ଜି.ଉଦୟଗିରି ୧୧।୧୨: ବିଲରୁ ଅଜଣା ଯୁବକଙ୍କ ମୃତଦେହ ଉଦ୍ଧାର । କନ୍ଧମାଳ ଜିଲ୍ଲାର ସାରଙ୍ଗଗଡ଼ ଥାନାର ବଣ୍ଡାଗୁଡା ଗ୍ରାମ ନିକଟରେ ପଡିଛି ମୃତଦେହ । ଘଟଣାର ତଦନ୍ତ ଆରମ୍ଭ କଲା ପୋଲିସ ।
ସୂଚନାଯୋଗ୍ୟ ଯେ, କନ୍ଧମାଳ ଜିଲ୍ଲାର ସାରଙ୍ଗଗଡ ଥାନା ବଣ୍ଡାଗୁଡା ଗ୍ରାମ ନିକଟ ଏକ ବିଲରୁ ଜଣେ ଅଜଣା ଯୁବକ ମୃତଦେହ ପଡିଥିବା ଦେଖିବାକୁ ମିଳିଥିଲା । ଶରୀରଟି ମୁହଁମାଡି ହୋଇ ପଡିଥିବାରୁ ଚିହ୍ନଟ ହୋଇପାରିନି । କେହି ଦୁର୍ବୃତ୍ତ ହତ୍ୟା କରି ଏଠି ଫିଙ୍ଗିଥିବାର ଅନୁମାନ କରାଯାଉଛି । ସାରଙ୍ଗଗଡ ପୋଲିସ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି । ଶବଟି ଦୁର୍ଗନ୍ଧ ହେଉଥିବାରୁ ଏହା ବହୁ ଦିନର ହେବ ବୋଲି ଅନୁମାନ କରାଯାଉଛି ।