Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କାହିଁକି ରାଗିଗଲେ ଉର୍ବଶୀ ? ଦେଇଛନ୍ତି ଏହି ବୟାନ…

5/04/2020 at 6:24 PM

ମୁମ୍ବାଇ ୦୫/୦୪ : ସୋସିଆଲ ମିଡ଼ିଆ ପୋଷ୍ଟକେ ନେଇ ମଧ୍ୟ ଚର୍ଚ୍ଚା | ସେ ନିଜ ବିଚାର କିମ୍ବା କୌଣସି ଫଟୋ କିମ୍ବା ଭିଡିଓ ସୋସିଆଲ ମିଡ଼ିଆରେ ପୋଷ୍ଟ କଲେ ମଧ୍ୟ ଚର୍ଚ୍ଚାରେ ଶୀର୍ଷରେ ରୁହନ୍ତି | ତାଙ୍କୁ ପ୍ରଶଂସକଙ୍କ ସ୍ନେହ ଭରପୁର ମିଳିଥାଏ | କିନ୍ତୁ ବେଳେବେଳେ ସେ ଟ୍ରୋଲର ଶିକାର ମଧ୍ୟ ହୋଇଥାନ୍ତି | ଆମେ କହୁଛୁ ବଲିଉଡ ତାରକା ଉର୍ବଶୀ ରାଉତେଲାଙ୍କ କଥା |

ନିକଟରେ ଓଟିଟି ପ୍ଲାଟଫର୍ମ ଆମାଜାନ ପ୍ରାଇମରେ ପାରାସାଇଟ ଫିଲ୍ମ ରିଲିଜ ହୋଇଥିଲା | ଏହି ଫିଲ୍ମକୁ ଓସ୍କାର ପୁରସ୍କାର ଦ୍ୱାରା ସମ୍ମାନିତ କରାଯାଇଥିଲା | ଏହି ଫିଲ୍ମର ପ୍ରଶଂସାରେ ଉର୍ବଶୀ ରାଉତେଲାଙ୍କ ଟ୍ୱିଟର ଆକାଉଣ୍ଟରୁ ଏକ ରିଭ୍ୟୁ ଦିଆଯାଇଥିଲା | ଟ୍ୱିଟରକୁ ନେଇ ଆମେରିକାର ଜଣେ ଲେଖକ ଉର୍ବଶୀଙ୍କ ଉପରେ ଟ୍ୱିଟ କପି କରିଥିବା ଅଭିଯୋଗ କରିଥିଲେ | ଏହା ଶୁଣି ଉର୍ବଶୀ ରାଗି ଯାଇଥିଲେ ଏବଂ ତାଙ୍କୁ ଏହାର ଜବାବ ଦେଇଛନ୍ତି |
ଉର୍ବଶୀଙ୍କ ତରଫରୁ ତାଙ୍କ ସ୍ପୋକ ପର୍ସନଙ୍କ ବୟାନ ସାମ୍ନାକୁ ଆସିଛି | ସେ କହିଛନ୍ତି, “ଉର୍ବଶୀଙ୍କ ସ୍ପୋକ ପର୍ସନ ହୋଇଥିବା ଯୋଗୁଁ ମୁଁ କହିଦେବାକୁ ଚାହେଁ ଯେ, ଟ୍ୱିଟ ଉର୍ବଶୀ କରିନାହାନ୍ତି | ଉର୍ବଶୀଙ୍କ ଅଜ୍ଞାତରେ ତାଙ୍କ ଟ୍ୱିଟର ଆକାଉଣ୍ଟରୁ ତାଙ୍କ ସୋସିଆଲ ମିଡ଼ିଆ ଟିମ ଦ୍ୱାରା କରାଯାଇଥିଲା | ଏ ସମ୍ପର୍କରେ ଜାଣିବା ପରେ ଆମେ ଉଚିତ ପଦକ୍ଷେପ ନେଇଛୁ |” ଏଥିପାଇଁ ସେ କ୍ଷମା ମଧ୍ୟ ମାଗିଛନ୍ତି |

   Related Posts