Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ଚୀନ୍ ସହ ସାମ୍ଭବ୍ୟ ଯୁଦ୍ଧ ଆଶଙ୍କାରେ ପ୍ରସ୍ତୁତି କରୁଛି ଆମେରିକା, ଜାପାନରେ ଚାଲିଛି ମେରିନ୍ସଙ୍କ ନୋବେଲ ଫ୍ୟୁରୀ-୨୧ ମିସନ

24/10/2020 at 7:31 PM

ଲେଜିମା (ଜାପାନ): ଆମେରିକୀୟ ସେନା ୨୦୩୦ ସୁଦ୍ଧା ନିଜକୁ ଭାରତ-ପ୍ରଶାନ୍ତ କ୍ଷେତ୍ର ଲାଗି ପ୍ରସ୍ତୁତ କରୁଛି। ଏହି କ୍ରମରେ ଚୀନ୍‌ ସହ ସାମ୍ଭବ୍ୟ ଯୁଦ୍ଧ ଆଶଙ୍କାରେ ଆମେରିକୀୟ ମେରିନ୍ସ ‘ନୋବେଲ ଫ୍ୟୁରି-୨୧’ ମିସନରେ ଯୁଦ୍ଧାଭ୍ୟାସ ଚଳାଇଛନ୍ତି। ଏଥିରେ ଆମେରିକୀୟ ମେରିନ୍ସ ନିଜକୁ ଦ୍ୱୀପାଞ୍ଚଳରେ ଅଭ୍ୟସ୍ତ କରାଇବା ସହ ଚୀନ୍‌ର ବାଲିଷ୍ଟିକ୍ କ୍ଷେପଣାସ୍ତ୍ର ଓ ତାର ଘାଟି ନଷ୍ଟ ଅଭ୍ୟାସ କରୁଛନ୍ତି।

ଜାପାନ ଲେଜିମା ଦ୍ୱୀପ ପୁଞ୍ଜରେ ଆମେରିକୀୟ ମେରିନ୍‌ସର ଏହି ଅଭ୍ୟାସ ଚଳାଇଛି। ଯେଉଁଥିରେ ଫାଷ୍ଟ ବଟାଲିୟନ ଓ ସେକେଣ୍ଡ ମେରିନ୍‌ସ ଅଂଶଗ୍ରହଣ କରୁଛନ୍ତି। ଯେହେତୁ ମେରିନ୍ସ ମାନେ ସୁଶିକ୍ଷିତ, ଅନୁଶାସିତ ଓ ଘାତକ ତେହେତୁ ଏଠାରେ ଆବଣ୍ଟିତ କାର୍ଯ୍ୟକ୍ରମରେ ଆମେ ଅଂଶଗ୍ରହଣ କରିଛୁ ବୋଲି କହିଛନ୍ତି ଫାଷ୍ଟ ବଟାଲିୟନ ସେକେଣ୍ଡ ମେରିନ୍ସର ଲେଫ୍ଟନାଣ୍ଟ କର୍ଣ୍ଣେଲ ଗ୍ରାବ୍ରିଏଲ ଡାୟେନା ।  ଏଥିରେ ସେମାନେ ଏକ ବିମାନ ବନ୍ଦରକୁ କ୍ଷେପଣାସ୍ତ୍ର ଆକ୍ରମଣରୁ ସୁରକ୍ଷା ଦେବା ଲାଗି ଅଭ୍ୟାସ କରୁଥିବା ସେ କହିଛନ୍ତି।

ମିସନ କାର୍ଯ୍ୟକ୍ରମ ଅନୁସାରେ ଚଳିତମାସ ଆରମ୍ଭରେ ପ୍ରାୟ ୧୦୦ରୁ ଅଧିକ ମେରିନ୍ସଙ୍କୁ ଲେଜିମା ଦ୍ୱୀପରେ ଓହ୍ଲାଇ ଦିଆ ଯାଇଥିଲା। ଦ୍ୱୀପକୁ ଆୟତ୍ତକୁ ନେବା ନିମନ୍ତେ ଏହି ମେରିନ୍ସମାନେ ଏମଭି-୨୨ବି ଆସ୍ପ୍ରେ, ଏଏଚ୍-୧ଜେଡ୍ ଭାଇପର, ଟିଲ୍ଟ୍ରୋଲର ଯୁଦ୍ଧବିମାନ ଓ ହେଲିକପ୍ଟର ଯୋଗେ  ପହଞ୍ଚିବା ସହ ଏହାକୁ ଆୟତ୍ତକୁ ନେଇଛନ୍ତି। ଏଭଳି ସୈନ୍ୟ ଅଭ୍ୟାସ କେବଳ ସାମ୍ଭବ୍ୟ ଚୀନ୍‌ ଆକ୍ରମଣକୁ ଦୃଷ୍ଟିରେ ରଖି ଚଳାଯାଇଥିବା ବେଳେ ଯେକୌଣସି ସମୟରେ ଯେ କୌଣସି ଠାରେ ଯେକୌଣସି ପରିସ୍ଥିତିର ମୁକାବିଲା ଲାଗି ଆମେରିକୀୟ ମେରିନ୍ସକୁ ପ୍ରସ୍ତୁତ କରାଯାଉଥିବା ମେରିନ୍ ଏକ୍ସପେଡିସନାରୀ ଫୋର୍ସ (ଏମଇଏଫ)ର କର୍ଣ୍ଣେଲ ରବର୍ଟ ବ୍ରୋଡି କହିଛନ୍ତି।

ଗତ କିଛିବର୍ଷ ହେଲା ଆମେରିକା ଓ ଚୀନ୍‌ ସମ୍ପର୍କରେ ତିକ୍ତତା ଦେଖାଦେଇଛି। ଏଥିରେ ବାଣିଜ୍ୟିକ ଯୁଦ୍ଧ ସାଙ୍ଗକୁ ହଙ୍ଗକଙ୍ଗ ଓ ତାଇୱାନ୍ ପ୍ରସଙ୍ଗରେ ଆମେରିକାର ଆଗ୍ରହ ଏପରି ପରିସ୍ଥିତି ସୃଷ୍ଟି କରିଛି। ଏହା ଛଡା କରୋନା ଭାଇରସ ମହାମାରୀରେ ମଧ୍ୟ ଚୀନ୍‌ ପ୍ୟୁପିସ୍ ଲିବରେସନ ଆର୍ମି (ପିଏଲଏ) ବଜେଟ୍ ୬.୬ ପ୍ରତିଶତ ବୃଦ୍ଧି କରିବା ଆମେରିକା ମୁଣ୍ଡ ବିନ୍ଧାର କାରଣ ପାଲଟିଛି। ଏଣୁ ଭାରତ-ପ୍ରଶାନ୍ତ କ୍ଷେତ୍ର ଲାଗି ଆମେରିକା ନିଜକୁ ପ୍ରସ୍ତୁତ କରିବା କ୍ରମରେ ନୋବେଲ ଫ୍ୟୁରି ଭଳି ଯୁଦ୍ଧାଭ୍ୟାସ କରୁଥିବା ଜଣାପଡିଛି।

   Related Posts