Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

US Presidential Election: ସର୍ଭେରେ ଟ୍ରମ୍ପଙ୍କୁ ପଛରେ ପକାଇଲେ ଜୋଏ ବିଡେନ

17/07/2020 at 6:02 PM

ଓ୍ଵାଶିଂଟନ ୧୭।୦୭: ଆମେରିକାରେ ହେବାକୁଥିବା ରାଷ୍ଟ୍ରପତି ନିର୍ବାଚନକୁ ନେଇ ରାଜନୀତି ଜୋରସୋରରେ ଚାଲିଛି। ଏହା ମଧ୍ୟରେ ଏକ ତାଜା ସର୍ଭେ ଅନୁଯାୟୀ ରିପବ୍ଲିକାନ ପାର୍ଟିର ପ୍ରାର୍ଥୀ ଡୋନାଲ୍ଡ ଟ୍ରମ୍ପ ନିଜର ପ୍ରତିଦ୍ଵନ୍ଦୀ ତଥା ଡେମୋକ୍ରାଟିକ୍ ପାର୍ଟିର ପ୍ରାର୍ଥୀ ଜୋଏ ବିଡେନଙ୍କଠୁ ପଛୁଆ ରହିଥିବା ଜଣା ପଡିଛି। ଯଦି ଏହି ବ୍ୟବଧାନ ନିର୍ବାଚନ ପର୍ଯ୍ୟନ୍ତ ଜାରି ରହେ ତେବେ ଟ୍ରମ୍ପଙ୍କୁ ପରାଜୟ ସାମ୍ନା କରିବାକୁ ପଡିପାରେ।

୧୫ ପଏଣ୍ଟରେ ଆଗୁଆ  ଜୋଏ ବିଡେନ

ଆମେରିକାର କ୍ଵିନିୟକ ୟୁନିଭର୍ସିଟିର ଏକ ରାଷ୍ଟ୍ରୀୟ ସର୍ବେକ୍ଷେଣରେ ରାଷ୍ଟ୍ରପତି ଟ୍ରମ୍ପ ପ୍ରତିଦ୍ଵନ୍ଦୀ ଜୋ ବିଡେନଙ୍କଠୁ ୧୫ ପଏଣ୍ଟ ପଛରେ ଅଛନ୍ତି। ଏହି ସର୍ଭେରେ ପଞ୍ଜିକୃତ ଭୋଟରଙ୍କ ମଧ୍ୟରୁ ୫୨ ପ୍ରତିଶତ ଲୋକ ବିଡେନଙ୍କୁ ସମର୍ଥନ କରିଛନ୍ତି। ଅନ୍ୟପଟେ କେବଳ ୩୩ ପ୍ରତିଶତ ମତଦାତା ଟ୍ରମ୍ପଙ୍କୁ ସମର୍ଥନ ଦେବା ଘୋଷଣା କରିଛନ୍ତି। ଆମେରିକା ନିର୍ବାଚନରେ ଅର୍ଥବ୍ୟବସ୍ଥା ପରେ ଚୀନ ମଧ୍ୟ ବଡ ପ୍ରସଙ୍ଗ ରହିଛି।

ଆଉ ଏକ ସର୍ଭେରେ ମଧ୍ୟ ଟ୍ରମ୍ପ ପଛୁଆ

ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପକୁ ନେଇ ଏନବିସି/ଡବ୍ଲ୍ୟୁଏସଜେର ସର୍ବେକ୍ଷେଣରେ ମଧ୍ୟ ଜୋ ବିଡେନ ନିଜର ପ୍ରତିଦ୍ଵନ୍ଦୀ ଡୋନାଲ୍ଡ ଟ୍ରମ୍ପଙ୍କଠୁ ଆଗରେ ରହିଛନ୍ତି। ଏହି ସର୍ଭେରେ ବିଡେନଙ୍କୁ ୫୧ ପ୍ରତିଶତ ଲୋକ ନିଜର ସମର୍ଥନ ଦେଇଥିବା ବେଳେ ଟ୍ରମ୍ପଙ୍କୁ ୪୦ ପ୍ରତିଶତ ଭୋଟର ସମର୍ଥନ ଦେଇଛନ୍ତି। କୁହାଯାଉଛି ଅର୍ଥବ୍ୟବସ୍ଥାକୁ ନେଇ ଟ୍ରମ୍ପଙ୍କ କାର୍ଯ୍ୟରେ ଲୋକ ଅସନ୍ତୁଷ୍ଟ ଅଛନ୍ତି।

ନିର୍ବାଚନରେ ଚୀନ ତୃତୀୟ ସବୁଠୁ ବଡ ପ୍ରସଙ୍ଗ

ବିଜ୍ଞାପନର ସମୀକ୍ଷା କରୁଥିବା ରିପବ୍ଲିକନ ପୋଲଷ୍ଟର ଫ୍ରେଙ୍କ ଅନୁଯାୟୀ, ଆମେରିକା ନିର୍ବାଚନରେ ଦୁଇ ପ୍ରାର୍ଥୀଙ୍କ ମଧ୍ୟରେ କଡା ଟକ୍କର ହେବ। ରାଷ୍ଟ୍ରପତି ନିର୍ବାଚନରେ ଅର୍ଥବ୍ୟବସ୍ଥା ଓ କରୋନା ଭାଇରସ୍‌ ମୁକାବିଲା ସହିତ ଚୀନ ତୃତୀୟ ବଡ ନିର୍ବାଚନୀ ପ୍ରସଙ୍ଗ ହୋଇଛି। ଦୁଇ ପ୍ରତିଦ୍ଵନ୍ଦୀ ଚୀନକୁ ନେଇ କଡା ଆଭିମୁଖ୍ୟ ଦେଖାଉଛନ୍ତି। ଏହାକୁ ନେଇ ଦୁଇ ନେତାଙ୍କ ନିର୍ବାଚନ ପ୍ରବନ୍ଧନ ସମିତି ଅନେକ ବିଜ୍ଞାପନ ମଧ୍ୟ ଜାରି କରିଛି।

   Related Posts