ବଲାଙ୍ଗୀର ୨୮ ।୮- ସାର କଳାବଜାରିକୁ ନେଇ ବଲାଙ୍ଗିର ଜିଲ୍ଲା ପରିଷଦ ବୈଠକରେ ହୋହାଲ୍ଲା ହୋଇଛି। ଚାଷୀଙ୍କୁ ଚଢାଦରରେ ନିମ୍ନମାନର ସାର ବିକ୍ରିକରି ବ୍ୟବସାୟୀ ମାଲେ ମାଲ ହେବା ଅଭିଯୋଗ ହୋଇଛି । ବଲାଙ୍ଗୀର ଜିଲ୍ଲାର ୫ ଜଣ ବିଧାୟକ ଓ ସାଂସଦଙ୍କ ସହ ଜିଲ୍ଲା ପରିଷଦ ଅଧ୍ୟକ୍ଷା ଓ ଜିଲ୍ଲାପାଳଙ୍କ ଉପସ୍ଥିତିରେ ଅନୁଷ୍ଠିତ ବୈଠକରେ ସାର ସଂପର୍କରେ ଆଲୋଚନା ହୋଇଥିଲେ ବି ୫ ଶହରୁ ଅଧିକ ବସ୍ତା ସାରର କଳାବଜାରି ନେଇ କିଛି ଫଇସଲା ହୋଇପାରିନି । ତେବେ ସାର କଳାବାଜାରୀ ଏବେ ଖୁଲମଖୁଲ୍ଲା ହେଉଥିବାବେଳେ ମାମଲା ଚାଲିଥିବାରୁ ଅଦାଲତ ଏ ବିଷୟରେ ନିଷ୍ପତ୍ତି ନେବା ବୋଲି କଳାହାଣ୍ଡି ଜିଲ୍ଲାପାଳ କହିଛନ୍ତି ।
{"id":150230}ବଲାଙ୍ଗିରରେ ୫ ଶହ ବସ୍ତାରୁ ଅଧିକ ସାର ଜବତ । କେବଳ ସାର ଜବତ କରି ଗୋଦାମ କୁ ସିଲ କରି କୃଷିବିଭାଗ କାମ ସାରିଦେଇଛି । ଏପଟେ କିନ୍ତୁ ବଲାଙ୍ଗିର ଜିଲ୍ଲା ପରିଷଦ ବୈଠକରେ ସାର ପାଇଁ ହଟ୍ଟଗୋଳ ହୋଇଛି । ଆସାଧୁ ବ୍ୟବସାୟୀ ଚଢାଦରରେ ନିମ୍ନମାନର ସାର ଦେଇ ଚାଷୀଙ୍କୁ କ୍ଷତି ପହଞ୍ଚାଉଛନ୍ତି ବୋଲି ଅଭିଯୋଗ ହୋଇଛି । ଏମାନଙ୍କୁ ନିୟନ୍ତ୍ରଣ କରିବା ନେଇ ଜିଲ୍ଲା ପରିଷଦ ବୈଠକରେ ହଟ୍ଟଗୋଳ । କଣ୍ଟାବାଞ୍ଜି ବିଧାୟକ ଏହାକୁ ନେଇ ପ୍ରଶ୍ନ କରିଥିବା ବେଳେ ତୁରନ୍ତ ଏ ଘଟଣାକୁ ନେଇ କାର୍ଯ୍ୟାନୂଷ୍ଠାନ କରିବା ପାଇଁ ଦାବି କରିଛନ୍ତି ।
{"id":150231}କଳାବଜାରା ରାକେଟ୍ରେ ରାଜନେତା ଥିବା କଥା ଅଭିଯୋଗ ହୋଇଛି । ସଇଁନ୍ତଳା ସାର କଳାବଜାରି ଘଟଣାରେ ସଇଁନ୍ତଳା ସମିତି ସଭ୍ୟ ପ୍ରମୋଦ ଅଗ୍ରଓ୍ବାଲଙ୍କ ସଂପୃକ୍ତି ଅଭିଯୋଗ ହୋଇଛି । ସେପଟେ ନିମ୍ନମାନର ସାରକୁ ଠିକ ଥିବା କହି ପୁଣିଥରେ ବିକିବାପାଇଁ ଜିଲ୍ଲା କୃଷି ବିଭାଗ ନିଷ୍ପତି ନେଇଥିବା ସୂଚନା ମିଳିଛି । କୃଷି ବିଭାଗର ମତ ପରିବର୍ତ୍ତନକୁ ନେଇ ସବୁଠୁ ବଡ ପ୍ରଶ୍ନ ଉଠିଛି। ଜିଲ୍ଲା ପରିଷଦ ବୈଠକରେ ଏନେଇ ଆଲୋଚନା ବେଳେ, ଅଭିଯୋଗ ସତ୍ୟାସତ୍ୟ ନେଇ ଅନୁସନ୍ଧାନ ସହ ସତ୍ୟ ଉନ୍ମୋଚନ ପାଇଁ ଉପସ୍ଥିତ ଥିବା ଜନ ପ୍ରତିନିଧି ଦାବିକରିଛନ୍ତି । ତେବେ ମାମଲା ଅଦାଲତରେ ଥିବାରୁ ଶୁଣାଣି ଓ ଆଦେଶ ଭିତ୍ତିରେ ଯାହା କିଛି କହିବେ ବୋଲି ଜିଲ୍ଲାପାଳ କହିଛନ୍ତି ।
{"id":150232}ଖୁଲ୍ଲମଖୁଲ୍ଲା ସାର କଳାବଜାରିରେ ଚାଷି ପେଟକୁ ହିଁ ଲାତ ମରାଯାଉଛି । ଆଉ ଏଥିରେ ବ୍ୟବସାୟୀରୁ ଜନପ୍ରତିନିଧି ହୋଇଥିବା ଜଣେ ନିଦ୍ଦିଷ୍ଟ ବ୍ୟକ୍ତି ଫାଇଦା ନେଉଥିବା ଏବଂ ସରକାରୀ ବାବୁ ବି ସଂପୃକ୍ତ ଥିବା ଆଲୋଚନା ହେଉଛି । ତେଣୁ ତୁରନ୍ତ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନହେଲେ, ଆଗକୁ ଏହା ଜଟିଳ ହେବା ଆଶଙ୍କା ବେଶୀ ।
{"id":150233}