ଖଲ୍ଲିକୋଟ ୧୨।୧୦: ଗଞ୍ଜାମ ଜିଲ୍ଲା ଛତ୍ରପୁର ସହରରେ ଭିନ୍ନ ପ୍ରକାର ପ୍ରଜାପତି ଦେଖିବାକୁ ମିଳିଛି । ଛତ୍ରପୁର ଏନଏସିର ଭାଷ୍କରରାଓପେଟା ସାହି ନିବାସୀ ତଥା ସାନ ଆର୍ଯ୍ୟପଲ୍ଲୀ ଉଚ୍ଚ ପ୍ରାଥମିକ ବିଦ୍ୟାଳୟର କ୍ରୀଡା ଶିକ୍ଷକ କୃତିବାସ ନାୟକଙ୍କ ଘରକୁ ଏହି ପ୍ରଜାପତି ଦୁଇ ତଳେ ଘରେ ବୁଲୁଥିଲା ଯେତେ ଓଡାଇଲେ ବି ସେ ଯାଉ ନଥିଲା ।
ସୋମବାର ସକାଳୁ କୃତିବାସଙ୍କ ଗୋଡ଼ ତଳେ ଆସି ବସିଲା ସେ ତାକୁ ଧରିବା ପରେ ପ୍ରଜାପତିର ପିଠିରେ ଶ୍ରୀ ଜଗନ୍ନାଥ ମହାପ୍ରଭୁଙ୍କ ନୃସିଂହ ଅବତାରର ଛବି ଦେଖିବାକୁ ମିଳିଥିଲା । ଏହାପରେ ତାଙ୍କ ପରିବାର ବର୍ଗ ମଧ୍ୟରେ ଆଧ୍ୟାତ୍ମିକ ଚିନ୍ତାଧାରା ମନରେ ଆସିଯାଇଥିଲ। । ତେଣୁ ସେ ପ୍ରଜାପତିକୁ ଅତି ଭକ୍ତିରେ ସାଇତି ରଖିବା ସହ ଧୂପ ଦୀପ ଦେଇ ନଡିଆ ଭାଙ୍ଗି ପୂଜାଅର୍ଚ୍ଚନା କରୁଛନ୍ତି । ଏହାକୁ ଦେଖିବା ପାଇଁ ସାହି ପଡିଶାଙ୍କ ଭିଡ଼ ଜମିଛି ।
