Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଚୀନ୍‌ର ଖେଳ ଖତମ ! ତୀବ୍ବତକୁ ନେଇ ବଦଳିଲା ଆମେରିକା ଆଇନ, ଦଲାଇଲାମା ମନୋନୟନରେ ହେବନି ହସ୍ତକ୍ଷେପ

22/12/2020 at 8:20 PM

ୱାସିଂଟନ : ତୀବ୍ବତର ଧାର୍ମିକ ସ୍ୱାତନ୍ତ୍ରତା ନେଇ ଆମେରିକା ସଂସଦ ନୂଆ ଆଇନ ଗ୍ରୁହୀତ କରିଛି। ଆଇନରେ ବୌଦ୍ଧ ଧର୍ମକୁ ଭାରତ, ନେପାଳ, ଭୁଟ୍ଟାନ, ମଙ୍ଗୋଲିଆ, ଋଷିଆ ଓ ଆମେରିକା ଭଳି ଦେଶମାନେ ମାନୁଛନ୍ତି। ତେବେ ଧର୍ମର ଗୁରୁ (ଦଲାଇଲାମା) ଚୟନ ପ୍ରକ୍ରିୟାରେ କମ୍ୟୁନିଷ୍ଟ ଚୀନ୍‌ କାହିଁକି ହସ୍ତକ୍ଷେପ କରୁଛି ବୋଲି ସ୍ପଷ୍ଟ ଭାବେ କୁହାଯାଇଛି। ସୋମବାର ବିଳମ୍ବିତ ରାତ୍ରିରେ ଆମେରିକା ସଂସଦ ‘ତୀବ୍ବତ ପଲିସି ଏଣ୍ଡ ସପୋର୍ଟ ଆକ୍ଟ’ ଗ୍ରୁହୀତ କରିଛି।

ଏହି ବିଧେୟକରେ ତୀବ୍ବତର ଧାର୍ମିକ ସ୍ୱତନ୍ତ୍ରତା ସମେତ ସୁଦୃଢ ଗଣତନ୍ତ୍ର, ପରିବେଶ ସୁରକ୍ଷା, ଧାର୍ମିକ, ସାଂସ୍କୃତିକ ଓ ଐତିହ୍ୟ ସୁରକ୍ଷା ଲାଗି ଆମେରିକା ସମ୍ପୂର୍ଣ୍ଣ ସମର୍ଥନ କରିବ ବୋଲି କୁହାଯାଇଛି। ସେହିପରି ତୀବ୍ଦତରେ ଏନଜିଓ ଆଦିଙ୍କୁ ପାଣ୍ଠି ପ୍ରଦାନ ନିମନ୍ତେ ମଧ୍ୟ ବିଧେୟକରେ ଗୁରୁତ୍ୱ ଦିଆଯାଇଛି। ସବୁଠୁ ବଡ କଥା ହେଲା ନୂଆ ଆଇନରେ ବୌଦ୍ଧ ଧର୍ମର ଶୀର୍ଷ ଧର୍ମଗୁରୁ ଦଲାଇଲାମାଙ୍କ ସମର୍ଥିତ ଗଣତାନ୍ତ୍ରିକ ସରକାରକୁ ଆମେରିକା ପୂର୍ଣ୍ଣ ସମର୍ଥନ ଦେଇଛି। 

ଅନ୍ୟପକ୍ଷରେ ଚୀନ୍‌କୁ ତୀବ୍ଦତ ସମ୍ପର୍କିତ ପ୍ରସଙ୍ଗରେ ଚୀନ୍‌ ସରକାରଙ୍କୁ ଆଲୋଚନା କରିବାକୁ କୁହାଯାଇଛି। ଯଦି ଚୀନ୍‌ ଆଇନକୁ ସମ୍ମାନ ନ କରେ ତା ବିରୋଧରେ ଅନ୍ତର୍ଜାତୀୟ ଆଇନ କଡାକଡି କରାଯିବ ବୋଲି ମଧ୍ୟ ଆଇନରେ ପ୍ରାବଧାନ ରଖିଛି ଆମେରିକା। ଏହା ଛଡା ନୂଆ ଆଇନରେ ତୀବ୍ବତ ମାନବାଧିକାର ଉପରେ ମଧ୍ୟ ଗୁରୁତ୍ୱ ଦିଆଯାଇଛି। ରାଜଧାନୀ ଲାସାରେ ଆମେରିକା କନସୁଲେଟ୍ ଖୋଲିବା ଲାଗି ମଧ୍ୟ ଆଇନରେ ବ୍ୟବସ୍ଥା  କରାଯାଇଛି। ଚଳିତବର୍ଷ ପ୍ରାରମ୍ଭରେ ଏହି ବିଧେୟକ ଆମେରିକା ସଂସଦରେ ଉପସ୍ଥାପିତ ହୋଇଥିଲା ଯାହାକୁ ସୋମବାର ବିଳମ୍ବିତ ରାତ୍ରିରେ ସଂସଦ ବହୁମତରେ ଗୃହୀତ କରିଛି। ଆଇନରେ ତୀବ୍ବତର ଦୀର୍ଘସ୍ଥାୟୀ ବିକାଶ ଉପରେ ମଧ୍ୟ ଜୋର ଦିଆଯାଇଛି।

   Related Posts