Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ସାଂସଦ ସନି ଦେଓଲଙ୍କୁ ମୋଦି ସରକାରଙ୍କ ବଡ ଝଟକା,ଘଟଣା ଜାଣିବା ପରେ ଏବେ ଅନ୍ୟ ସାଂସଦ ବି ଛାନିଆ

6/10/2019 at 3:32 PM

ପଠାନକୋଟ୍ :  ନୂଆଦିଲ୍ଲୀ-କଟରା ମଧ୍ୟରେ ଚଳାଚଳ ଆରମ୍ଭ କରିଛି ସୁପରଫାଷ୍ଟ ‘ବନ୍ଦେ ଭାରତ ଏକ୍ସପ୍ରେସ୍’। ତେବେ ଦିଲ୍ଲୀ ଓ କଟରା ମଧ୍ୟବର୍ତ୍ତୀ ପଠାନକୋଟର କେଣ୍ଟ ଷ୍ଟେସନରେ ଟ୍ରେନର ଏକ ଷ୍ଟପେଜ ହେଉ ବୋଲି ବିଜେପି ସାଂସଦ ସନି ଦେଓଲ କେନ୍ଦ୍ର ରେଳମନ୍ତ୍ରାଳୟଙ୍କୁ ନିବେଦନ କରିଥିଲେ। ଏଣୁ ଆଶାଥିଲା ଟ୍ରେନର ଚଳାଚଳ ଆରମ୍ଭ ହେଲେ ସେଠାରେ ଷ୍ଟପେଜ କରିବ। ତେବେ ଶନିବାରଠାରୁ ଟ୍ରେନ ଚଳାଚଳ ଆରମ୍ଭ କରିଥିବା ବେଳେ ଷ୍ଟେସନରେ ନ ଅଟକିବା ସରକାରୀ ଦଳର ସାଂସଦ ସନ୍ନିଦେଓଲଙ୍କ ଲାଗି ଅପମାନଜନକ ପରିସ୍ଥିତି ସୃଷ୍ଟି କରିଛି। 

ବଲିଉଡ୍ ଅଭିନେତା ସନି ଗତ ସାଧାରଣ ନିର୍ବାଚନରେ ବିଜେପି ଟିକେଟରୁ ପ୍ରତିଦ୍ୱନ୍ଦ୍ୱୀତା କରି ଲୋକସଭାକୁ ନିର୍ବାଚିତ ହୋଇଥିଲେ। ସରକାରୀ ଦଳର ସାଂସଦ ହୋଇଥିବାରୁ ତାଙ୍କ ଦାବିକୁ ଅଗ୍ରାଧିକାର ମିଳିବ ବୋଲି ସେ ଭାବିଥିଲେ। ଏଣୁ ଟ୍ରେନର ଉଦଘାଟନୀ ଯାତ୍ରା ଲାଗି  ସନି କେଣ୍ଟ ଷ୍ଟେସନକୁ ବି ଆସିଥିଲେ। ଦ୍ରୁତଗାମୀ ଟ୍ରେନକୁ ଦେଖିବାକୁ ଷ୍ଟେସନରେ ଲୋକଙ୍କ ଭିଡ ମଧ୍ୟ ଜମିଥିଲା। ସାଙ୍ଗକୁ ସାଂସଦ ପୂର୍ବରୁ ନିବେଦନ କରିଥିବାରୁ ଷ୍ଟେସନରେ ଟ୍ରେନ ରହିଲେ ଲୋକେ ବନ୍ଦେ ଭାରତରେ ଯାତ୍ରାକରିବାର ପ୍ରଥମ ଅନୁଭବ ନେବେ ବୋଲି ମଧ୍ୟ ଭାବିଥିଲେ।

ତେବେ ଟ୍ରେନ ଆସିଲା ଓ ଷ୍ଟେସନକୁ ନିମିଷେକ ମଧ୍ୟରେ ପାର ହୋଇ ଚାଲିଗଲା। ଫଳରେ କେଣ୍ଟ ଷ୍ଟେସନରୁ ବନ୍ଦେ ଭାରତରେ ଯାତ୍ରା ଲାଗି ଆଶାୟୀ ଯାତ୍ରୀଙ୍କ ମନ ମଉଳି ଯାଇଥିବା ବେଳେ ସାଂସଦ ମଧ୍ୟ ଅପମାନ ବୋଧ କରିଛନ୍ତି। ବନ୍ଦେଭାରତ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଦେଶର ପ୍ରଥମ ଅତ୍ୟାଧୁନିକ ସୁପରଫାଷ୍ଟ ଟ୍ରେନ୍। ଏହି ଟ୍ରେନରେ ନୂଆଦିଲ୍ଲୀରୁ କଟରା ଯାତ୍ରା ଏବେ ପୂର୍ବାପେକ୍ଷା ୪ ଘଣ୍ଟା ହ୍ରାସ ହୋଇଛି। ଏହାଛଡା ଟ୍ରେନରେ ଅନେକ ଅତ୍ୟାଧୁନିକ ସୁବିଧା ସୁଯୋଗ ବି ରହିଛି। ଏଣୁ ଟ୍ରେନର ଷ୍ଟପେଜ ଲାଗି ସରକାରୀ ଦଳର ସାଂସଦ ଦାବି କରିବା ସ୍ୱଭାବିକ। ହେଲେ ବିକାଶ ରାସ୍ତାରେ ମୋଦି ସରକାର ଏବେ ନିଜ ପର ଭାବନା ଛାଡିଦେଇଥିବା ଏହି ଘଟଣା ସ୍ପଷ୍ଟ  କରିଦେଇଛି। ଏଣୁ ଘଟଣାକୁ ନେଇ ବିଜେପିର ଅନ୍ୟ ସାଂସଦମାନେ ମଧ୍ୟ ଏବେ ଚେତି ଯାଇଛନ୍ତି।  

   Related Posts