Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ବିପଦରେ କୋମଳମତି ଛାତ୍ରଛାତ୍ରୀଙ୍କ ଜୀବନ, ଭଙ୍ଗା କାନ୍ଥ ଉପରେ ସ୍କୁଲ ଛାତ ନିର୍ମାଣକୁ ବିରୋଧ

11/09/2019 at 4:54 PM

ଯାଜପୁର ୧୧।୯: କୋମଳମତି ଛାତ୍ର ଛାତ୍ରୀଙ୍କ ଜୀବନ ସହିତ ଖେଳ । ଯାଜପୁର ବିନ୍ଧାଣ ପ୍ରାଥମିକ ବିଦ୍ୟାଳୟ ମରାମତି ପାଇଁ ଆସିଥିବା ଅର୍ଥରେ ଦୁର୍ବଳ ଓ ଭଙ୍ଗା କାନ୍ଥ ଉପରେ  ଛାତ ପକା ଉଦ୍ୟମକୁ ବିରୋଧ କରିଛନ୍ତି ଗ୍ରାମବାସୀ। ଏହା ସହ ବିଦ୍ୟାଳୟ ପରିସରରେ ଥିବା ମୂଲ୍ୟବାନ ଗଛକୁ କାଟି ବିକ୍ରି କରିଦିଆଯାଇଥିବା ଅଭିଯୋଗ ହୋଇଛି। ଆଉ  ଆଶ୍ଚର୍ଯ୍ୟର କଥା ହେଲା, ଏ ବାବଦରେ ପ୍ରଧାନ ଶିକ୍ଷୟତ୍ରୀ କିଛି  ଜାଣିନାହାନ୍ତି । ଏ ନେଇ  ନିର୍ବାଚିତ ପଞ୍ଚାୟତ ସ୍ତରୀୟ ଜନପ୍ରତିନିଧିଙ୍କ ଆଡକୁ  ଅଙ୍ଗୁଳି ନିର୍ଦେଶ ହେଉଛି।

ପିଲାଙ୍କ ଜୀବନଠୁ ଠିକାଦାରଙ୍କ ସ୍ବାର୍ଥ ବଡ । ମରାମତି ଆଳରେ ଛୋଟ ଛୋଟ ସ୍କୁଲ ପିଲାଙ୍କ ସୁରକ୍ଷାକୁ ବିପଦ ଆଶଙ୍କା ଭିତରକୁ  ଠେଲିଦିଆଯାଉଥିବା ଅଭିଯୋଗ ହୋଇଛି । ଯାଜପୁର ଜିଲ୍ଲାର ପଣାସ ପଞ୍ଚାୟତ ଅନ୍ତର୍ଗତ ବିନ୍ଧାଣ ପ୍ରାଥମିକ ବିଦ୍ୟାଳୟରେ ଏ ନେଇ ଉତ୍ତେଜନା ସୃଷ୍ଟି ହୋଇଛି ।

 କାରଣ ଫନି କ୍ଷତିଗ୍ରସ୍ତ ସ୍କୁଲ ଘରର ମରାମତି  ପାଇଁ ଆସିଛି ୨ ଲକ୍ଷ ଟଙ୍କା । ସେହି ଟଙ୍କାରେ  ପ୍ରାୟ ୪୦ ବର୍ଷ ତଳେ  ନିର୍ମିତ ସ୍କୁଲର ଭଙ୍ଗା ,ଦଦରା ପୁରୁଣା କାନ୍ଥ ଉପରୁ ଆଜବେଷ୍ଟସ ହଟାଇ  ଛାତ ପକାଇବାକୁ ଠିକାଦାର ଉଦ୍ୟମ କରୁଛନ୍ତି । ଯାହାକୁ ଘୋର ବିରୋଧ କରିଛନ୍ତି ଗ୍ରାମବାସୀ । ଏହି ଛାତ ପଡିବା ପରେ କୌଣସି ମୁହୁର୍ତରେ କାନ୍ଥ ଭୁଶୁଡି ପଡିବା ଆଶଙ୍କା ରହିଛି। ଛାତ୍ର ଛାତ୍ରୀଙ୍କ ଜୀବନ ପ୍ରତି ଭୟ ରହିଛି । ସ୍ଥାନୀୟ ସରପଞ୍ଚ ଠିକାଦାରଙ୍କୁ ସମର୍ଥନ  କରୁଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି ।  ଏଥିସହିତ ବିଦ୍ୟାଳୟର ପାଚେରି ଭାଂଗିଛି ,। ସ୍କୁଲ ପରିସରରୁ ଦାମି ଗଛ ଗୁଡିକୁ କାଟି ବିକ୍ରି କରିଦିଆଯାଇଥିବା ଅଭିଯୋଗ ହୋଇଛି । ଏ ନେଇ  ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି ଗ୍ରାମବାସୀ ।

ସ୍କୁଲର ଘଟଣାକୁ ନେଇ ଗ୍ରାମରେ ହଇଚଇ , କିନ୍ତୁ ଆଶ୍ଚର୍ଯ୍ୟର କଥା ହେଲା, ଏତେ ସବୁ କାମ ଓ କାରନାମା ସଂପର୍କରେ ବିଦ୍ୟାଳୟର ପ୍ରଧାନଶିକ୍ଷୟତ୍ରୀଙ୍କୁ  ଜଣାନାହିଁ ବୋଲି ସେ ସଫେଇ ଦେଇଛନ୍ତି । ଠିକାଦାରଙ୍କ କାମ ନେଇ ସେ ଜାଣିନଥିବା ପ୍ରଧାନ ଶିକ୍ଷୟତ୍ରୀ କହିଛନ୍ତି । ବିଭାଗୀୟ ଅଧିକାରୀ ଯାଜପୁର ବିଡିଓ ,ଜେଇ ,ଡ଼ିପିସି ସମସ୍ତେ ସ୍କୁଲକୁ ପରିଦର୍ଶନ ପାଇଁ  ଯାଇଥିଲେ । ଅଥଚ ଏଭଳି ଦୁର୍ବଳ କାନ୍ଥ ଉପରେ ଛାତ ପକେଇବାକୁ  କିପରି ଅନୁମତି ଦେଲେ ? ଯଦି ସ୍କୁଲ ମରାମତି ଓ ଗଛ କଟା ସଂପର୍କରେ ପ୍ରଧାନ ଶିକ୍ଷୟତ୍ରୀ ଜାଣିନାହାନ୍ତି, ତେବେ ଏଭଳି କାମ ପଛରେ କିଏ, ତାକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ ।

ତେବେ ଅଭିଯୋଗ ପାଇବାପରେ ଯାଜପୁର ଜିଲ୍ଲାପାଳ  ରଞ୍ଜନ କୁମାର ଦାସ ସେଠାରେ ପହଞ୍ଚି  ସମସ୍ୟାର ସମାଧାନ କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ଜିଲ୍ଲାପାଳଙ୍କ ପ୍ରତିଶ୍ରୁତି ପରେ  ଆଶା ସଞ୍ଚାର ହୋଇଥିଲେ ବି , ଭୁଲ ନିଷ୍ପତ୍ତି କିଏ ନେଇଥିଲେ , ତାହା ଉନ୍ମୋଚନ ହେବା ଦରକାର ବୋଲି ଗ୍ରାମବାସୀ ଦାବି କରିଛନ୍ତି । ତାସହ ଗଛ କାଟିବା ଘଟଣାରେ ମଧ୍ୟ କାର୍ଯାନୁଷ୍ଠାନ ପାଇଁ ଦାବି  ହୋଇଛି।

   Related Posts