Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଆମେରିକାର ବଡ ଖୁଲାସା : ଏବେବି ପାକିସ୍ତାନ ଆତଙ୍କବାଦୀଙ୍କ ପାଇଁ ସୁରକ୍ଷିତ ସ୍ଥାନ

25/06/2020 at 11:31 AM

ଓ୍ବାଶିଂଟନ୍ ୨୫।୬: ପାକିସ୍ତାନ ୨୦୧୯ରେ ଆତଙ୍କବାଦ ଆର୍ଥିକ ସହାୟତା ହ୍ରାସ ତଥା ପୁଲୱାମା ଆକ୍ରମଣ ପରେ ଭାରତ କେନ୍ଦ୍ରିତ ଆତଙ୍କବାଦୀ ସଂଗଠନକୁ ଲଗାମ ଲଗାଇବା ପାଇଁ ସାମାନ୍ୟ ପଦକ୍ଷେପ ନେଇଥିଲା । ତେବେ ସ୍ଥାନୀୟ ଆତଙ୍କବାଦୀ ସଂଗଠନ ପାଇଁ ପାକିସ୍ତାନ ଏକ ସୁରକ୍ଷିତ ସ୍ଥାନ ହୋଇଛି ବୋଲି ବୁଧବାର ଆମେରିକା ଏଭଳି ଦାବି କରିଛି ।

ଏଥି ଅନୁଯାୟୀ, ଫେବୃଆରୀ ୨୦୧୯ରେ ଜାମ୍ମୁ କାଶ୍ମୀର ପୁଲୱାମା ଆକ୍ରମଣ ପରେ ପାକିସ୍ତାନ ଭାରତ କେନ୍ଦ୍ରିକ ଆତଙ୍କବାଦୀ ସଂଗଠନକୁ ବଡ ଆକ୍ରମଣ ନକରିବା ପାଇଁ ସାମାନ୍ୟ ପଦକ୍ଷେପ ନେଇଥିଲା । ଭାରତୀୟ ସୁରକ୍ଷା ବାହିନୀ ଉପରେ ହୋଇଥିବା ଏହି ଆକ୍ରମଣ ପଛରେ ପାକିସ୍ତାନର ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ହାତ ଥିବା ଜଣାପଡିଥିଲା ।

ଆତଙ୍କବାଦ ଉପରେ ସଂସଦୀୟ-ଅଧିକାର ପ୍ରାପ୍ତ ସମିତିର ବାର୍ଷିକ ରିପୋର୍ଟ ୨୦୧୯ରେ ଆମେରିକାର ବୈଦେଶିକ ବିଭାଗ କହିଛି ଯେ ପାକିସ୍ତାନକୁ ଆମେରିକାରୁ ମିଳୁଥିବା ସହାୟତା ଉପରେ ପ୍ରତିବନ୍ଧକ ଜାରି ରହିଛି । ରିପୋର୍ଟ ଅନୁଯାୟୀ, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ବାରା ଜାନୁଆରୀ ୨୦୧୮ରେ ପାକିସ୍ତାନକୁ ଆମେରିକାରୁ ମିଳୁଥିବା ସହାୟତା ଉପରେ ଲଗାଯାଇଥିବା ପ୍ରତିବନ୍ଧକ ୨୦୧୯ ପର୍ଯ୍ୟନ୍ତ ମଧ୍ୟ ଜାରି ରହିଥିଲା ।

ରିପୋର୍ଟରେ କୁହାଯାଇଛି ଯେ ପାକିସ୍ତାନରେ କାର୍ଯ୍ୟ କରୁଥିବା ଆତଙ୍କବାଦୀ ଗୋଷ୍ଠୀ ଏବଂ ଆତଙ୍କବାଦୀଙ୍କ ଦ୍ବାରା ସୃଷ୍ଟି ହୋଇଥିବା ବିପଦକୁ ଦୂର କରିବାରେ ପାକିସ୍ତାନ ସରକାର ବିଫଳ ହୋଇଛନ୍ତି। ଏହାକୁ ଦୃଷ୍ଟିରେ ରଖି ଆମେରିକା ସରକାର ଜାନୁଆରୀ ୨୦୧୮ରେ ପାକିସ୍ତାନକୁ ଦିଆଯାଇଥିବା ଅଧିକାଂଶ ସହାୟତା ବନ୍ଦ କରିଦେଇଥିଲେ, ଯାହା ଆମେରିକା ଦ୍ବାରା ୨୦୧୯ ରେ ଜାରି କରାଯାଇଥିଲା |

