ବାଲିପାଟଣା ୨୩।୧୧: ସାମାନ୍ୟ କଥାକୁ ନେଇ ଉର୍ଦ୍ଦୁ ଶିକ୍ଷକ ଅଷ୍ଟମ ଶ୍ରେଣୀ ଛାତ୍ରମାନଙ୍କୁ ଅମାନୁଷିକ ମାଡ ମାରିଥିବା ଅଭିଯୋଗ ହୋଇଛି । ଘଟଣା ଘଟିଛି ବାଲିପାଟଣା ଶିକ୍ଷା ମଣ୍ଡଳ ବନମାଳିପୁର ସରକାରୀ ଉଚ୍ଚ ବିଦ୍ୟାଳୟରେ । ଏ ନେଇ ଛାତ୍ରଙ୍କ ଅଭିଭାବକ ବନମାଳିପୁର ପୋଲିସ ଫାଣ୍ଡିରେ ଲିଖିତ୍ତ ଅଭିଯୋଗ କରିଛନ୍ତି ।
{"id":188714,"sizeSlug":"large"}ସୂଚନାଯୋଗ୍ୟ ଯେ, ଗୁରୁବାର ଦିନ ଖେଳ ପିରିଅଡରେ ସ୍କୁଲର ଛାତ୍ରମାନେ ଫୁଟବଲ କିଣି ସ୍କୁଲ ଖେଳ ପଡିଆରେ ଖେଳୁଥିଲେ । ଏହି ସମୟରେ ଆରେଞ୍ଜମେଣ୍ଟ ପିରିୟଡ୍ ଦାୟିତ୍ବରେ ଥିବା ଉର୍ଦ୍ଦୁ ଶିକ୍ଷକ ସେଖ୍ ନବାବ ଅଲ୍ଲୀ କାହିଁକି ଛାତ୍ରମାନେ ଫୁଟବଲ କିଣି ଖେଳୁଛନ୍ତି ବୋଲି ପଚାରିଥିଲେ । ଏକ ଆମ୍ବଡାଳ ଆଣି ଛାତ୍ରମାନଙ୍କୁ ପିଟିଥିଲେ । ଏପରିକି ଛାତ୍ରମାନେ କ୍ଲାସକୁ ଗଲାପରେ ମଧ୍ୟ ସଂପୃକ୍ତ ଶିକ୍ଷକ କ୍ଲାସରେ ପଶି ଛାତ୍ରମାନଙ୍କୁ ପିଟିଥିଲେ । ପିଟିଲେ ମୋର କିଏ କଣ କରିବ ବୋଲି ଛାତ୍ରମାନଙ୍କୁ କହିଥିଲେ ।
{"id":188715,"sizeSlug":"large"}ଘରକୁ ଯିବାପରେ ଘରେ ଅଭିଭାବକଙ୍କୁ ଏ ସମ୍ପର୍କରେ ଜଣାଇଥିଲେ । ଅଭିଭାବକମାନେ ପ୍ରଧାନ ଶିକ୍ଷକଙ୍କୁ ଏ ବିଷୟରେ ଅବଗତ କରାଇବା ସହ ବନମାଳିପୁର ପୋଲିସ ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି । ଏ ଘଟଣାରେ ସଂପୃକ୍ତ ଉର୍ଦ୍ଦୁ ଶିକ୍ଷକଙ୍କ ସହ ଯୋଗାଯୋଗ ହୋଇପାରିନାହିଁ ।