Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନା ସଂକ୍ରମଣ ରୋକିବାକୁ ସଜାଗ ବଲାଙ୍ଗୀର ପ୍ରଶାସନ, ସଚେତନତା ସହ ଷ୍ଟେସନରେ ଯାଞ୍ଚ୍ ପ୍ରକ୍ରିୟା ଜୋରଦାର୍
  • ||
  • ନବୀନଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପିଏମ୍ କିଷାନ ସମ୍ମାନ ନିଧି ଯୋଜନାରେ ଲୋଡିଲେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ
  • ||
  • କରୋନା ସଂକ୍ରମଣ ରୋକିବାକୁ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଜାରି ହେଲା ନୋଟିସ, ସନ୍ଧ୍ୟା ୭ଟା ୩୦ ସୁଦ୍ଧା ହଷ୍ଟେଲ ଫେରିବାକୁ ଛାତ୍ରଙ୍କୁ ନିର୍ଦ୍ଦେଶ
  • ||
  • ଚିକିତ୍ସା ଅବହେଳାରୁ ୨ ନବଜାତ ଶିଶୁ ପୁତ୍ର ମୃତ ! ନର୍ସ ଓ ଡାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲେ ବାପା
  • ||
  • ଓଲଟି ପଡିଲା ପ୍ରିନ୍ସ, ମୃତ୍ୟୁ ମୁଖରୁ ବର୍ତ୍ତିଲେ ୪୬ ଯାତ୍ରୀ
  • ||
  • ଷ୍ଟିୟରିଂ ଉପରୁ ନିୟନ୍ତ୍ରଣ ହରାଇଲେ ଡ୍ରାଇଭର, ଓଲଟି ପଡିଲା ଟ୍ରକ, ୬ ଶ୍ରମିକ ମୃତ
  • ||

ବିବେକଙ୍କ ପୋଷ୍ଟକୁ ନେଇ ପ୍ରତିକ୍ରିୟା ରଖିଲେ ଉର୍ମିଳା, କହିଲେ ନିହାତି ନିନ୍ଦନୀୟ

21/05/2019 at 1:13 PM

ଦିଲ୍ଲୀ ୨୧/୫ : ଟ୍ୱିଟରରେ ବିବେକ୍ ଓବେରଏ ଐଶ୍ୱର୍ଯ୍ୟା ରାୟଙ୍କୁ ପରିହାସ କରିବା ପରେ ବିବେକ୍ ଓବେରଏଙ୍କ ଅଡୁଆ ବଢିବାରେ ଲାଗିଛି । ବଡ ବଡ ସେଲିବ୍ରିଟି ବିବେକଙ୍କ ଏହି ପରିହାସ ହିଁ ତାଙ୍କୁ ନିନ୍ଦା କରିଛନ୍ତି । ସୋନମ କପୁର, ଜ୍ୱାଳା ଗୁଟ୍ଟା ଏବଂ ଏବେ କଂଗ୍ରେସ ତରଫରୁ ଲୋକସଭା ପ୍ରାର୍ଥୀ ଉର୍ମିଳା ମାତୋଣ୍ଡକର ମଧ୍ୟ ଟ୍ୱିଟ ଜରିଆରେ ବିବେକଙ୍କୁ ଆକ୍ଷେପ କରିଛନ୍ତି ।

ଉର୍ମିଳା କହିଛନ୍ତି ଯେ, ବିବେକଙ୍କ ଏହି ମନ୍ତବ୍ୟ ନିହାତି ନିନ୍ଦନୀୟ । ସେ ନିହାତି ଅନୁଚିତ ପୋଷ୍ଟ କରିଛନ୍ତି । ସେ ଆହୁରି କହିଛନ୍ତି ଯେ, ଯଦି ଆପଣ ମହିଳା ଏବଂ ଛୋଟ ପିଲାଙ୍କୁ କ୍ଷମା ମାଗିପାରିବେ ନାହିଁ ତାହେଲେ ସେହି ପୋଷ୍ଟକୁ ହଟାଇ ଦେବା ଉଚିତ ।

କେବଳ ଫିଲ୍ମ ତାରକା ନୁହେଁ ବରଂ ସୋସିଆଲ ମିଡ଼ିଆ ୟୁଜର୍ସ ମଧ୍ୟ ବିବେକଙ୍କ ଏହି ପୋଷ୍ଟକୁ ନେଇ ନିନ୍ଦା କରିଛନ୍ତି । ଏନେଇ ବିବେକ ମଧ୍ୟ ପ୍ରତିକ୍ରିୟା ରଖିଛନ୍ତି । ସେ ସୋନମଙ୍କ ଟ୍ୱିଟର ଜବାବ ରଖିଛନ୍ତି । ବିବେକ କହିଛନ୍ତି ଯେ, ସୋନମ ଏହି ପୋଷ୍ଟକୁ ନେଇ ପ୍ରତିକ୍ରିୟା କାହିଁକି ରଖୁଛନ୍ତି । ମୁଁ ତାଙ୍କୁ ଉପଦେଶ ଦେବାକୁ ଚାହିଁବି ଯେ, ସେ ଓଭର ରିଆକ୍ଟ ନକରନ୍ତୁ । ତେବେ ବିବେକ କ୍ଷମା ମାଗିବା ମୁଡ଼ରେ ନଥିବା ଏଥିରୁ ସ୍ପଷ୍ଟ ଜଣାପଡୁଛି । 

ବିବେକଙ୍କ ଅଡୁଆ ସେତେବେଳେ ବଢିଥିଲା ଯେତେବେଳେ ରାଷ୍ଟ୍ରୀୟ ମହିଳା ଉଦ୍ୟୋଗ ବିବେକଙ୍କ ପୋଷ୍ଟକୁ ନେଇ ତାଙ୍କୁ ନୋଟିସ ଜାରି କରିଥିଲେ । ରାଷ୍ଟ୍ରୀୟ ମହିଳା ଆୟୋଗ ଚେୟାରମ୍ୟାନ ରେଖା ଶର୍ମା କହିଛନ୍ତି ଯେ, ବିବେକଙ୍କ ଏହି ଟ୍ୱିଟ ସମ୍ପୂର୍ଣ ନିନ୍ଦନୀୟ ଏବଂ ଅପ୍ରିୟ । ଏହି ପୋଷ୍ଚ ମହିଳାଙ୍କ ଛବିକୁ ଖରାପ କରୁଛି ।

ନିଜ ଥଟ୍ଟା ପରିହାସରେ ଲୋକଙ୍କୁ ହସାଉଥିବା ବିବେକ୍ ଓବେରଏଙ୍କ ଏହି ଥଟ୍ଟା କାହାକୁ ପସନ୍ଦ ଆସିନଥିଲା । ଏହି ପୋଷ୍ଟ ପାଇଁ ଆଗକୁ ବିବେକ୍ ଓବେରଏଙ୍କୁ କେଉଁ କେଉଁ ପରିସ୍ଥିତି ଦେଇ ଗତି କରିବାକୁ ପଡିବ ତାହା ଦେଖିବା ବାକି ରହିଲା ।

   Related Posts