Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ରେ ଉଡିଲା ଚେନ୍ନାଇର ବିଜୟ ବାନା, କେକେଆରକୁ ୨୭ ରନରେ ହରାଇ ଚତୁର୍ଥ ଥର ଚାମ୍ପିଅନ
  • ||
  • ପଞ୍ଜାବ କଂଗ୍ରେସର ଅଧିନାୟକ ରହିବେ ସିଦ୍ଧୁ, ରାହୁଲଙ୍କୁ ଭେଟିବା ପରେ ଫେରାଇ ନେଲେ ଇସ୍ତଫା ପତ୍ର
  • ||
  • ସିଙ୍ଘୁ ବର୍ଡରରେ ଜଣେ ନିହଙ୍ଗଙ୍କ ଆତ୍ମ ସମର୍ପଣ, ଯୁବକଙ୍କ ହତ୍ୟାର ୧୫ ଘଣ୍ଟା ପରେ ସାମ୍ନାକୁ ଆସିଲା ପ୍ରଥମ ଅଭିଯୁକ୍ତ
  • ||
  • ପଣ୍ଡାଲ ଉପରେ ହୋଇଥିବା ଆକ୍ରମଣ ମଧ୍ୟରେ ବାଂଲାଦେଶ ପ୍ରଧାନମନ୍ତ୍ରୀ ଭାରତକୁ ଦେଲେ ଏହି ପରାମର୍ଶ
  • ||
  • ପୁଞ୍ଛରେ ଯବାନ-ଆତଙ୍କବାଦୀ ମୁହାଁମୁହିଁ, ୫ଦିନରେ ୭ ଯବାନ ସହିଦ: ରାଜପଥ ବନ୍ଦ, ଅପରେସନ୍ ଜାରି
  • ||
  • ଅକ୍ଟୋବର ୨୧ରୁ ଏକାଦଶ, ୨୫ରୁ ଖୋଲିବ ଅଷ୍ଟମ ଶ୍ରେଣୀ: ଗଣଶିକ୍ଷା ମନ୍ତ୍ରୀ
  • ||
  • ୨୫୦ ଲିଟର ଦେଶୀ ମଦ ଜବତ, ୫ ଗିରଫ
  • ||
  • ଅଭାବନୀୟ ଘଟଣା: ଯୁବକଙ୍କ ଗଳା କାଟି ବିଭତ୍ସ ହତ୍ୟା, କାରଣ ଅସ୍ପଷ୍ଟ
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ : ଘଉଡାଇଲା ବେଳେ ଅଳ୍ପକେ ବର୍ତ୍ତିଲେ ଚାଷୀ
  • ||
  • ସାଇକେଲରେ ଯାଉଥିଲେ କକା-ପୁତୁରା, ଟାଣି ଆଣି ଦଳିଦେଲା ହାତୀ
  • ||

ପୁଣି କନିଆ ସାଜିବେ ଉର୍ବଶୀ ଢୋଲକିଆ ! କହିଲେ ପିଲାମାନେ ଚାହୁଁଛନ୍ତି ମୁଁ ବିବାହ କରେ…

22/04/2021 at 8:18 AM

ନୂଆଦିଲ୍ଲୀ ୨୨/୦୪: କମୋଲିକା ଭୂମିକାରେ ଘରେ ଘରେ ପରିଚିତ ଆଭିନେତ୍ରୀ ଉର୍ବଶୀ ଢୋଲକିଆଙ୍କ ପାଇଁ ଲକ୍ଷ ଲକ୍ଷ ଫ୍ୟାନ୍ସ ଦିୱାନା । ଉର୍ବଶୀ ଢୋଲକିଆ ୧୬ ବର୍ଷ ବୟସରେ ବିବାହ କରିଥିଲେ ଏବଂ ୧୭ ବର୍ଷ ବୟସରେ ସେ ଯାଆଁଳା ପୁତ୍ରର ମା’ ହୋଇଥିଲେ । ତେବେ ସେମାନଙ୍କ ବିବାହ ଅଧିକ ଦିନ ରହି ନଥିଲା ଏବଂ ୨ ବର୍ଷ ପରେ ଅଭିନେତ୍ରୀ ତାଙ୍କ ସ୍ୱାମୀଙ୍କଠାରୁ ଅଲଗା ହୋଇ ଯାଇଥିଲେ । ଏଥି ସହିତ ବର୍ତ୍ତମାନ ଅଭିନେତ୍ରୀ ତାଙ୍କର ଦ୍ୱିତୀୟ ବିବାହକୁ ନେଇ ନୀରବତା ଭାଙ୍ଗିଛନ୍ତି ।

