ଭୁବନେଶ୍ବର ୧୩।୭: ଭୁବନେଶ୍ବର ପୋଖରୀପୁଟ ଓଭରବ୍ରିଜ ତଳେ ଯାଇଥିବା ରେଳ ଧାରଣାରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ମୃତଦେହକୁ ଜିଆରପି ଉଦ୍ଧାର କରି କ୍ୟାପିଟାଲ ହସ୍ପିଟାଲକୁ ପଠାଇଥିଲେ । ପ୍ରାଥମିକ ତଦନ୍ତରୁ ଟ୍ରେନ୍ ଧକ୍କା ଦେବା ଯୋଗୁଁ ମୃତ୍ୟୁ ହୋଇଥିବା ଜଣାପଡିଛି । ବ୍ୟକ୍ତିଙ୍କ ହାତଟି ଇଲେକ୍ଟ୍ରିକାଲ ଡିଭିଜନ ଗେଟ୍ ସମ୍ମୁଖରେ ଛିଟିକି ପଡିଥିବା ବେଳେ ମୁଣ୍ଡଟି ଅଲଗା ହୋଇ ରେଳ ଧାରଣାର ଅନେକ ଦୂରରେ ପଡିଥିଲା ।
ମୃତଦେହକୁ ପ୍ରଥମେ ସ୍ଥାନୀୟ ଲୋକେ ଦେଖିବା ପରେ ଜିଆରପିକୁ ଖବର ଦେଇଥିଲେ । ଖବର ପାଇ ଜିଆରପି ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଥିଲା । ଘଟଣାର ତଦନ୍ତ ଜାରି ରଖିଛି ପୋଲିସ ।