Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିରଳ ପ୍ରଜାତିର ଇଗଲ୍ ଉଦ୍ଧାର, ଆଣ୍ଡାମାନରେ ଦେଖାଯାଆନ୍ତି ଏହି ପକ୍ଷୀ

25/08/2020 at 10:41 AM

ଅନୁଗୁଳ ୨୫।୦୮: ଅନୁଗୁଳ ଜିଲ୍ଲା କୁସାସିଂହା ଗାଁରୁ ଏକ ବିରଳ ପ୍ରଜାତିର ଇଗଲ ଉଦ୍ଧାର ହୋଇଛି । ଖାସ୍‌ କରି ଏହି ବିରଳ ପ୍ରଜାତିର ପକ୍ଷୀମାନଙ୍କୁ ଆଣ୍ଡାମାନରେ ଦେଖିବାକୁ ମିଳିଥାଏ । ତେବେ ଅନୁଗୁଳ ଅଞ୍ଚଳରେ ଏହି ବିରଳ ପ୍ରଜାତି ପକ୍ଷୀକୁ ଦେଖିବାକୁ ପାଇଁ ସ୍ଥାନୀୟ ଅଞ୍ଚଳରେ ଭିଡ ଜମିଛି ।

କରୋନା ସମୟରେ ପରିବେଶ ସନ୍ତୁଳନ ହେଉ କିମ୍ବା କୋଳାହଳ ଶୁନ୍ୟ ଯୋଗୁଁ ହୁଏତ ଏ ପ୍ରକାରର ପକ୍ଷୀ ଦେଖିବାକୁ ମିଳିଛି ବୋଲି ଅନୁମାନ କରାଯାଉଛି। ତେବେ ଏହି ବିରଳ ପକ୍ଷୀର ଲମ୍ବ ପ୍ରାୟ ଦେଢ଼ ଫୁଟ, ଉଚ୍ଚତା ଏକ ଫୁଟ, ଓଜନ ପ୍ରାୟ ୨ କେଜି ଏବଂ ଡେଣା ପ୍ରାୟ ୪ ଫୁଟ ଲମ୍ବ ହେବ ବୋଲି ସୂଚନା ରହିଛି । ପକ୍ଷୀଟିର ବୟସ ୪ ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି ।

ଇଗଲ ପ୍ରଜାତିର ପକ୍ଷୀଟିର ନାମ “କ୍ରେଷ୍ଟେଡ ସରପେଣ୍ଟ ଇଗଲ” ବୋଲି ଜଣାପଡ଼ିଛି। ସମସ୍ତ ଇଗଲ ପକ୍ଷୀ ପ୍ରାୟତଃ ଶିକାରୀ ହୋଇଥିବା ବେଳେ ଏହି “କ୍ରେଷ୍ଟେଡ ସରପେଣ୍ଟ ଇଗଲ” ମୁଖ୍ୟତଃ ସବୁ ପ୍ରକାରର ସରୀସୃପ ମାନଙ୍କୁ ଖାଦ୍ୟ ରୂପେ ଗ୍ରହଣ କରିଥାଏ । ତେବେ  ହଠାତ ଏହି ପକ୍ଷୀଟି ଅନୁଗୁଳ ଅଞ୍ଚଳର ଅବନୀ ରାଉତଙ୍କ ଘରକୁ ପସି ଆସିଥିଲା । ତୁରନ୍ତ ସ୍ଥାନୀୟ ସର୍ପମିତ୍ର ଆଦିତ୍ୟ ବେହେରା ଏବଂ ସଂଜୟ ବେହେରାଙ୍କୁ ଉଦ୍ଧାର ପାଇଁ ଖବର ଦିଆଯାଇଥିଲା । ସେମାନେ ସତର୍କତାର ସହ ଏହି ବିରଳ ପକ୍ଷୀ ଇଗଲକୁ ଉଦ୍ଧାର କରିଛନ୍ତି । ପରେ  ସ୍ଥାନୀୟ ବନାଞ୍ଚଳ ଅଧିକାରୀଙ୍କୁ  ଏବିଷୟରେ ସବିଶେଷ ତଥ୍ୟ ଦେଇଥିଲେ । ତୁରନ୍ତୁ ପକ୍ଷୀଟିକୁ ଚିକିତ୍ସା କରାଯାଇଥିଲା , ଏବଂ ସେ ସୁସ୍ଥ ଥିବା ଜଣାପଡିବା ପରେ ପ୍ରାକୃତିକ ଆବାସସ୍ଥଳୀରେ ପକ୍ଷୀଟିକୁ ଛାଡି ଦିଆଯାଇଛି।

   Related Posts