Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ଚୀନ୍ ସହ ସମ୍ପୂର୍ଣ୍ଣ ବିଘଟନ ହିଁ ଏବେ ଏକମାତ୍ର ବିକଳ୍ପ: ଡୋନାଲ୍ଡ ଟ୍ରମ୍ପ

19/06/2020 at 2:14 PM

ୱାସିଂଟନ : ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ନିର୍ଦ୍ଦିଷ୍ଟ ପରିସ୍ଥିତିର ଜବାବରେ ଆମେରିକା “ଚୀନ୍ ଠାରୁ ସମ୍ପୂର୍ଣ୍ଣ ବିଘଟନ” କରିପାରିବୁ, ବେଜିଂ ସହ ସମ୍ପର୍କକୁ ନେଇ ଆମେରିକାର ଏହା ସବୁଠାରୁ ବଡ ବୟାନ ବୋଲି ଏବେ କୁହାଯାଉଛି।  ଗୁରୁବାର ଏକ ଟ୍ୱିଟ୍‌ରେ  ଟ୍ରମ୍ପ ଆମେରିକାର ବାଣିଜ୍ୟ ପ୍ରତିନିଧୀ ରବର୍ଟ ଲାଇଥାଇଜରଙ୍କ ମନ୍ତବ୍ୟକୁ ଖଣ୍ଡନ କରିଛନ୍ତି। ଏଥିରେ ଲାଇଥାଇଜର ବିଶ୍ୱର ୨ ବୃହତ୍ତ ଅର୍ଥନୀତିର ସମ୍ପୂର୍ଣ୍ଣ ବିଘଟନ ଏକ ଯୁକ୍ତିଯୁକ୍ତ ବିକଳ୍ପ ନୀତି ନୁହେଁ ବୋଲି କହିଥିଲେ।

ଆମେରିକା ବୈଦେଶିକ ସଚିବ ମାଇକ୍ ପମ୍ପେୟୋ ଚୀନ ଅଧିକାରୀ ୟାଙ୍ଗ ଜିଆଚୀଙ୍କୁ ଭେଟିବାର ଦିନକ ପରେ ରାଷ୍ଟ୍ରପତି ଏହି ଟ୍ୱିଟ୍‌ କରିଛନ୍ତି। ପମ୍ପେୟୋଙ୍କ ସହ ସାକ୍ଷାତ ଆଲୋଚନାରେ ୟାଙ୍ଗ କୃଷି କ୍ରୟ ଜାରି ରଖିବାକୁ ଚୀନ ପ୍ରତିଶ୍ରୁତି ବଦ୍ଧ। ତେବେ ଆମେରିକା ରାଷ୍ଟ୍ରପତିଙ୍କ ସମର୍ଥନ ବିନା ଏହା ସମ୍ଭବ ନୁହେଁ ବୋଲି ସେ କହିଥିଲେ। ଏଥିରେ ଆମେରିକା ରାଷ୍ଟ୍ରପତିଙ୍କ ପୂର୍ବତନ ଜାତୀୟ ସୁରକ୍ଷା ପରାମର୍ଶଦାତା ଜନ ବୋଲ୍ଟନ ଏହି ଚୁକ୍ତିନେଇ ନୂଆ ତଥ୍ୟ ଦେଇଛନ୍ତି। ଏଥିରେ ଟ୍ରମ୍ପ ଚୀନକୁ ଆମେରିକାର ଅଧିକ କୃଷିଜାତ ସାମଗ୍ରୀ କିଣି ତାଙ୍କୁ ନିର୍ବାଚନରେ ଜିତାଇବାକୁ ଚୀନ ପ୍ରତିପକ୍ଷଙ୍କୁ କହିଥିବା ବୋଲ୍ଟନ କହିଛନ୍ତି।

ତେବେ ଟ୍ରମ୍ପ ୱାଲଷ୍ଟ୍ରିଟ୍ ଜର୍ଣ୍ଣାଲକୁ ଦେଇଥିବା ସାକ୍ଷାତକାରରେ ଟ୍ରମ୍ପ ଚୀନ ପ୍ରତି ତାଙ୍କ ଅଭିମୁଖ୍ୟ କେବେବି କୋହଳ ହୋଇପାରିବ ନାହିଁ ବୋଲି କହିଛନ୍ତି। ଆମେରିକାରେ କରୋନା ଭାଇରସ ବ୍ୟାପିବା ବେଳେ ରାଷ୍ଟ୍ରପତି ଏହାକୁ ଚୀନ ଭାଇରସ୍‌ କହି ନିଜର ଆଭିମୁଖ୍ୟ ସ୍ପଷ୍ଟ କରିଥିଲେ। ମହାମାରୀ ନେଇ ଚୀନ ଅନେକ ତଥ୍ୟ ଲୁଚାଇଥିବାର ମଧ୍ୟ ସେ ପ୍ରଥମରୁ ଅଭିଯୋଗ କରିଆସୁଛନ୍ତି। ତେବେ ବାଣିଜ୍ୟ କାରବାର ଏକ ବଡ କଥା। ହେଲେବି କରୋନା ଭାଇରସ ମହାମାରୀ ଆମେରିକାରେ ବ୍ୟାପିବା ଦିନଠରୁ ଚୀନ ପ୍ରତି ତାଙ୍କର ଆଭିମୁଖ୍ୟ ବଦଳି ଯାଇଥିବା କହିଛନ୍ତି।

ତେବେ ଲାଇଥାଇଜର ବୁଧବାର କଂଗ୍ରେସକୁ କହିଛନ୍ତି ଯେ ଚୀନରୁ ଆମେରିକୀୟ ଯୋଗାଣ ଶୃଙ୍ଖଳ ଛିନ୍ନ ହେବା ଦରକାର ବୋଲି ସେ ଭାବୁଛନ୍ତି। ତେବେ ଦୁଇଦେଶଙ୍କ ଅର୍ଥନୀତି ପୂର୍ବ ଭଳି ବାନ୍ଧି ହୋଇ ରହିବା ମଧ୍ୟ ଦରକାର। ବିଘଟନ ଅତି ଜଟିଳ ପ୍ରସଙ୍ଗ । କାରଣ ଏହା ଏକ ନୀତି ଯାହା ଦୀର୍ଘ ବର୍ଷ ହେଲା ପ୍ରଚଳିତ ରହିଆସିଛି। ଏଣୁ ଏହାକୁ  ଏକ ନୀତି ବିକଳ୍ପ ବୋଲି କୁହାଯାଇପାରେ ବୋଲି ସେ କହିଛନ୍ତି।

   Related Posts