PunjabKesari

ଏକ ଇଣ୍ଟରଭ୍ୟୁରେ ଉର୍ବଶୀ କହିଛନ୍ତି, ‘ମୋର ପିଲାମାନେ ଏବଂ ମୋ ପରିବାର ସର୍ବଦା ଚାହାଁନ୍ତି ଯେ ମୁଁ ସେଟେଲ୍ ହୋଇଯାଏ । ମୋ ପିଲାମାନେ ପ୍ରାୟତଃ ମୋତେ ପଚାରନ୍ତି ମୁଁ କାହିଁକି କାହାକୁ ବିବାହ କରୁ ନାହିଁ? ସତ କହିବାକୁ ଗଲେ, ମୋ ପାଖରେ ଏତେ ସମୟ ନାହିଁ, କି ମୁଁ ଏହା ବିଷୟରେ ଚିନ୍ତା କରିବାକୁ ଇଚ୍ଛା କରି ନାହିଁ ।  ମୁଁ ସବୁବେଳେ ମୋ କାମରେ ବ୍ୟସ୍ତ ଥିଲି । ‘

ଉର୍ବଶୀ ଆହୁରି କହିଛନ୍ତି, ‘ମୁଁ ଉଭୟ କାର୍ଯ୍ୟକ୍ଷେତ୍ର ଏବଂ ପିଲାମାନଙ୍କ ପ୍ରତିପୋଷଣ ମଧ୍ୟରେ ସନ୍ତୁଳନ ସୃଷ୍ଟି କଲି । ତାଙ୍କ ରାଠପଢା ଉପରେ ଧ୍ୟାନ ଦେଇଥିଲି । ମୋତେ ଲାଗୁଛି ଯେବେବି ତୁମେ ଏକ ସମ୍ପର୍କ ବିଷୟରେ କଥାବାର୍ତ୍ତା କର, ତୁମେ ପ୍ରଥମେ ନିଜ ଭିତରେ ଦୃଢ ଅନୁଭବ କରିବା ଆବଶ୍ୟକ । ଏହା ନୁହେଁ ଯେ ମୋର ସମୟ ଚାଲିଯାଇଛି, କିନ୍ତୁ ଗୋଟିଏ ପଏଣ୍ଟ ପରେ ମୁଁ କୌଣସି ବିଷୟରେ ଅଧିକ ଚିନ୍ତା କରେ ନାହିଁ  । ଯଦି ଏହା ହେବାର ଥିବ ତେବେ ଦିନେ ଏହା ହେବ । ‘

Urvashi Dholakia recalls her Dekh Bhai Dekh days: I used to finish school  in the afternoon and then travel to R.K Studios in my school uniform -  Times of India

ଅଭିନେତ୍ରୀ ଆହୁରି କହିଛନ୍ତି, ‘ମୁଁ ଜଣେ ସ୍ୱାଧୀନ ମହିଳା ଏବଂ ମୁଁ ମୋର ମୂଲ୍ୟବୋଧ ଉପରେ ଜୀବନ ବଞ୍ଚିବା ଶିଖିଛି । ତେଣୁ, ମୋତେ ଜଣେ ଏପରି ସାଥୀ ଦରକାର ଯିଏ ମୋତେ ବୁଝିବ, ମୋର ସ୍ୱାଧୀନତାକୁ ବୁଝିବ, ମୋତେ ବାନ୍ଧିବାକୁ କିମ୍ବା ଅବମାନନା କରିବାକୁ ନୁହେଁ । ‘

ଟିଭି ସିରିଏଲ୍ ‘କସୌଟି ଜିନ୍ଦେଗି’ ରେ ଉର୍ବଶୀ ଢୋଲକିଆ କମୋଲିକା ଭୂମିକାରେ ଅଭିନୟ କରିଥିଲେ । ଯାହା ପରେ ସେ ଅନେକ ସିରିଏଲରେ ଅଭିନୟ କରିଥିଲେ । ସେ ୨୦୧୨ ରେ ବିଗ୍ ବସ୍ ସିଜନ୍ ୬ ରେ ମଧ୍ୟ ଅଂଶଗ୍ରହଣ କରିଥିଲେ ଏବଂ ଶୋ’ର ବିଜେତା ହୋଇଥିଲେ ।

   Related Posts