Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନବରଙ୍ଗପୁର : ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ୨ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୭୧ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୨ କରୋନା ସଂକ୍ରମିତ, ୩୧୫୨୭୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||

ଏବେ ବି କରୋନାରେ ସଂକ୍ରମିତ ଡୋନାଲ୍ଡ ଟ୍ରମ୍ପ, ହ୍ବାଇଟ୍ ହାଉସ ଫେରି ପକେଟରେ ରଖିଲେ ମାସ୍କ

6/10/2020 at 11:17 AM

ଓ୍ବାଶିଂଟନ ୦୬/୧୦: କରୋନା ଭାଇରସରେ ଆକ୍ରାନ୍ତ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ହସପିଟାଲରୁ ଛୁଟି ମିଳିଛି। ଅର୍ଥାତ୍ ତାଙ୍କୁ ହସପିଟାଲୁ ଡିସଚାର୍ଜ କରାଯାଇଛି। ତାଙ୍କର ଚିକିତ୍ସା ଓ୍ବାଲ୍ଟର ରିଡ୍ ହସପିଟାଲରେ ଚାଲିଥିଲା। ତାଙ୍କୁ ହେଲିକେପ୍ଟରରେ ଆମେରିକା ହ୍ବାଇଟ ହାଉସରେ ପହଞ୍ଚା ଯାଇଛି। ତେବେ ହ୍ବାଇଟ ହାଉସରେ ପହଞ୍ଚିବା ମାତ୍ରେ ସେ ମୁହଁରୁ ମାସ୍କ କାଢ଼ି ଦେଲେ। ହ୍ବାଇଟ ହାଉସ ଡାକ୍ତର ସିନ୍ କୋନଲ କହିଛନ୍ତି ଏବେ ବି ଟ୍ରମ୍ପ ପୂରାପୂରି ବିପଦରୁ ବାହାରି ନାହାନ୍ତି।

ହସପିଟାଲରୁ ଫେରି ହ୍ବାଇଟ ହାଉସ ପହଞ୍ଚି ସେ ମୁହଁରୁ ମାସ୍କ କାଢ଼ି ପକେଟରେ ରଖିଲେ। ତା’ପରେ ବାଲକୋନିରେ ଠିଆ ହୋଇ ଲୋକଙ୍କୁ ଥମ୍ସ-ଅପ ଇସାରା ଦେଲେ। ତେବେ ଏହା ପୂର୍ବରୁ ଟ୍ରମ୍ପ କହିଥିଲେ ତାଙ୍କୁ ଆଜି ହସପିଟାଲରୁ ଛୁଟି ମିଳିବ। ଏହା ସହ କୋଭିଡ-୧୯କୁ ଭୟ ନ କରିବାକୁ କହିଥିଲେ। କରୋନାରୁ ଟ୍ରମ୍ପ ପ୍ରଶାସନ କିଛି ଔଷଧ ଓ ଅନ୍ୟ ତଥ୍ୟ ହାସଲ କରିବାରେ ସଫଳ ହୋଇଛନ୍ତି। ଏବେ ଟ୍ରମ୍ପ କହିଛନ୍ତି ୨୦ ବର୍ଷ ପୂର୍ବ ଠାରୁ ମଧ୍ୟ ଅଧିକ ଭଲ ଅନୁଭବ କରୁଛନ୍ତି।

ଏ​‌ବେ ଟ୍ରମ୍ପଙ୍କ ଅକ୍ସିଜେନ୍ ମାତ୍ରା ସାମନ୍ୟ ଅଛି ଓ ହ୍ବାଇଟହାଉସରେ ତାଙ୍କୁ ରେମଡିସିଭିରର ପଞ୍ଚମ ଡୋଜ୍ ଦିଆଯିବ। ଏହା ସହ ଜୋ ବିଡେନଙ୍କ ସହ ଟ୍ରମ୍ପଙ୍କ ଆଗାମୀ ବିତର୍କ ତାରିଖ ମଧ୍ୟ ନିର୍ଧାରିତ ହୋଇଯାଇଛି। ଅର୍ଥାତ୍ ଅକ୍ଟୋବର ୧୩ରେ ମିୟାମୀରେ ଅନୁଷ୍ଠିତ ହେବ।

ଅବଶ୍ୟ ଏହା ପୂର୍ବରୁ ସ୍ବାସ୍ଥ୍ୟ ଅବସ୍ଥା ଟ୍ରମ୍ପଙ୍କର ଏତେ ବିଗିଡ଼ିଯାଇ ଥିଲା ଯେ ତାଙ୍କୁ ଷ୍ଟେରାଇଡ ଦିଆଯାଇ ଥିଲା ଯାହା ଅଧିକ ଗୁରୁତର ରୋଗୀଙ୍କୁ ଦିଆଯାଏ। ଏବେ କିନ୍ତୁ ପୂର୍ବ ଅପେକ୍ଷା ତାଙ୍କ ସ୍ବାସ୍ଥ୍ୟ ଅବସ୍ଥା ସୁଧୁରୁଥିବା ଡାକ୍ତର କହିଛନ୍ତି।

   Related Posts