Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : ଶିକାରୀ ଆଡ୍ଡାରେ ବନବିଭାଗର ଅତର୍କିତ ଚଢାଉ, ୪ ଗିରଫ
  • ||
  • ଗ୍ରୋସରୀ ଦୋକାନରୁ ଲୁଟ୍, ଲକ୍ଷାଧିକ ଟଙ୍କାର ସାମଗ୍ରୀ ଚୋରି
  • ||
  • ଜଳେଶ୍ୱର : ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଗାଡିରେ ଥିଲେ ୫୦ରୁ ଅଧିକ ଲୋକ
  • ||
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||

ଦାଉ ସାଧିଛି ଅଦିନିଆ ବର୍ଷା, ମଣ୍ଡିରେ ଭିଜୁଛି କ୍ୱିଣ୍ଟାଲ୍‌ କ୍ୱିଣ୍ଟାଲ୍‌ ଧାନ

27/12/2019 at 7:24 PM

ଭୁବନେଶ୍ୱର ୨୭।୧୨: ସାରା ରାଜ୍ୟରେ କୋହଲା ପାଗ  । କିଛି ସ୍ଥାନରେ ଝିପି ଝିପି ବର୍ଷା । ଆଉ ଏଥିପାଇଁ ଧାନ ଚାଷୀ ଏବେ ମୁଣ୍ଡରେ ହାତ ଦେଇଛି । କାରଣ କେତେକ ସ୍ଥାନରେ ମଣ୍ଡିରେ ଧାନ ପଡିଛି । ବିଶେଷକରି କଳାହାଣ୍ଡି ଜିଲ୍ଲାର ବିଭିନ୍ନ ମଣ୍ଡିରେ ହଜାର ହଜାର କ୍ୱିଣ୍ଟାଲ୍‌ ଧାନ ଖୋଲା ଆକାଶ ତଳେ ପଡି ରହିଛି । ଯାହାକୁ ନେଇ ଚାଷୀ ଚିନ୍ତାରେ । ସେପଟେ  ପ୍ରବଳ ଜାଡ଼ରେ ଥରୁଛି ସାରା ଓଡ଼ିଶା । ଓଡିଶା ଉପରେ ଟ୍ରଫ ଲାଇନ ଥିବାରୁ ଏହାର ପ୍ରଭାବରେ କେତେକ ସ୍ଥାନରେ ବର୍ଷା ସହ ୮ ଜିଲ୍ଲାରେ ପ୍ରବଳ କୁହୁଡି ଅନୁଭୂତ ହୋଇଛି । …

ମଣ୍ଡିରେ ଭିଜୁଛି ଶହ ଶହ କ୍ୱିଣ୍ଟାଲ୍‌ ଧାନ । ହେଲେ ଧାନ ଉଠୁନାହିଁ । ଏ ହେଉଛି କଳାହାଣ୍ଡି ଜିଲ୍ଲାର ବିଭିନ୍ନ ମଣ୍ଡିର ଦୃଶ୍ୟ । ହଜାର ହଜାର କ୍ୱିଣ୍ଟାଲ୍‌ ଧାନ ମଣ୍ଡିରେ ପଡି ରହିଛି । ଆଉ ଏତିକି ବେଳେ ଦାଉ ସାଧିଛି ଅଦିନିଆ ବର୍ଷା ।କେଉଁଠି ଚାଷୀ ଧାନ ବସ୍ତାକୁ ଘୋଡାଇ ରଖିବାକୁ ଚେଷ୍ଟା କରୁଛି ତ ଆଉ କେଉଁଠି ବର୍ଷାରେ ଭିଜୁଛି ଧାନ ବସ୍ତା । ନୂଆ ଡିଜିଟାଲ ପ୍ରଣାଳୀରେ ଧାନ କିଣାରେ ଅସୁବିଧା ଯୋଗୁଁ ଧାନ ଉଠାଣ ହୋଇ ପାରୁନାହିଁ । ଅନ୍ୟପଟେ ମିଲର ଧାନର ମାନକୁ ନେଇ କଟନୀ ଦାବି କରି ଧାନ କିଣାରେ ବିଳମ୍ବ କରୁଛି । ଧାନ ତୁରନ୍ତ ଉଠାଇବାକୁ ଦାବିକରି ବିଭିନ୍ନ ସ୍ଥାନରେ ଚାଷୀ ରାସ୍ତାକୁ ଓଲ୍ଲାଇବାକୁ ବାଧ୍ୟ ହୋଇଛି ।

