Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଋଷୀୟ ପ୍ରତିରକ୍ଷା ପ୍ରଣାଳୀ ପରୀକ୍ଷଣକୁ ନେଇ ତୁର୍କି ଉପରେ ଆମେରିକା ଖପ୍ପା, କହିଲା କରିବ ସମ୍ପର୍କ ସମୀକ୍ଷା

24/10/2020 at 9:34 PM

ୱାସିଂଟନ: ଋଷିଆର ଏସ୍-୪୦୦ ପ୍ରତିରକ୍ଷା ପ୍ରଣାଳୀକୁ ନେଇ ଆମେରିକା ଓ ତୁର୍କି ଏବେ ମୁହାଁ ମୁହିଁ ଅବସ୍ଥାରେ। ଋଷିଆର ପ୍ରତିରକ୍ଷା ପ୍ରଣାଳୀ ତୁର୍କି କିଣିବା ଆମେରିକାକୁ କ୍ଷୁବ୍ଧ କରିଛି। ଏଥିରେ  ଆମେରିକା ପ୍ରତିରକ୍ଷାମନ୍ତ୍ରାଳୟ ତୁର୍କିକୁ ଏହାର ଗୁରୁତର ପରିଣାମ ଭୋଗିବା ଲାଗି ପ୍ରସ୍ତୁତ ରହିବା ନିମନ୍ତେ ମଧ୍ୟ ଚେତାଇ ଦେଇଛି।

ତୁର୍କି ଋଷିଆରୁ ନୂଆ କରି କିଣିଥିବା ପ୍ରତିରକ୍ଷା ପ୍ରଣାଳୀକୁ ଗତ ୧୬ ତାରିଖରେ ପରୀକ୍ଷଣ କରିଥିଲା। ଏ ସମ୍ପର୍କରେ ସୂଚନା ମିଳିବା ପରେ ଆମେରିକା ପ୍ରତିରକ୍ଷା ମନ୍ତ୍ରାଳୟ ମୁଖପାତ୍ର ଜୋନାଥନ ରଥ୍ ହୋଫମେନ୍‌ ଏକ ବୟାନ ଜାରି କରିଛନ୍ତି। ଏଥିରେ ତୁର୍କିର ପରୀକ୍ଷଣକୁ ଆମେରିକା ତୀବ୍ର ନିନ୍ଦା କରିଥିବା ବେଳେ ସୁରକ୍ଷା ସମ୍ପର୍କିତ ଆମର ସମ୍ପର୍କ ଲାଗି ଏହା ଏକ ବଡ ବିପଦ ବୋଲି କହିଛନ୍ତି।

କେବଳ ପ୍ରତିରକ୍ଷାମନ୍ତ୍ରାଳୟ ନୁହେଁ ଆମେରିକା ବିଦେଶ ମନ୍ତ୍ରାଳୟ ମଧ୍ୟ ମାମଲାରେ ଏକ ବିବୃତ୍ତି ଜାରି କରିଛି। ଯେଉଁଥିରେ ଆମେରିକାର ସହଯୋଗୀ ଓ ନାଟୋ ସଦସ୍ୟ ଭାବେ ତୁର୍କି ନିୟମ ଉଲ୍ଲଂଘନ କରିଥିବା କୁହାଯାଇଛି। ଯାହାର ପରିଣାମ ଗୁରୁତର ହୋଇପାରେ ବୋଲି ମଧ୍ୟ ଚେତାଇଛି। ତେବେ ତୁର୍କି କଣ କରିବ ନ କରିବ ସେଥିଲାଗି ଆମେରିକାକୁ ପଚାରିବାର ଆବଶ୍ୟକତା ନାହିଁ ବୋଲି ଏହି ପ୍ରତିରକ୍ଷା ପ୍ରଣାଳୀ ପରୀକ୍ଷଣର ସଫଳତା ପରେ ଏର୍ଡୋଗାନ କହିଥିଲେ। ଏଥିରୁ ଏବେ ଆମେରିକା ନାଟୋରେ ତୁର୍କିର ସ୍ଥିତି ସମୀକ୍ଷା କରିପାରେ ବୋଲି ଏବେ ଆଶଙ୍କା କରାଯାଉଛି।

   Related Posts