Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଗଜପତି ଏସ୍‌ପି ସାରା ଶର୍ମାଙ୍କ ନିଆରା ଅନ୍ଦାଜ : ନିୟମ ମାନିଲେ ଚକୋଲେଟ୍, ନମାନିଲେ କଲରା…

17/01/2020 at 2:54 PM

ଗଜପତି ୧୭।୧: ନିଜର ନିଆରା ଅନ୍ଦାଜ ପାଇଁ ସବୁବେଳେ ଚର୍ଚ୍ଚାରେ ଥାନ୍ତି ଗଜପତି ଏସପି ସାରା ଶର୍ମା ।  ଏବେ ୩୧ତମ ସଡକ ସୁରକ୍ଷା ସପ୍ତାହକୁ ନିଆରା ଢଙ୍ଗରେ ପାଳନ କରି ପୁଣି ଚର୍ଚ୍ଚାକୁ ଆସିଛନ୍ତି । ଗୁରୁବାର ପାରଳାଖେମୁଣ୍ଡି ସହରରେ ସେ ଟ୍ରାଫିକ୍ ନିୟମ ମାନିଥିବା ଲୋକଙ୍କୁ ଚକୋଲେଟ୍ ଦେଇ ସେମାନଙ୍କୁ ସ୍ଵାଗତ କରିଥିଲେ ।

ଏହାକୁ ମାନୁନଥିବା ଲୋକଙ୍କୁ କଲରା ଏବଂ ଅଁଳା ଦେଇ ଟ୍ରାଫିକ ନିୟମ ମାନିବାକୁ ସଚେତନ କରିଛନ୍ତି । କିଛି ଲୋକଙ୍କୁ ଅଟକାଇ ହେଲମେଟ୍ କିଣାଇ ନିଜ ହାତରେ ପିନ୍ଧାଇ ଦେଇଛନ୍ତି । ଏସପିଙ୍କ ଏଭଳି କାର୍ଯ୍ୟକୁ ସାଧାରଣ ଲୋକେ ସ୍ବାଗତ କରିବା ସହ ଏହାଦ୍ବାରା ଲୋକେ ସଚେତନ ହୋଇପାରିବେ ବୋଲି କହିଛନ୍ତି ।

୩୧ ତମ ସଡକ ସୁରକ୍ଷା ସପ୍ତାହ ଅବସରରେ ଗଜପତି ଜିଲ୍ଲାର ବିଭିନ୍ନ ଥାନା ଅଂଚଳରେ ପୋଲିସ ପକ୍ଷରୁ ସଚେତନତା କାର୍ଯ୍ୟକ୍ରମମାନ କରାଯାଉଛି ।  ଗୁରୁବାର ପାରଳାଖେମୁଣ୍ଡି ପୋଲିସ ପକ୍ଷରୁ ସ୍ଥାନୀୟ ଥାନା ଛକଠାରେ ଏକ ସଚେତନତା କାର୍ଯ୍ୟକ୍ରମ କରାଯାଇଥିଲା । ଯେଉଁଥିରେ ସାମିଲ ହୋଇଥିଲେ ଏସପି ସାରା ଶର୍ମା। ସବୁବେଳେ ନିଜର ନିଆରା ଅନ୍ଦାଜ ପାଇଁ ଚର୍ଚ୍ଚାରେ ଥିବା କରୁଥିବା ଲେଡି ଆଇପିଏସ ଅଧିକାରୀ ଏହି କାର୍ଯ୍ୟକ୍ରମରେ ମଧ୍ୟ ନିଆରା କାର୍ଯ୍ୟ କରିଥିଲେ।

ଥାନା ଛକରେ ଛିଡା ହୋଇ ପ୍ରତ୍ୟେକ ଗାଡିକୁ ଅଟକାଇବା ସହ ଯେଉଁମାନେ ଟ୍ରାଫିକ ନିୟମ ମାନି ହେଲମେଟ ପିନ୍ଧିଥିଲେ କିମ୍ବା ସିଟ୍ ବେଲ୍ଟର ବ୍ୟବହାର କରିଥିଲେ ସେମାନଙ୍କୁ ଚକୋଲେଟ୍ ଦେଇ ସ୍ବାଗତ କରିବା ସହ ସାଧୁବାଦ ଜଣାଇଥିଲେ ।  ଆଉ ଯେଉଁମାନେ ଏହାକୁ ନମାନି ଗାଡି ଚଳାଉଥିଲେ ସେମାନଙ୍କୁ କଲରା ଏବଂ ଅଁଳା ପ୍ରଦାନ କରିଥିଲେ ।  

ଏପରିକି କିଛି ଲୋକଙ୍କୁ ହେଲମେଟ୍ କିଣାଇ ନିଜ ହାତରେ ପିନ୍ଧାଇବା ସହ ଟ୍ରାଫିକ ନିୟମ ମାନିବାକୁ ସଚେତନ କରାଇଥିଲେ ।  ଏହାଦ୍ବାରା ନିଜର ଏବଂ ଅନ୍ୟମାନଙ୍କ ଜୀବନ ବଞ୍ଚାଇବାର ବାର୍ତ୍ତା ବାଣ୍ଟିଥିଲେ । ଏସପିଙ୍କ ଏଭଳି କାର୍ଯ୍ୟକୁ ଲୋକେ ଖୁବ ପସନ୍ଦ କରିବା ସହ ସବୁ ସ୍ଥାନରେ ଟ୍ରାଫିକ ନିୟମ ନମାନିଲେ ଜରିମନା ଆଦାୟ କରାଯାଉଛି  ।  କିନ୍ତୁ ଏଠାରେ ସେହି ଟଙ୍କାରେ ହେଲମେଟ କିଣାଇବା ନିଶ୍ଚିତ ଭାବେ ଏକ ସ୍ବାଗତଯୋଗ୍ୟ ପଦକ୍ଷେପ ବୋଲି କହିଛନ୍ତି ।

ଏଭଳି କରିବା ଦ୍ବାରା ଲୋକେ ସଚେତନ ହେବା ସହ ଟ୍ରାଫିକ ନିୟମ ମାନିବାକୁ ବାଧ୍ୟ ହେବେ ।  ଫଳରେ ଲୋକେ ନିଜର ଜୀବନ ବଞ୍ଚାଇ ପାରିବେ ବୋଲି ସାଧାରଣ ଲୋକେ କହିଛନ୍ତି । ଏହି କାର୍ଯ୍ୟକ୍ରମରେ ପାରଳାଖେମୁଣ୍ଡି ଥାନା ଅଧିକାରୀ ବିବେକାନନ୍ଦ ସ୍ବାଇଁ, ଆଂଚଳିକ ପରିବହନ ଅଧିକାରୀ ରଜନୀକାନ୍ତ ସ୍ବାଇଁ, ମୋଟର ଯାନ ନିରୀକ୍ଷକ ବସନ୍ତ ମହାପାତ୍ର ପ୍ରମୁଖଙ୍କ ସମେତ ବହୁ ପୋଲିସ ଅଧିକାରୀ ସାମିଲ ହୋଇଥିଲେ ।

   Related Posts