ନୂଆଦିଲ୍ଲୀ ୦୮।୧୧ : ମହାମାରୀ କରୋନାର ସଂପୂର୍ଣ୍ଣ ଟୀକାକରଣ ହୋଇଥିବା ସେହି ବିଦେଶୀ ଯାତ୍ରୀମାନଙ୍କ ପାଇଁ ଆମେରିକା ଆଜିଠାରୁ ଯାତ୍ରା ଉପରେ ପ୍ରତିବନ୍ଧକ ହଟାଇବାକୁ ଯାଉଛି।୨୧ ମାସର ନିଷେଧାଦେଶ ପରେ ଲୋକମାନେ ବର୍ତ୍ତମାନ ନଭେମ୍ବର ୮ରୁ ଆମେରିକା ଯାତ୍ରା କରିପାରିବେ । ଆମେରିକାର ଭ୍ରମଣ ନିଷେଧାଦେଶ ଯୋଗୁଁ ଆମେରିକାରେ ରହୁଥିବା ଭାରତୀୟମାନେ ଭାରତରେ ପହଞ୍ଚିପାରିନଥିଲେ। ଆମେରିକାର ଏହି ପ୍ରତିବନ୍ଧକକୁ ତତ୍କାଳୀନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୨୦୨୦ ବର୍ଷ ଆରମ୍ଭରେ ଲାଗୁ କରିଥିଲେ। ଏହା ସହିତ ଆମେରିକା ମଧ୍ୟ କିଛି ଦେଶ (US Reopening Borders) ସହିତ ଏହାର ସୀମା ଖୋଲିବାକୁ ଯାଉଛି ।

କରୋନା ମହାମାରୀର ଅନେକ ଲହର ଆସିବା ନେଇ ତା ସହ ଲଢିବା ପରେ, ବର୍ତ୍ତମାନ କରୋନା ଗ୍ରାଫ୍ ତଳକୁ ଆସିଛି ଏବଂ ବହୁ ଜନସଂଖ୍ୟାକୁ ଟୀକାକରଣ କରାଯାଇଛି। ଏନେଇ ବାଇଡେନ ସରକାର ଏକ ବଡ ନିଷ୍ପତ୍ତି ନେଇ ଯାତ୍ରା ନିଷେଧ ଆଦେଶ  ଉପରେ ପ୍ରତ୍ୟାହାର କରି ନେଇଛନ୍ତି। ଯଦି ଆପଣ ମଧ୍ୟ ଆମେରିକା ଭ୍ରମଣ କରିବାକୁ ଚାହାଁନ୍ତି, ତେବେ କିଛି ଗୁରୁତ୍ୱପୂର୍ଣ୍ଣ ଜିନିଷ ଜାଣିବା ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।

ତେବେ ସମ୍ପୂର୍ଣ୍ଣ ଟୀକାକରଣ କରାଯାଇଥିବା ସେହି ବିଦେଶୀ ଯାତ୍ରୀମାନଙ୍କ ପାଇଁ ଆମେରିକା ସରକାର ଏହି ପ୍ରତିବନ୍ଧକକୁ ହଟାଇ ଦେଇଛନ୍ତି। ଯାତ୍ରା ସମୟରେ ଯାତ୍ରୀମାନଙ୍କ ପାଇଁ ବିମାନରେ ଯିବା ପୂର୍ବରୁ କରୋନାର ଟେଷ୍ଟ ରିପୋର୍ଟ ନେଗେଟିଭ୍ ଦେଖାଇବା ଆବଶ୍ୟକ । ବିବୃତ୍ତି ଅନୁଯାୟୀ, ଯାତ୍ରୀମାନଙ୍କୁ ସେମାନଙ୍କର ଟୀକାକରଣ ସ୍ଥିତି ଦେଖାଇବାକୁ ପଡ଼ିବ ଏବଂ ବିମାନ ଚଳାଚଳ ପ୍ରମାଣପତ୍ର ପ୍ରଦାନ କରିଥିବା ଯାତ୍ରୀ ସେହି ବ୍ୟକ୍ତି ବୋଲି ନିଶ୍ଚିତ କରିବାକୁ ପଡିବ । ଯୁକ୍ତରାଷ୍ଟ୍ରକୁ ଯାତ୍ରା ପାଇଁ ସମସ୍ତ FDA ଏବଂ WHO ଅନୁମୋଦିତ ଟିକା ଆମେରିକାର ଅଧିକାରୀଙ୍କ ଦ୍ୱାରା ସ୍ୱୀକୃତିପ୍ରାପ୍ତ । WHO ଦ୍ବାରା ଜରୁରୀକାଳୀନ ବ୍ୟବହାର ପାଇଁ ଏହି ଟିକା ଅନୁମୋଦନ ହୋଇଥିବାରୁ ଏଥିରେ ଭାରତର ସ୍ୱଦେଶୀ ଟିକା କୋଭାକ୍ସିନ୍ ମଧ୍ୟ ଅନ୍ତର୍ଭୁକ୍ତ ହୋଇଛି। ବିମାନ ଯାତ୍ରା ନିଷେଧାଦେଶ ହଟାଇବା ସହିତ ଆମେରିକା କାନାଡା ଏବଂ ମେକ୍ସିକୋ ସହିତ ଏହାର ସୀମା ମଧ୍ୟ ଖୋଲିବ।