ଲକ୍ଷ୍ନୌ ୧୩।୪: କରୋନା ପୃଥକ ବାସରେ ଗଲେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ।  ଏ ନେଇ ସେ ମଙ୍ଗଳବାର ତାଙ୍କ ଅଧିକାରୀ ଟ୍ୱିଟ୍‌ ହ୍ୟାଣ୍ଡଲରେ ସୂଚିତ କରିଛନ୍ତି। ତାଙ୍କ ମୁଖ୍ୟମନ୍ତ୍ରୀ କାର୍ଯ୍ୟାଳୟର କେତେକ ଅଧିକାରୀ କୋଭିଡ-୧୯ ସଂକ୍ରମିତ ହୋଇଥିବା ପରୀକ୍ଷଣ ରିପୋର୍ଟରୁ ଜଣାପଡିଛି। ଏଣୁ ସେମାନଙ୍କ ସହ ମିଳାମିଶା ଥିବାରୁ ପୃଥକବାସ ପାଇଁ ବାଧ୍ୟ ହେଉଥିବା ଯୋଗୀ ଉଲ୍ଲେଖ କରିଛନ୍ତି। ତେବେ  ଏହି ସମୟରେ ସମସ୍ତ କାର୍ଯ୍ୟ ଭର୍ଚୁଆଲି କରିବେ ବୋଲି  କହିଛନ୍ତି।

{"id":437986,"width":840,"height":560,"sizeSlug":"large","linkDestination":"none"}

ଉତ୍ତରପ୍ରଦେଶକରେ କରୋନା ସଂକ୍ରମଣ ବଢିବଢି ଚାଲିଛି। ଗତ ୨୪ ଘଣ୍ଟାରେ ରାଜ୍ୟରେ ୧୮ ହଜାର ୨୧ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଏଥିରୁ ୮୫ ଜଣ ପ୍ରାଣ ହରାଇବା ଯୋଗୁ ମୋଟ ମୃତ୍ୟୁ ସଂଖ୍ୟା ୯ ହଜାର ୩୦୯କୁ ପହଞ୍ଚିଥିବା ସ୍ୱାସ୍ଥ୍ୟ ବିଭାଗ ମୁଖ୍ୟ ଶାସନ ସଚିବ ଅମିତ ମୋହନ ପ୍ରସାଦ ସୂଚିତ କରିଛନ୍ତି।

{"id":437987,"sizeSlug":"large","linkDestination":"none"}

ରାଜ୍ୟରେ ଏବେ ୯୫ ହଜାର ୯୮୦ଟି ସକ୍ରିୟ କରୋନା ମାମଲା ଥିବା ବେଳେ ୩ ହଜାର ୪୭୪ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ରାଜ୍ୟରେ ଗତ ଏପ୍ରିଲ ୧୨ ତାରିଖ ଦିନ ଟିକା ଦିବସ ପାଳନ କରାଯାଇଥିଲା। ଏଥିରେ ୫ଲକ୍ଷ ୮ ହଜାରରୁ ଅଧିକ ଲୋକଙ୍କ ଟିକାକରଣ ହୋଇଥିବା ସ୍ୱାସ୍ଥ୍ୟ ସଚିବ କହିଛନ୍ତି। ରାଜ୍ୟରେ ଏପର୍ଯ୍ୟନ୍ତ୧୩ଲକ୍ଷ ୪୪ ହଜାର ୧୧୦ ଜଣ ଦ୍ୱିତୀୟ ଡୋଜ କରୋନା ଟିକା ନେଇସାରିଲେଣି।