Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||
  • କେମ୍ରୁନରେ ଗ୍ୟାସ ବୋଝେଇ ଟ୍ରକ ସହ ଧକ୍କା ପରେ ଜଳିଗଲା ବସ୍ : ୫୩ ମୃତ, ୨୯ ଗୁରୁତର
  • ||
  • ଶେଷ ହେବ କୃଷକ ଆନ୍ଦୋଳନ ! ସଙ୍ଗଠନରେ ଫାଟ, ଯୋଗେନ୍ଦ୍ର ଯାଦବ ଓ ଟିକୈତଙ୍କ ସମେତ ୩୭ ଚାଷୀଙ୍କ ଉପରେ ପଡିବ ଚଡକ
  • ||
  • ଖଲ୍ଲିକୋଟ : ଫାଟିଗଲା କାର୍ ଚକା, ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ; ଜଣେ ମୃତ, ୨ ଆହତ
  • ||

ହସ୍ତ ରେଖାରୁ ଜାଣିପାରିବେ କେବେ କେଉଁ ରୋଗ ହେବ ବା କେବେ କେଉଁଠି ଦୁର୍ଘଟଣା ହେବ

26/01/2019 at 5:26 PM

ଭୁବନେଶ୍ୱର ୨୬/୧ : ହସ୍ତରେଖାରେ ଜୀବନ ଓ ସ୍ବାସ୍ଥ୍ୟ ସ୍ଥିତି ସମ୍ପର୍କରେ ଭବିଷ୍ୟତ ଗଣନା କରିଥାନ୍ତି ହସ୍ତରେଖା ବିଶେଷଜ୍ଞ | ହସ୍ତରେଖାରୁ ଭବିଷ୍ୟତରେ ହେବାକୁଥିବା ରୋଗ ବୈରାଗ, ଦୁର୍ଘଟଣା ସମ୍ପର୍କରେ ପୂର୍ବାନୁମାନ କରାଯାଇପାରେ | ଜ୍ୟୋତିଷଶାସ୍ତ୍ରରେ ହାତ ପାପୁଲିରେ ଥିବା ଜୀବନ ରେଖାକୁ ବହୁତ ମହତ୍ଵପୂର୍ଣ୍ଣ ବୋଲି କୁହାଯାଇଛି | ବୃଦ୍ଧାଙ୍ଗୁଳି ଏବଂ ବିଶି ଆଙ୍ଗୁଳି ମଝିରୁ ଆରମ୍ଭ ହୋଇ ବୃଦ୍ଧାଙ୍ଗୁଳିର ତଳିଆ ଅଂଶ ଦେଇ କଚି ପର୍ଯ୍ୟନ୍ତ ଯାଇଥାଏ ଏହି ରେଖା | ଏହି ରେଖା ଦ୍ୱାରା ଜୀବନରେ ଘଟିବାକୁ ଥିବା ମହତ୍ଵପୂର୍ଣ୍ଣ ଘଟଣା ସହ ମୃତ୍ୟୁ ବିଚାର ମଧ୍ୟ କରାଯାଇଥାଏ | ଏହି ରେଖା ଉପରେ ତ୍ରିଭୁଜ ଚିହ୍ନ ଥିଲେ ବହୁତ ଶୁଭ ହୋଇଥାଏ | ଜୀବନରେଖା ଉପରେ ଧ୍ବଜା, ଚକ୍ର ଏବଂ ସ୍ୱସ୍ତିକ ଚିହ୍ନ ଥିଲେ ମଧ୍ୟ ବହୁତ ଶୁଭ ହୋଇଥାଏ ବୋଲି ବିଚାର କରାଯାଏ | 

ଜୀବନରେଖା ଛୋଟ ଥିଲେ ବ୍ୟକ୍ତିଙ୍କ ରୋଗ ପ୍ରତିରୋଧକ କ୍ଷମତା ମଧ୍ୟ କମ ଥାଏ | ଏଥିପାଇଁ ବ୍ୟକ୍ତିଙ୍କ ଜୀବନଶକ୍ତି ମଧ୍ୟ କମ ଥାଏ | ଜୀବନରେଖା ପଞ୍ଜୁରୀ ଭଳି ରହିଥିଲେ ବ୍ୟକ୍ତିଙ୍କ ଜୀବନରେ ସବୁବେଳେ ସମସ୍ୟା ଦେଖାଦେଇଥାଏ | ଏମାନେ ସବୁବେଳେ କୌଣସି ନା କୌଣସି ରୋଗରେ ପୀଡିତ ଥାଆନ୍ତି | ଯେଉଁମାନଙ୍କ ଜୀବନରେଖା ପତଳା ଏବଂ ଝାପସା ଥାଏ ସେମାନେ ବହୁତ ସମୟ ଧରି ରୋଗରେ ପଡ଼ିଥାନ୍ତି | ଏମାନଙ୍କ ସ୍ୱାସ୍ଥ୍ୟ ଭଲ ରହେନାହିଁ | ଯେଉଁମାନଙ୍କ ଜୀବନରେଖା ସିଢି ଭଳି ଥାଏ ସେମାନଙ୍କ ଜୀବନ ସଂଘର୍ଷମୟ ହୋଇଥାଏ | ଏହି ବ୍ୟକ୍ତିମାନଙ୍କ ଜୀବନରେ ସବୁବେଳେ ସମସ୍ୟା ଦେଖାଦେଇଥାଏ | ଏମାନଙ୍କୁ ଅନେକ ସଙ୍କଟ ଦେଇ ଗତି କରିବାକୁ ପଡିଥାଏ |

