ନୀଳଗିରି ୨୧।୬: ଅନ୍ତର୍ଜାତୀୟ ଯୋଗ ଦିବସ ପାଳନ କରିଛନ୍ତି କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ । ଦିଲ୍ଲୀ ସ୍ଥିତ ବାସଭବନରେ ତାଙ୍କ କର୍ମଚାରୀ, ପୋଲିସ ବାହିନୀଙ୍କ ସହ ଯୋଗ କରିବା ସହ ଯୋଗର ଉପକାରିତା ବିଷୟରେ ଦୃଷ୍ଟି ଆକର୍ଷଣ କରିଥିଲେ। ଆଜି ଭଳି ସମାଜରେ ସୁସ୍ଥ ନିରାମୟ ଜୀବନ ପାଇଁ ଯୋଗ ନିତ୍ୟାନ୍ତ ଆବଶ୍ୟକ ବୋଲି କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ କହିଥିଲେ। ସମସ୍ତଙ୍କୁ ସକାଳେ ଓ ସନ୍ଧ୍ୟାରେ କିଛି ସମୟ ଯୋଗ କରିବାକୁ ପରାମର୍ଶ ମଧ୍ୟ ଦେଇଥିଲେ। ସେହିପରି ନୀଳଗିରିରେ ମଧ୍ୟ ବିଜେପି ଦଳ ତରଫରୁ ସ୍ଥାନୀୟ ବିଧାୟକ ଇଂ ସୁକାନ୍ତ କୁମାର ନାୟକଙ୍କ ନେତୃତ୍ବରେ ଯୋଗ ଦିବସ ପାଳନ କରାଯାଇଛି।