Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

୨୦୨୨ UP ବିଧାନସଭା ନିର୍ବାଚନ: କେଶବ ମୌର୍ଯ୍ୟ କହିଲେ ‘ଅବକି ବାର ୩୦୦ ପାର’

1/06/2021 at 8:51 PM

ଲକ୍ଷ୍ନୌ ୧।୬: ଉତ୍ତରପ୍ରଦେଶ ବିଧାନସଭା ନିର୍ବାଚନ ଲାଗି ରାଜ୍ୟ ରାଜନୀତିରେ ହଲଚଲ ଦେଖା ଗଲାଣି। ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ କେଶବ ମୌର୍ଯ୍ୟ ମଙ୍ଗଳବାର ଆଗାମୀ ବିଧାନସଭା ନିର୍ବାଚନରେ ଶାସକ ବିଜେପି ୩୦୦ରୁ ଅଧିକ ଆସନରେ ପୁଣି ଜିତିବ ବୋଲି କହିଛନ୍ତି। ମୌର୍ଯ୍ୟ ପ୍ରଦେଶ ବିଜେପି କାର୍ଯ୍ୟାଳୟରେ ପାର୍ଟିର ଜାତୀୟ ମହାମନ୍ତ୍ରୀ ବି.ଏଲ. ସନ୍ତୋଷଙ୍କ ସହ ସାକ୍ଷାତ ଆଲୋଚନା ପରେ ଗଣମାଧ୍ୟମକୁ ଭେଟିଥିଲେ। ବିଜେପି ପ୍ରଦେଶ ସଭାପତିଙ୍କ ନେତୃତ୍ୱରେ ପୁଣି ଥରେ ସରକାର ଗଢିବ ବୋଲି ସେ ଦୃଢୋକ୍ତି କରିଛନ୍ତି।

ସେ କହିଛନ୍ତି ଯେ ଗତ ୪ ବର୍ଷ ହେଲା ରାଜ୍ୟରେ ବିଜେପି ସରକାର ଅନେକ ଉନ୍ନତିମୂଳକ କାର୍ଯ୍ୟକ୍ରମ ହାତକୁ ନେଇଛନ୍ତି। ଏହି ସବୁ ଜନକଲ୍ୟାଣକାରୀ କାର୍ଯ୍ୟକ୍ରମ ମାଧ୍ୟମରେ ବିଜେପିକୁ ୨୦୨୨ ବିଧାନସଭା ନିର୍ବାଚନରେ ୩୦୦ରୁ ଅଧିକ ଆସନ  ମିଳିବ ବୋଲି ଆଶାପୋଷଣ କରିଛନ୍ତି। ୟୁପିରେ ବିଜେପି ଏବେ ନିର୍ବାଚନ ପ୍ରସ୍ତୁତି ଆରମ୍ଭ କରିଦେଇଥିବା ବେଳେ ଦଳର ଜାତୀୟ ମହାମନ୍ତ୍ରୀଙ୍କ ସହ ତାଙ୍କର ସଫଳ ଆଲୋଚନା ହୋଇଥିବା ସାମ୍ବାଦିକମାନଙ୍କୁ କହିଛନ୍ତି।  ଉଲ୍ଲେଖଯୋଗ୍ୟ ଯେ ବିଜେପି ଜାତୀୟ ମହାମନ୍ତ୍ରୀ ବି.ଏଲ. ସନ୍ତୋଷ  ଦୁଇ ଦିବସୀୟ ଲକ୍ଷ୍ନୌ ଗସ୍ତରେ ଆସିଛନ୍ତି। ଏହି ଗସ୍ତ ଅବସରରେ ସନ୍ତୋଷ ଉତ୍ତରପ୍ରଦେଶ ବିଧାନସଭା ନିର୍ବାଚନ ସହ ରାଜ୍ୟରେ ବ୍ୟାପିଥିବା କରୋନା ସଂକ୍ରମଣରୁ ଲୋକଙ୍କୁ ବାହାର କରିବା ଲାଗି ବିସ୍ତୃତ ସମୀକ୍ଷା କରିଛନ୍ତି। ଏହି ସମୀକ୍ଷା ବୈଠକରେ ଉତ୍ତରପ୍ରଦେଶ ବିଜେପି ପ୍ରଭାରୀ ତଥା ଜାତୀୟ ଉପସଭାପତି ରାଧାମୋହନ ସିଂହ ମଧ୍ୟ ଯୋଗ ଦେଇଥିଲେ।  ବୈଠକ ପରେ ମୌର୍ଯ୍ୟ ଗଣମାଧ୍ୟମ ସହ ଆଲୋଚନା କାଳରେ ବିଧାନସଭା ନିର୍ବାଚନ ଲାଗି ବିସ୍ତୃତ ଆଲୋଚନା ହୋଇଥିବା କହିଛନ୍ତି। ଏଥିରେ ଆମେ ଆଗାମୀ ବିଧାନସଭା ନିର୍ବାଚନରେ ପ୍ରଚଣ୍ଡ ବହୁମତ ସହ ପୁଣି କ୍ଷମତାକୁ ଫେରିବୁ ବୋଲି ଦୃଢତାର ସହ କହିଥିଲେ।

   Related Posts