Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||

UPSC ପରୀକ୍ଷା ସ୍ଥଗିତ, ଜାଣନ୍ତୁ କେବେ ଘୋଷଣା ହେବ ନୂତନ ତାରିଖ

4/05/2020 at 3:05 PM

ନୂଆଦିଲ୍ଲୀ ୦୪।୦୫: କରୋନା ଭାଇରସ୍ ଯୋଗୁଁ ଜାରି ଲକ୍‌ଡାଉନ୍‌କୁ ଦୃଷ୍ଟିରେ ରଖି ସଂଘ ଲୋକ ସେବା ଆୟୋଗ(UPSC) ପରବର୍ତ୍ତୀ ସୂଚନା ପର୍ଯ୍ୟନ୍ତ  ପ୍ରଶାସନିକ ସେବା ପ୍ରାରମ୍ଭିକ ପରୀକ୍ଷା ବା ପ୍ରିଲିମ ଏଗ୍‌ଜାମ ସ୍ଥଗିତ ରଖିବାକୁ ନିର୍ଣ୍ଣୟ ନେଇଛି। ଏହି ପରୀକ୍ଷା ମେ ୩୧ରେ ହେବାର ଥିଲା।

ୟୁପିଏସସି ଅଧିକାରୀଙ୍କ ଅନୁଯାୟୀ ମେ ୨୦ ପର୍ଯ୍ୟନ୍ତ ସ୍ଥିତିର ସମୀକ୍ଷା କରିବା ପରେ ଯାଇ ପରୀକ୍ଷାର ନୂତନ ତାରିଖ ଘୋଷଣା କରାଯିବ। ସୂଚନା ଅନୁଯାୟୀ, ଅରବିନ୍ଦ ସକ୍ସେନାଙ୍କ ଅଧ୍ୟକ୍ଷତାରେ ଆୟୋଗଙ୍କ ବୈଠକ ସୋମବାର ଅନୁଷ୍ଠିତ ହୋଇଛି। ଏଥିରେ ୟୁପିଏସସିର ବରିଷ୍ଠ ଅଧିକାରୀ ପରୀକ୍ଷା ସ୍ଥଗିତ ରଖିବାକୁ ନିଷ୍ପତ୍ତି ନେଇଛନ୍ତି। କେନ୍ଦ୍ର ସରକାରଙ୍କ ଦ୍ଵାରା ମେ ୧୭ ପର୍ଯ୍ୟନ୍ତ ଲକ୍‌ଡାଉନ୍ ଘୋଷଣା ପରେ ୟୁପିଏସସି ପକ୍ଷରୁ ଏହି ନିର୍ଣ୍ଣୟ ନିଆଯାଇଛି।

ୟୁପିଏସସି କହିଛି ଯେ, ସଂପ୍ରତି କୋଭିଡ୍-୧୯ର ବଢୁଥିବା ସଂକ୍ରମଣକୁ ଦୃଷ୍ଟିରେ ରଖି ଆୟୋଗ ଏହି ନିଷ୍ପତ୍ତି ନେଇଛନ୍ତି। ଏବେ ଯେଉଁ ଭଳି ଭାବେ ତୃତୀୟ ଲକ୍‌ଡାଉନ୍‌ ବଢାଗଲା ଏହାକୁ ଦେଖି ବଡ ଧରଣରେ ପରୀକ୍ଷା ଆୟୋଜିତ କରିବା ସମ୍ଭବ ନୁହେଁ। ବିଶେଷ କରି ରେଡ୍‌ ଓ ଅରେଞ୍ଜ ଜୋନ୍‌ରେ ପରୀକ୍ଷା କରିବା ମୁସ୍କିଲ।

ଅଧିକାରୀ କହିଛନ୍ତି ପ୍ରିଲିମ୍ ପାଇଁ ନୂତନ ଭାବେ କିଛି ପରିବର୍ତ୍ତନ କରାଯାଇ ନାହିଁ। କେବଳ ସ୍ଥିତିର ସମୀକ୍ଷା ପରେ ନୂତନ ତାରିଖ ସ୍ଥିରକୃତ କରାଯିବ। ଉଲ୍ଲେଖନୀୟ ଲକ୍‌ଡାଉନ୍‌ ସମୟରେ ଅନେକ ପରୀକ୍ଷା କେନ୍ଦ୍ରକୁ କ୍ଵାରେଣ୍ଟାଇନ୍ କେନ୍ଦ୍ର କରାଯାଇଥିଲା। ଏହା ବ୍ୟତୀତ ଛାତ୍ରଙ୍କୁ ମଧ୍ୟ ପରୀକ୍ଷା ସ୍ଥଳରେ ପହଞ୍ଚିବା ସଂପ୍ରତି ମୁସ୍କିଲ ହେବ। ତେଣୁ ଏହି ସମସ୍ୟାକୁ ଦୃଷ୍ଟିରେ ଆୟୋଗ ଏହି ନିଷ୍ପତ୍ତି ନେଇଛି।

ଆୟୋଗ ଚଳିତ ସପ୍ତାହରେ ଆଡମିଟ୍‌ କାର୍ଡ ବା ପ୍ରବେଶ ପତ୍ର ଜାରି କରିବାର ଥିଲା। ମାତ୍ର ବର୍ତ୍ତମାନ ସଙ୍କଟକୁ ଦେଖି ଏହି ପ୍ରକ୍ରିୟାକୁ ସ୍ଥଗିତ ରଖିବାକୁ ନିର୍ଣ୍ଣୟ ନିଆଯାଇଛି। ଉଲ୍ଲେଖଯୋଗ୍ୟ, ସିଭିଲ୍ ସେବାର ପ୍ରିଲିମ୍ ପରୀକ୍ଷା ଲାଗି ପ୍ରତ୍ୟେକ ବର୍ଷ ପାଖାପାଖି ୧୦ ଲକ୍ଷ ପରୀକ୍ଷାର୍ଥୀ ନାମପଞ୍ଜିକରଣ କରନ୍ତି। ସମଗ୍ର ଦେଶରେ ୨୫୦୦ କେନ୍ଦ୍ରରେ ପରୀକ୍ଷା ଆୟୋଜିତ କରିବା ଲାଗି ପ୍ରାୟ ୧ ଲକ୍ଷ ୬୦ ହଜାର କର୍ମଚାରୀଙ୍କୁ ନିୟୋଜିତ କରାଯାଏ।

   Related Posts