ବଡବିଲ ୧୧।୯: ବଡ଼ବିଲ ଓଜନ ଲାଇନ୍ ଅଞ୍ଚଳରୁ ଅଜଣା ବ୍ୟକ୍ତିଙ୍କର ମୃତଦେହ ଉଦ୍ଧାର ହୋଇଛି । ମୃତଦେହ ଉଦ୍ଧାର କରି ବଡ଼ବିଲ ପୋଲିସ ଛାନଭିନ୍ ଚଳାଇଛି । ମୃତକଙ୍କ ପରିଚୟ ଏଯାଏଁ ମିଳିପାରି ନାହିଁ ।

{"id":156045}

ସୂଚନାଯୋଗ୍ୟ ଯେ, ଗତକାଲି ରାତି ପ୍ରାୟ ୧୧ଟା ସମୟରେ ଏମଏମଟିସି ଓଜନ କଣ୍ଟା ନିକଟ ରେଳ ସାଇଡିଂକୁ ଯାଇଥିବା ରାସ୍ତା କଡ଼ରେ ମୃତଦେହ ପଡ଼ଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ମେଡିକାଲ ପଠାଇଛି । କୌଣସି ଗାଡ଼ି ଧକ୍କାରେ ତାଙ୍କର ମୃତ୍ୟୁ ହୋଇଛି ନା ତାଙ୍କ ମୃତ୍ୟୁ ପଛରେ ଆଉ କିଛି କାରଣ ରହିଛି ସେନେଇ ବଡ଼ବିଲ ପୋଲିସ ତଦନ୍ତ ଜାରି ରଖିଛି ।