Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ବନ୍ଧୁକ ମୂନରେ ଗାଡି ଚେକିଂ କରୁଛି ପୋଲିସ : ସ୍ଥାନୀୟ ଅଞ୍ଚଳରେ ଭୟର ବାତାବରଣ

25/06/2019 at 5:50 PM

ବନ୍ଦାୟୁ ୨୫/୬ : ଉତ୍ତର ପ୍ରଦେଶ ବନ୍ଦାୟୁ ଜିଲ୍ଲାରେ ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି । ଭିଡିଓରେ ପୋଲିସକର୍ମୀ ରାସ୍ତାରେ ଯାଉଥିବା ଲୋକଙ୍କୁ ବନ୍ଧୁକ ଦେଖାଇ ଗାଡି ଚେକିଂ କରୁଥିବା ଦେଖିବାକୁ ମିଳିଛି । କେବଳ ସେତିକି ନୁହେଁ ଗାଡି ଚେକିଂ ବେଳେ ଯାତ୍ରୀଙ୍କୁ ହାତ ଉପରକୁ ଉଠାଇବାକୁ କହୁଛନ୍ତି ପୋଲିସକର୍ମୀ । ବଜିରଗଞ୍ଜ ବଗେନ ଥାନା ଅଂଚଳରେ ରେକର୍ଡ କରାଯାଇଥିବା ଏହି ଭିଡିଓରେ ଥାନା ପ୍ରଭାରୀ ରାହୁଲ କୁମାର ଯାତ୍ରୀଙ୍କୁ ଧମକାଉଥିବା ଦେଖିବାକୁ ମିଳିଛି । ଭିଡିଓରେ ଥାନା ଅଧିକାରୀ ଯାତ୍ରୀଙ୍କୁ କହୁଛନ୍ତି ହାତ ଉପରକୁ ଟେକ ଏବଂ ଗୋଡ ଛଡା କରି ଛିଡା ହୁଅ, ନଚେତ ଗୁଳି କରିଦିଆଯିବା ।

ସ୍ଥାନୀୟାଲୋକେ କହିଛନ୍ତି ଯେ, ପୋଲିସ ଏବେ ନିୟମିତ ଏହିଭଳି ଭାବେ ଚେକିଂ କରୁଛି । ଜଣେ କହିଛନ୍ତି ଯେ ପୋଲିସ ମହିଳାମାନଙ୍କୁ ମଧ୍ୟ ଛାଡୁନାହିଁ । ରାଜ କୁମାର ଅଗ୍ରୱାଲ ନାମକ ଜଣେ ବ୍ୟକ୍ତି କହିଛନ୍ତି ଗାଡି ଚଲାଇଲା ବେଳେ ପୋଲିସ ବନ୍ଧୁକ ଦେଖାଇ ଲୋକଙ୍କୁ ଅଟକାଉଛି ।  ପୋଲିସର ଏହି ଉପାୟ ଅପମାନଜନକ ଏବଂ ଭୟଙ୍କର ବୋଲି କହିଛନ୍ତି ବ୍ୟକ୍ତି ଜଣକ ।

ବନ୍ଦାୟୁ ଅଂଚଳରୁ ବହୁ ମାତ୍ରାରେ ଅପରାଧିକ ମାମଲା ସାମ୍ନାକୁ ଆସିଥାଏ । ଅପରାଧୀଙ୍କ ଉପରେ ନଜର ରଖିବାକୁ ପୋଲିସମାନେ ସବୁବେଳେ ବନ୍ଧୁକ ବାହାରେ ରଖିଥାନ୍ତି । କେତେବେଳେ କେଉଁ ଗାଡିରେ ଅପରାଧୀ ଯାଉଥିବା ସେଥିପାଇଁ ପୋଲିସକର୍ମୀ ସବୁବେଳେ ସଜାଗ ରହୁଛନ୍ତି ବୋଲି କହିଛନ୍ତି ଜଣେ ପୋଲିସକର୍ମୀ । 

ବନ୍ଦାୟୁ ଏସଏସପି ଅଶୋକ ତ୍ରିପାଠୀ କହିଛନ୍ତି, ଅପରାଧୀଙ୍କୁ ଧରିବା ପାଇଁ ଏହା ଏକ ରଣନୀତି । ଅପରାଧିକ ମାନସିକତା ଲୋକେ ବେଳେବେଳେ ଗାଡି ଚେକିଂ ବେଳେ ପୋଲିସ ଉପରକୁ ଗୁଳି ଚଳାଇ ଫେରାର ହୋଇଯାଇଥାନ୍ତି । ସେଥିପାଇଁ ଏହି ଉପାୟ ଅବଲମ୍ବନ କରାଯାଇଛି । ମାମଲାର ତଦନ୍ତ କରାଯିବ ଏବଂ ଆବଶ୍ୟକ ସ୍ଥଳେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିଜିପି କହିଛନ୍ତି ।  

   Related Posts