Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ମାଲକାନଗିରି ଜିଲ୍ଲାରେ ପୁଣି ଅଜଣା ରୋଗର ଆତଙ୍କ

11/11/2019 at 9:46 PM

ମାଲକାନଗିରି ୧୧।୧୧- ମାଲକାନଗିରି ଜିଲ୍ଲାରେ ପୁଣି ଅଜଣା ରୋଗର ଆତଙ୍କ ।କାଲିମେଳା ତାମାନପାଲ୍ଲି ଗାଁରେ ୬ ଜଣ ଶିଶୁଙ୍କ ଜୀବନ ଚାଲିଯିବା ପରେ ତତ୍ପର ହୋଇଛି ସ୍ବାସ୍ଥ୍ୟ ବିଭାଗ । ଗାଁରେ ଡେରା ପକାଇଛନ୍ତି ଏକ ଡାକ୍ତରୀ ଦଳ । ଗୁରୁତର ଶିଶୁଙ୍କ ମାଲକାନଗିରି ଚିକିତ୍ସାଳୟରେ ଚିକିତ୍ସା ଚାଲିଛି । ପୁଣି ଥରେ ୩ ବର୍ଷ ତଳର ସେହି ଜାପାନି ଜ୍ବର ଗାଁକୁ ଫେରିଥିବା ନେଇ ଲୋକଙ୍କ ମଧ୍ୟରେ ଆତଙ୍କ ଦେଖାଦେଇଛି । ଯାହାକୁ ଏହାକୁ ଖଣ୍ଡନ କରିଛନ୍ତି ଜିଲ୍ଲା ମୁଖ୍ୟ ଚିକିତ୍ସାଅଧିକାରୀ ।

ଘର ଭିତରେ ଶଯ୍ୟାରେ ରୋଗୀ ଓ ଘର ବାହାର ବାରଣ୍ଡାରେ ବି ଶୋଇଛି ରୋଗୀ ।ଏ ହେଉଛି  ମାଲକାନଗିରି କାଲିମେଳା ତାମାନପାଲ୍ଲି ଗାଁରେ ଦୃଶ୍ୟ । କୌଣସି ଏକ ଅଜଣା ରୋଗରେ ଗାଁର ପ୍ରାୟ ସମସ୍ତ ଶିଶୁ ଆକ୍ରାନ୍ତ । ଗତ ୧୫ ଦିନ ମଧ୍ୟରେ ୬ ଜଣ ଶିଶୁଙ୍କ ପ୍ରାଣ ଗଲାଣି । ବର୍ତ୍ତମାନ ସୁଦ୍ଧା ଅନେକ ଗୁରୁତର ରହିଛନ୍ତି । ଶିଶୁମାନେ ପ୍ରଥମେ ଜ୍ବରରେ ଆକ୍ରାନ୍ତ ହେବା ପରେ ମୁଣ୍ଡ ବଥା ଓ ବାନ୍ତି ହେଉଛି । ଏହାପରେ ଶିଶୁଙ୍କୁ ଜୀବନ ଚାଲି ଯାଉଛି । ୩ ବର୍ଷ ତଳର ସେହି ଜାପାନୀ ଜ୍ବର ପୁଣି ଜିଲ୍ଲାକୁ ଫେରିଥିବା ଲୋକେ ସନ୍ଦେହ କରୁଛନ୍ତି ।

ଜଣଙ୍କ ପରେ ଜଣେ ଶିଶୁଙ୍କ ଜୀବନ ଯାଉଥିବା ଦେଖି ତତ୍ପର ହୋଇଛି ସ୍ବାସ୍ଥ୍ୟ ବିଭାଗ । ଏକ ଡାକ୍ତରୀ ଦଳ ଗତ ୩ ଦିନ ଧରି ଗାଁରେ ଡେରା ପକାଇଛି । ଜିଲ୍ଲା ମୁଖ୍ୟ ଚିକିତ୍ସାଧିକାରୀ ତାମାନପାଲ୍ଲି ଗାଁକୁ ଯାଇ ପରିସ୍ଥିତି ଅନୁଧ୍ୟାନ କରିଛନ୍ତି । କୋରାପୁଟ ମେଡିକାଲ କଲେଜର ଏକ ସ୍ବତନ୍ତ୍ର ଡାକ୍ତରୀ ଦଳ ଗାଁରେ ପହଞ୍ଚି ଶିଶୁଙ୍କ ରକ୍ତ ନମୁନା ସଂଗ୍ରହ କରିଛନ୍ତି । ମୃତ୍ୟୁର ପ୍ରକୃତ କାରଣ ବର୍ତ୍ତମାନ ସୁଦ୍ଧା ଜଣା ପଡିନଥିଲେ ବି ଜିଲ୍ଲା ମୁଖ୍ୟ ଚିକିତ୍ସାଧିକାରି କହିଛନ୍ତି ଯେ ଜାପାନୀ ଏନସେଫାଲାଇଟିସ୍ କୁ ନେଇ ଲୋକେ ଭୟଭିତ ହେବା ଠିକ ନୁହେଁ । ବର୍ତ୍ତମାନ ପରିସ୍ଥିତି ନିୟନ୍ତ୍ରଣ ରହିଛି ଓ ମୃତ ଶିଶୁମାନେ ସ୍ବାସ ରୁଦ୍ଧ ହୋଇ ପ୍ରାଣ ହରାଇଛନ୍ତି । ମୃତ ଶିଶୁଙ୍କ ବୟସ ୩ ରୁ ୫ ମାସ ମଧ୍ୟରେ ବୋଲି ଜଣା ପଡିଛି । ସେହିଭଳି ଗାଁରେ ସ୍ବତନ୍ତ୍ର ଆଦିବାସୀ ବିକାଶ ପରିଷଦର ଅଧକ୍ଷ ପହଞ୍ଚି ମୃତକଙ୍କ ପରିବାରକୁ ଭେଟିଛନ୍ତି । ତାଙ୍କ କହିବା ଅନୁସାରେ ସଚେତନତାର ଅଭାବରୁ ଗାଁରେ ଏପରି ଶିଶୁ ମୃତ୍ୟୁ ହୋଇଛି ।

ରୋଗ ବ୍ୟାଧି ହେଲେ ଲୋକେ ଡାକ୍ତରଖାନା ପରିବର୍ତ୍ତେ ଗୁଣିଆ ଉପରେ ନିର୍ଭର କରୁଛନ୍ତି । ଯାହା ପରିସ୍ଥିତିକୁ ଅଧିକ ଜଟିଳ କରିବା ସହ ଶିଶୁମାନଙ୍କୁ ମୃତ୍ୟୁ ମୁହଁକୁ ଠେଲି ଦେଉଛି । ଏଭଳି ପରିସ୍ଥିତିରେ ସ୍ଥାନୀୟ ଲୋକଙ୍କୁ ସଚେତନ କରିବାର ଯଥେଷ୍ଟ ଆବଶ୍ୟକତା ରହିଛି ।   

   Related Posts