Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ରମଜାନରେ ସାମାଜିକ ଦୂରତା ରକ୍ଷା ଲାଗି ୱାକଫବୋର୍ଡଙ୍କୁ କେନ୍ଦ୍ର ସଂଖ୍ୟାଲଘୁ ମନ୍ତ୍ରୀଙ୍କ ନିର୍ଦ୍ଦେଶ

16/04/2020 at 5:03 PM

ନୂଆଦିଲ୍ଲୀ ୧୬।୪: ଆସନ୍ତା ସପ୍ତାହରୁ ଇସ୍ଲାମ ଧର୍ମର ପବିତ୍ର ରମଜାନ ମାସ ଆରମ୍ଭ ହେବ । ଲୋକେ ରୋଜା ରଖିବା ସହ ଇପ୍ତାରର ଆୟୋଜନ କରିବେ। ତେବେ କରୋନା ଜନିତ ପରିସ୍ଥିତିରେ ଧାର୍ମିକ ନୀତି ନିୟମ ପାଳନଲାଗି ଯେପରି ସାମାଜିକ ଦୂରତା ଉଲ୍ଲଂଘନ ନ ହୁଏ ସେଥିପ୍ରତି ସତର୍କତା ଅବଲମ୍ବନ କରିବା ଲାଗି ସମସ୍ତ ୱାକଫବୋର୍ଡଙ୍କୁ ସଂଖ୍ୟାଲଘୁ ବ୍ୟାପାର ମନ୍ତ୍ରୀ ମୁକ୍ତାର ଆବାସ ନକବୀ ନିର୍ଦ୍ଦେଶ ଦେଇଛନ୍ତି।

ଏ ନେଇ କେନ୍ଦ୍ରମନ୍ତ୍ରୀ ସମସ୍ତ ରାଜ୍ୟ ୱାକଫବୋର୍ଡ ସହ ଭିଡିଓ କନଫରେନସିଂ ମାଧ୍ୟମରେ ଆଲୋଚନା କରିଥିବା ବେଳେ ରମଜାନ ନମାଜ ଓ ଇଫ୍ତାର ନେଇ ଲୋକଙ୍କୁ ସଚେତନ କରିବାକୁ କହିଛନ୍ତି। ଲୋକେ ସାମୂହିକ ନମାଜରେ ଯେପରି ଏକତ୍ର ନ ହୁଅନ୍ତି ଓ ଘରେ ରହି ଇଫ୍ତାର ପାଳନ କରନ୍ତି ସେଥିଲାଗି ସଚେତନ କରିବାକୁ ନକବୀ କହିଛନ୍ତି।

ଦେଶରେ ରମଜାନ ୨୪ ଅଥବା ୨୫ ଏପ୍ରିଲରୁ ଆରମ୍ଭ ହେବ। ଦେଶର ରାଜ୍ୟମାନଙ୍କରେ ଥିବା ୱାକଫ ବୋର୍ଡ ଅନ୍ତର୍ଗତ ଅନୁନ୍ୟ ୭ ଲକ୍ଷରୁ ଊର୍ଦ୍ଧ୍ୱ ମସଜିଦ୍, ଇଦଗାହ, ଇମାମବାଡା ଓ ଦରଘା ପଞ୍ଜିକୃତ ଅଛନ୍ତି। ତେବେ ରମଜାନ ବେଳେ କୌଣସିଠାରେ ଯେପରି କେହି ସ୍ୱାସ୍ଥ୍ୟ ଓ ସୁରକ୍ଷା କର୍ମୀଙ୍କ ପ୍ରତି ଅସହିଷ୍ଣୁ ଆଚରଣ ନକରନ୍ତି ପ୍ରଶାସନିକ ଅଧିକାରୀ ଓ ପରିମଳ କର୍ମଚାରୀଙ୍କ ସହ ଯେପରି ସମସ୍ତେ ସହଯୋଗ ରକ୍ଷା କରନ୍ତି ସେଥିପ୍ରତି ମଧ୍ୟ ନକବୀ ସତର୍କ କରିଦେଇଛନ୍ତି।

ସେହିପରି ରମଜାନ ସମୟରେ ଭ୍ରମାତ୍ମକ ଖବର ଓ ଗୁଜବ ପ୍ରତି ଧ୍ୟାନ ନଦେବାକୁ ମଧ୍ୟ ନକବୀ ପରାମର୍ଶ ଦେଇଛନ୍ତି। କେନ୍ଦ୍ର ଗୃହମନ୍ତ୍ରାଳୟଙ୍କ ମାର୍ଗଦର୍ଶନ ପାଳନ ସୁନିଶ୍ଚିତ କରିବାକୁ ୱାକଫବୋର୍ଡମାନଙ୍କୁ କେନ୍ଦ୍ରମନ୍ତ୍ରୀ ପରାମର୍ଶ ଦେଇଛନ୍ତି। ରାଜ୍ୟ ସରକାର ଓ କେନ୍ଦ୍ର ୱାକଫ ପରିଷଦ ରମଜାନ ପାଳନ ବେଳେ ସେମାନଙ୍କର ଧାର୍ମିକ ଦାୟିତ୍ୱ ପାଳନ କରିବେ ବୋଲି ନକବୀ ଆଶାପୋଷଣ କରିଛନ୍ତି।

   Related Posts