ନୂଆଦିଲ୍ଲୀ ୧୦/୦୩: ରାଜନୀତିରେ ପାଦ ରଖିଥିବା ବଲିଉଡ ଅଭିନେତ୍ରୀ ଉର୍ମିଲା ମାତୋଣ୍ଡକର ପୁଣି ଥରେ ବଡ ପରଦାକୁ ଫେରୁଛନ୍ତି । ନିକଟରେ ଉର୍ମିଲା ମାତୋଣ୍ଡକର ଏକ ଇଣ୍ଟରଭ୍ୟୁରେ କହିଛନ୍ତି ସେ ୧୨ ବର୍ଷ ପରେ ପୁଣିଥରେ ଫିଲ୍ମରେ ନଜର ଆସିବେ । ସେ ଏକ ନୂଆ ଫିଲ୍ମ ସହିତ ବଡପରଦାକୁ ଫେରୁଛନ୍ତି । ଏଥିସହ ସେ କହିଛନ୍ତି ତାଙ୍କୁ ଏକ ୱେବ୍ ଶୋରେ ମଧ୍ୟ ଦେଖିବାକୁ ମିଳିବ ।
ଉର୍ମିଲା ବଲିଉଡରେ ରଙ୍ଗୀଲା, ପ୍ୟାର୍ ତୁନେ କ୍ୟା କିୟା, ଭୁତ୍, ପିଞ୍ଜର ଭଳି ଅନେକ ହିଟ୍ ଫିଲ୍ମ କରିଛନ୍ତି । ଉର୍ମିଲାଙ୍କୁ ଶେଷଥର ପାଇଁ ୨୦୧୮ ମସିହାରେ ଇରଫାନ ଖାନଙ୍କ ଫିଲ୍ମ 'ବ୍ଲାକମେଲ୍'ର ଏକ ବିଶେଷ ଗୀତରେ ଦେଖିବାକୁ ମିଳିଥିଲା । ଏହା ପରେ ଉର୍ମିଲା ବଲିଉଡରୁ ଦୂରେଇ ଯାଇଥିଲେ ଏବଂ ୨୦୧୯ ରେ ରାଜନୀତିରେ ପ୍ରବେଶ କରିଥିଲେ ।
ଉର୍ମିଲା ମାତୋଣ୍ଡକର କଂଗ୍ରେସ ଦଳ ଲୋକସଭା ନିର୍ବାଚନରେ ଲଢିଥିଲେ । ଏହା ପରେ ସେ ଗତ ବର୍ଷ କଂଗ୍ରେସଠାରୁ ଅଲଗା ହୋଇ ଶିବସେନା ସହିତ ହାତ ମିଳାଇଥିଲେ । ଉର୍ମିଲା ରାଜନୀତିରେ ସକ୍ରିୟ କିନ୍ତୁ ସେ ନିଜକୁ ଫିଲ୍ମ ଦୁନିଆରୁ ଅଧିକ ସମୟ ଦୂରରେ ରଖିବାକୁ ଚାହୁଁନାହାଁନ୍ତି । ୨୦୨୦ ରେ ୱେବ୍ ସିରିଜ୍ ମାଧ୍ୟମରେ ଉର୍ମିଲା ଓଟିଟି ପ୍ଲାଟଫର୍ମରେ ଡେବ୍ୟୁ କରିବାକୁ ସ୍ଥିର କରିଥିଲେ କିନ୍ତୁ କରୋନା କାରଣରୁ ସେ ଅଟକି ଯାଇଥିଲେ ।
ସେ ଏକ ଇଣ୍ଟରଭ୍ୟୁରେ କହିଛନ୍ତି, 'ମୁଁ ଗତ ବର୍ଷ ଏପ୍ରିଲରେ ଏକ ୱେବ୍ ସିରିଜ୍ କରିବାକୁ ଯାଉଥିଲି, ଯାହାର ସ୍କ୍ରିପ୍ଟ ମଧ୍ୟ ମୋତେ ଖୁବ୍ ପସନ୍ଦ ଆସିଥିଲା । ତେବେ ଲକଡାଉନ୍ ହେତୁ ଏହାକୁ ଆଗକୁ ବଢାଇ ଦିଆଯାଇଥିଲେ ।' ଏହି ପ୍ରଜେକ୍ଟ ଆରମ୍ଭ ହେବ କି ନାହିଁ ସେ ମଧ୍ୟ ଜାଣି ନାହାଁନ୍ତି, କିନ୍ତୁ ଖୁବ୍ ଶୀଘ୍ର ସେ ଏକ ଫିଲ୍ମ ସହିତ ବଡ ପରଦାକୁ ଫେରୁଛନ୍ତି ।
ସେ ଆହୁରି ମଧ୍ୟ କହିଛନ୍ତି, 'ମୁଁ କେବଳ ସେହି କାମ କରିବି ଯାହା ମୋତେ ପସନ୍ଦ ଆସିବ । ଯଦି ୱେବ୍ ଶୋ ହେଉନାହିଁ, ତେବେ ମୁଁ ଆଉ କିଛି କରିବେ । ଶୀଘ୍ର ତୁମେ ମୋତେ ବଡ ପରଦାରେ ଦେଖିବ । ମୁଁ ଆଶା କରୁଛି ମୋ ଫ୍ୟାନ୍ସମାନଙ୍କ ପାଇଁ କିଛି ଆକର୍ଷଣୀୟ ଆଣିବି । ମୁଁ ନିଜକୁ ପ୍ରତିଶୃତି ଦେଇଛି, ବର୍ତ୍ତମାନ ଯେଉଁ କାମ କରିବି, ତାହା କେବଳ ମୋତେ ନୁହେଁ ଦର୍ଶକମାନଙ୍କୁ ମଧ୍ୟ ବହୁତ ପସନ୍ଦ ଆସିବ ।'