ଯେଉଁମାନଙ୍କ ଜୀବନରେଖାର ଶେଷ ଭାଗରେ ଗାଈ ଲାଞ୍ଜ ଭଳି ରେଖା ଥାଏ ତାହେଲେ ସେହି ବ୍ୟକ୍ତି ଜୀବନ ସାରା ଅନେକ କ୍ଷତି ସାହିବା ସହ ଦୁର୍ଘଟଣାର ସମ୍ମୁଖୀନ ହୋଇଥାନ୍ତି | ଯେଉଁମାନଙ୍କ ଜୀବନରେଖା ଢେଉ ଭଳି ଥାଏ ସେମାନଙ୍କ ଜୀବନରେ ମଧ୍ୟ କିଛି ଭଲ ଘଟିନଥାଏ |

ଯଦି କେଉଁ ବ୍ୟକ୍ତିଙ୍କ ଜୀବନରେଖା ଆକ୍ରମକ ମଙ୍ଗଳରୁ ଆସି, ଅର୍ଥାତ ଯେଉଁଠାରୁ ଜୀବନରେଖା ଆରମ୍ଭ ହୋଇଥାଏ, ସେଠାରୁ ଆସି ଜୀବନରେଖାକୁ କାଟିଥାଏ, ସେମାନଙ୍କୁ ନିଜ ଶତ୍ରୁଠାରୁ ହିଁ କ୍ଷତି ପହଂଚିଥାଏ | ଏମାନେ ସବୁବେଳେ ଦୁଶ୍ଚିନ୍ତାରେ ରହିଥାନ୍ତି | ଏମାନଙ୍କ ଜୀବନରେ ମାନସିକ ଶାନ୍ତି ନଥାଏ | ତା’ଛଡା ଅଧିକାଂଶ ସମୟରେ ମୁଣ୍ଡ ବିନ୍ଧା ମଧ୍ୟ ହୋଇଥାଏ |

ହାତରେ ଅନେକ ରେଖା ଥିଲେ ମାଇଗ୍ରେନ ଏବଂ ଉଚ୍ଚ ରକ୍ତଚାପ ସମସ୍ୟା ଦେଖାଦେଇଥାଏ | ଜୀବନରେଖା ଛୋଟ ଥିଲେ ପାଚନ ସମ୍ବନ୍ଧୀୟ ସମସ୍ୟା ଦେଖାଦେଇଥାଏ |

ଜୀବନରେଖାର ମୂଳରେ ଯଦି ଅଧିକ ରେଖା ଥାଏ ତାହେଲେ ଜୀବନରେ ଅସ୍ଥିରତା ଲାଗିରହିଥାଏ | ଯେଉଁମାନଙ୍କ ଜୀବନରେଖା କଚି ଆଡକୁ ଦୁଇ ଭାଗ ହୋଇଯାଇଥାଏ, ସେମାନଙ୍କ ମୃତ୍ୟୁ ପୈତୃକ ଘରଠାରୁ ଅନେକ ଦୂରରେ ହୋଇଥାଏ |

ଜୀବନରେଖାର ଶେଷ ଭାଗକୁ ଯଦି ଗୁଣନ ଚିହ୍ନ ଥାଏ ତାହେଲେ ମୃତ୍ୟୁ ବେଳକୁ ମଣିଷ ବହୁତ ଦୁଃଖ ପାଇଥାଏ | ଜୀବନରେଖା ଯଦି ମଝିରେ କେଉଁଠି କଟି ଯାଇଥାଏ ତାହେଲେ ଦୁର୍ଘଟଣା ହେବାର ସମ୍ଭାବନା ଥାଏ | ଏହାଛଡା ଏମାନେ କୌଣସି ଭୟଙ୍କର ରୋଗର ମଧ୍ୟ ଶିକାର ହୋଇପାରନ୍ତି |

   Related Posts