ଆଉ ଏ ହେଉଛି ଜଗତସିଂପୁର ଜିଲ୍ଲାର ଚାଷୀଙ୍କ ଅବସ୍ଥା । ବିଲରେ ଧାନ ପଡିଛି , କଟା ହୋଇ ପାରିନାହିଁ । ଏପଟେ ଝିପିଝିପି ବର୍ଷା ଲାଗି ରହିବାରୁ ଧାନ ଫସଲ ବ୍ୟାପକ କ୍ଷତି ହେବାର ସମ୍ଭାବନା ସୃଷ୍ଟି ହୋଇଛି । ଜିଲାରେ ପ୍ରାୟ ୮୦ ହଜାର ହେକ୍ଟର ଚାଷ ଜମିରେ ଚଳିତ ବର୍ଷ ଧାନ ଚାଷ ହୋଇଛି । ହେଲେ ମାତ୍ର ୨୦ ଭାଗ ଜମିରେ ଧାନ କଟା ହୋଇ ଖଳାକୁ ଆସିଛି । ବିଲରେ ଓ ଖଳାରେ ସବୁଆଡେ ଧାନ ଓଦା ହେଉଥିବାରୁ ଗଜା ହେବା ଆରମ୍ଭ କଲାଣି । ରାଜ୍ୟର ଯେଉଁସବୁ ସ୍ଥାନରେ ବର୍ଷା ହେଉଛି ସେଠାକାର ଧାନଚାଷୀଙ୍କ ଅବସ୍ଥା ଏହିଭଳି ।

ଓଡିଶା ଉପରେ ସୃଷ୍ଟି ହୋଇଥିବା ଟ୍ରପ ଲାଇନ୍‌ ଝାଡଖଣ୍ଡ ଯାଏଁ ଲମ୍ବିଛି । ଏହାର ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ହାଲୁକା ବର୍ଷା ହୋଇଛି । ଆସନ୍ତା ୪ ଦିନ ପର୍ଯ୍ୟନ୍ତ ରାଜ୍ୟରେ କୋହଲା ପାଗ ରହିବ ।  କେନ୍ଦୁଝରେ ସର୍ବାଧିକ ୫ ଦଶିମିକ ୮ ମିଲିମିଟର ବର୍ଷା ରେକର୍ଡ ହୋଇଛି । ତା ସାଙ୍ଗକୁ ସାରା ରାଜ୍ୟରେ କୋହଲା ପାଗ ସହ ଶୀତ ଲହରି ଅନୁଭୂତ ହେଉଛି । ସୁନ୍ଦରଗଡ,କେନ୍ଦୁଝର, ଅନୁଗୁଳ, ଢେଙ୍କାନାଳ,ମୟୁରଭଞ୍ଜ, ପୁରୀ, କଳାହାଣ୍ଡି, କନ୍ଧମାଳ ଜିଲ୍ଳାରେ ପ୍ରବଳ କୁହୁଡି ଦେଖିବାକୁ ମିଳିଛି ।  ଜାନୁଆରୀ ଦ୍ୱିତୀୟ ସପ୍ତାହ ଯାଏଁ ଶୀତର ପ୍ରଭାବ ରହିବ । ଆଜି ଉତ୍ତର ଓଡିଶାର କିଛି ସ୍ଥାନରେ ଝିପିଝିପି ବର୍ଷା ସମ୍ଭାବନା ରହିଛି । ଏହା ସହ ତାପମାତ୍ରା ୩ରୁ ୪ ଡିଗ୍ରୀ ହ୍ରାସ ପାଇବ ବୋଲି ପାଣିପାଗ ବିଭାଗ ସୂଚନା ଦେଇଛି ।

   Related Posts