Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ନାଗରିକଙ୍କ ଲାଗି ଆମେରିକାର ନୂଆ ଟ୍ରାଭେଲ ଆଡଭାଇଜରି, ପାକିସ୍ତାନ ନଯିବା ଲାଗି ପରାମର୍ଶ

13/08/2020 at 4:06 PM

ୱସିଂଟନ ୧୩।୮: ଆମେରିକା ସରକାର ନାଗରିକଙ୍କ ଲାଗି ନୂଆ ଟ୍ରାଭେଲ ଆଡଭାଇଜରି ଜାରି କରିଛନ୍ତି। ଏଥିରେ ଆମେରିକୀୟଙ୍କୁ ପାକିସ୍ତାନ ନ ଯିବା ଲାଗି ପରାମର୍ଶ ଦିଆଯାଇଛି। ଯେଉଁ କାରଣ ଲାଗି ଏହି ପରାମର୍ଶ ଦିଆଯାଇଛି ସେଥିରେ ଆତଙ୍କବାଦ ପ୍ରମୁଖ ହୋଇଥିବା ବେଳେ କୋଭିଡ-୧୯ ଦ୍ୱିତୀୟ କାରଣ ବୋଲି ଜଣାପଡିଛି। ଆମେରିକା ସେଣ୍ଟର ଫର ଡିଜିଜ୍ କଣ୍ଟ୍ରୋଲ ଏଣ୍ଡ ପ୍ରିଭେନସନ୍‌( ସିଡିସି) କୋଭିଡ-୧୯ଦୃଷ୍ଟିରୁ ପାକିସ୍ତାନ ଯାତ୍ରା ଲାଗି ଲେବୁଲ-୩ ସ୍ତରୀୟ ଯାତ୍ରା ସ୍ୱାସ୍ଥ୍ୟ ନୋଟିସ୍ ଜାରି କରିଛନ୍ତି।

ସିଡିସିଙ୍କ ପରାମର୍ଶ ଅନୁସାରେ ଏହି ସମୟରେ ପାକିସ୍ତାନ ଯାତ୍ରା କଲେ ସେଠାରେ ସୀମା ବନ୍ଦ, ବିମାନବନ୍ଦର ବନ୍ଦ, ଯାତାୟାତ କଟକଣା ଓ ଘରେ ରହିବାର ଆଦେଶ ସମେତ ଅନ୍ୟ ଜୁରିକାଳୀନ ପରିସ୍ଥିତିର ସମ୍ମୁଖୀନ ହେବାକୁ ପଡିପାରେ। ସେହିପରି ପାକିସ୍ତାନ ଯାତ୍ରାରେ ବଲୁଚୀସ୍ତାନ, ଖୈବର ପୁଖ୍ତନଖ୍ୱା ସମେତ ସଂଘ ଦ୍ୱାରା ପୂର୍ବରୁ ଶାସିତ ଆଦିବାସୀ ଅଞ୍ଚଳକୁ ନ ଯିବା ଲାଗି ସାଧାରଣ ଆଡଭାଇଜରିରେ କୁହଯାଇଛି।

ଏହି ସବୁ ଅଞ୍ଚଳକୁ ଯାତ୍ରାରେ ଆତଙ୍କବାଦ ଓ ଅପହରଣ ଭଳି ପରିସ୍ଥିତିର ସମ୍ମୁଖୀନ ହେବାର ଆଶଙ୍କା ଥିବା ନେଇ ନାଗରିକଙ୍କୁ ସତର୍କ କରାଯାଇଛି। ସେହିପରି ଆତଙ୍କବାଦକୁ ନେଇ ସଶସ୍ତ୍ର ସଂଘର୍ଷକୁ ଦୃଷ୍ଟିରେ ରଖି ପାକ୍‌ ସୀମାବର୍ତ୍ତି କୌଣସି ଅଞ୍ଚଳକୁ ନାଗରିକଙ୍କ ଯିବା ଉପରେ ମଧ୍ୟ କଟକଣା ଜାରି କରିଛନ୍ତି ଆମେରିକା ସରକାର। ତେବେ ପାକିସ୍ତାନରେ ଏବେ ୨୦୧୪ ଭଳି ପରିସ୍ଥିତି ନଥିବା ଏଥିରେ ସରକାର ସୂଚିତ କରିଛନ୍ତି। ଦେଶେ ଆତଙ୍କବାଦ ନିୟନ୍ତ୍ରଣ ନେଇ ସରକାର ଆଇନ ସଂଶୋଧନ କରିଥିବାରୁ ବିପଦ ହ୍ରାସ ହୋଇଥିଲେ ହେଁ ଟଳି ନଥିବା ସରକାର ସତର୍କ କରାଇଛନ୍ତି।   

   Related Posts