ଝାରସୁଗୁଡା ୧୭।୧୨: ସୁନ୍ଦରଗଡ ଜିଲ୍ଲା ସୀମାନ୍ତ ଗ୍ରୀଣ୍ଡୋଲା ନିକଟରେ ଅଜଣା ଯୁବକଙ୍କ ମୃତଦେହ ଉଦ୍ଧାର ହୋଇଛି ।ବେଲପାହାଡ଼-ହେମଗିରି ରାସ୍ତା ଉପରେ ମୃତଦେହ ପଡିରହିଥିବା ବେଳେ ଅଜଣା ଯୁବକଙ୍କ ହାତ ଓ ମୁହଁରେ କପଡା ବନ୍ଧା ହୋଇଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି ।

ଘଟଣାସ୍ଥଳରେ ଲଖନପୁର ପୋଲିସ ପହଞ୍ଚି ମାମଲାର ତଦନ୍ତ ଆରମ୍ଭ କରିଛି । ପରିଚୟ ନଷ୍ଟ ପାଇଁ ଅଜଣା ଯୁବକଙ୍କୁ ହତ୍ୟା ପରେ ତାଙ୍କ ଉପରେ ଗାଡି ଚଢାଇ ଦିଆଯାଇଥିବା ପୋଲିସ ସନ୍ଦେହ କରୁଛି । ଲଖନପୁର ପୋଲିସ ତଦନ୍ତ ଆରମ୍ଭ କରିଥିବା ବେଳେ ଆଖପାଖର ସିସିଟିଭି ଫୁଟେଜକୁ ଖୋଜିବା ଆରମ୍ଭ କରିଦେଇଛି ।