ରିପୋର୍ଟରେ କୁହାଯାଇଛି ଯେ ପାକିସ୍ତାନ ଆଫଗାନିସ୍ତାନକୁ ଟାର୍ଗେଟ୍ କରୁଥିବା ଆଫଗାନ୍ ତାଲିବାନ ଏବଂ ହକ୍କାନି ନେଟୱାର୍କ (HQN) ସହ ଭାରତକୁ ଟାର୍ଗେଟ୍ କରୁଥିବା ଆତଙ୍କବାଦୀ ସମୂହ ଭଳି ଲସ୍କର-ଏ-ତୋଇବା ଏବଂ ଜୈଶ-ଏ-ମହମ୍ମଦ ଭଳି ଆତଙ୍କବାଦୀ ସଂଗଠନକୁ ନିଜର କାର୍ଯ୍ୟକଳାପକୁ ବୃଦ୍ଧି କରିବାକୁ ଅନୁମତି ପ୍ରଦାନ କରିଛି ।

ଆମେରିକାର ବୈଦେଶିକ ବିଭାଗ ଅଭିଯୋଗ କରିଛି ଯେ ଜୈଶ୍ ର ପ୍ରତିଷ୍ଠାତା ତଥା ଜାତିସଂଘ ଦ୍ବାରା ନାମିତ ଆତଙ୍କବାଦୀ ମାସୁଦ ଅଜହର ଏବଂ ୨୦୦୮ରେ ମୁମ୍ବାଇ ଆକ୍ରମଣର ‘ପ୍ରୋଜେକ୍ଟ ମ୍ୟାନେଜର’ ସାଜିଦ ମୀରଙ୍କ ପରି ପାକିସ୍ତାନ କୌଣସି ପଦକ୍ଷେପ ନେଇ ନାହିଁ । ଉଭୟେ ପାକିସ୍ତାନରେ ମୁକ୍ତଭାବେ ବୁଲୁଥିବା ଜଣାପଡିଛି ।

ତେବେ ଆଫଗାନିସ୍ତାନରେ ଶାନ୍ତି ପ୍ରକ୍ରିୟାର ପୁନରୁଦ୍ଧାର ପାଇଁ ପାକିସ୍ତାନ କିଛି ସକରାତ୍ମକ ଅବଦାନ ରଖିଛି । ହିଂସା ହ୍ରାସ କରିବା ପାଇଁ ତାଲିବାନକୁ ପ୍ରୋତ୍ସାହିତ କରିବା ଭଳି ପଦକ୍ଷେପ ଏଥିରେ ଅନ୍ତର୍ଭୁକ୍ତ ଥିଲା । FATF (ଫାଇନାନ୍ସିଆଲ୍ ଆକ୍ସନ୍ ଟାସ୍କ ଫୋର୍ସ) ରେ କଳା ତାଲିକାଭୁକ୍ତ ନହେବା ପାଇଁ ପାକିସ୍ତାନ କିଛି ଅଗ୍ରଗତି କରିଥିଲା । କିନ୍ତୁ ୨୦୧୯ରେ ସମସ୍ତ କାର୍ଯ୍ୟ ଯୋଜନା ସଂପୂର୍ଣ୍ଣ ହୋଇନାହିଁ ।

ରିପୋର୍ଟରେ କୁହାଯାଇଛି ଯେ ଆତଙ୍କବାଦୀଙ୍କ ପାଇଁ ସୁରକ୍ଷିତ ଦେଶମାନଙ୍କ ମଧ୍ୟରୁ ପାକିସ୍ତାନ ଅନ୍ୟତମ । ତେବେ ପାକିସ୍ତାନର ନ୍ୟାସନାଲ ଆକ୍ସନ ପ୍ଲାନରେ କୁହାଯାଇଛି ଯେ ଏଠାରେ କୌଣସି ସଶସ୍ତ୍ର ଆତଙ୍କବାଦୀ ସଂଗଠନ ଚଳାଇବାକୁ ଅନୁମତି ଦିଆଯାଇନାହିଁ । କିନ୍ତୁ ଲଶ୍କର, ଜୈଶ ଏବଂ ହକାନୀ ଭଳି ନେଟୱାର୍କ ଏଠାରୁ କାର୍ଯ୍ୟ କରୁଛି ।

   Related Posts