୨୬/୧୧ ମୁମ୍ବାଇ ଆକ୍ରମଣକାରୀଙ୍କ ସୂଚନା ପାଇଁ ୫ମିଲିୟନ ଡଲାର ପୁରସ୍କାର ଘୋଷଣା କଲା ଯୁକ୍ତରାଷ୍ଟ୍ର ଆମେରିକା
Published By : Prameya-News7 Bureau | November 26, 2018 IST
ଓ୍ବାସିଂଟନ୍ ୨୬|୧୧: ୨୬/୧୧ ମୁମ୍ବାଇ ଆକ୍ରମଣକୁ ୧୦ ବର୍ଷ ପୁରିଥିବା ବେଳେ ଏହି ଘଟଣାରେ ସବୁ ଦୋଷୀ ଏ ପର୍ଯ୍ୟନ୍ତ ଧରାପଡ଼ିନଥିବାରୁ ଭାରତକୁ ସାହାଯ୍ୟ କରିବାକୁ ଆଗେଇ ଆସିଛି ଯୁକ୍ତରାଷ୍ଟ୍ର ଆମେରିକା। ୨୦୦୮ ମୁମ୍ବାଇ ଆକ୍ରମଣରେ ସଂପୃକ୍ତ ଦୋଷୀ ବିରୋଧରେ ସୂଚନା ଦେଲେ ୫ ମିଲିୟନ ଡଲାର ପୁରସ୍କାର ଦେବାକୁ ଘୋଷଣା କରିଛି ଯୁକ୍ତରାଷ୍ଟ୍ର ଆମେରିକା। ନିକଟରେ ପ୍ରଧାନମନ୍ତ୍ରୀ ମୋଦିଙ୍କର ସିଙ୍ଗାପୁର ଗସ୍ତ ବେଳେ ମୁମ୍ବାଇ ଆକ୍ରମଣ ସଂପର୍କରେ ଆମେରିକା ଉପରାଷ୍ଟ୍ରପତି ମାଇକ୍ ପେନ୍ସଙ୍କ ସହିତ ଏ ସଂପର୍କରେ ଆଲୋଚନା ହୋଇଥିଲା। ମୁମ୍ବାଇ ଆକ୍ରମଣର ସବୁ ଅଭିଯୁକ୍ତଙ୍କୁ ଏ ପର୍ଯ୍ୟନ୍ତ ଧରା ପଡ଼ିନଥିବାରୁ ଏ ନେଇ ଆମେରିକା ଉପରାଷ୍ଟ୍ରପତି ଉଦବେଗ ପ୍ରକାଶ କରିଥିଲେ। ଏହାପରେ ଆମେରିକାର ଷ୍ଟେଟ୍ ଡିପାର୍ଟମେଣ୍ଟ ମୁମ୍ବାଇ ଆକ୍ରମଣରେ ସଂପୃକ୍ତ ଆତଙ୍କବାଦୀଙ୍କ ସଂପର୍କରେ ସୂଚନା ଦେଲେ ୫ ମିଲିୟନ ଡଲାର ପୁରସ୍କାର ଦିଆଯିବ ବୋଲି କହିଛନ୍ତି। ମୁମ୍ବାଇ ଆକ୍ରମଣ ମାଷ୍ଟର ମାଇଣ୍ଡ ହାଫିଜ ସୟିଦ ଏବେ ପାକିସ୍ତାନରେ ଅଛି।