରୁଦକୁ ସ୍ଥଳଭାଗ ସହ  ଆକାଶରେ ମଧ୍ୟ ନିକ୍ଷେପ କରାଯାଇପାରିବ ।  ଆମେରିକାର ପ୍ରତିରକ୍ଷା ବିଭାଗ ଏହାକୁ ସ୍ୱତନ୍ତ୍ର ଭାବେ ନୌବାହିନୀର ଅପରେସନ ପାଇଁ ପ୍ରସ୍ତୁତ କରିଛି।  ଏମକେ -୪୫ ଦ୍ୱାରା ନୌବାହିନୀର ସାମୁଦ୍ରିକ ଅପରେସନର କ୍ଷମତା ବଢିବ। ତୋପ ସହ ଆମେରିକା ଏହାର ବ୍ୟବହାର କରିବା ପାଇଁ ପ୍ରଶିକ୍ଷଣ ମଧ୍ୟ ଦେବ। ଭାରତକୁ ଆଣିବାର ଖର୍ଚ୍ଚ ମଧ୍ୟ ଆମେରିକା ବହନ କରିବ। 

{"id":187793,"sizeSlug":"large"}

ଏହା ମିଳିବା ପରେ ଭାରତୀୟ ନୌବାହିନୀ ସାମୁଦ୍ରିକ କ୍ଷେତ୍ରରେ ବର୍ତ୍ତମାନ ଦେଖାଯାଉଥିବା ଓ ଭବିଷ୍ୟତରେ ଦେଖାଯିବାକୁ ଥିବା ବିପଦର  ଉପଯୁକ୍ତ ମୁକାବିଲା କରିପାରିବ ବୋଲି କୁହାଯାଉଛି। ଏହାଦ୍ୱାରା କ୍ଷେତ୍ରରେ ଦେଖାଯାଉଥିବା ସୈନ୍ୟ ଅସନ୍ତୁଳନ ମଧ୍ୟ ସୃଷ୍ଟି ହେବ ନାହିଁ ବୋଲି କହିଛି  DACA।