Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କ ବ୍ୟକ୍ତିଗତ ସହାୟକଙ୍କ ଆତ୍ମହତ୍ୟା

21/08/2018 at 2:05 AM

ନୂଆଦିଲ୍ଲୀ ୨୧/୮ : କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କ ବ୍ୟକ୍ତିଗତ ସହାୟକ ସୋମବାର ମଧ୍ୟରାତ୍ରୀରେ ବେକରେ ଦଉଡି ଲଗାଇ ଆତ୍ମହତ୍ୟା କରିଛନ୍ତି । ୩୧ବର୍ଷ ବୟସ୍କ କୁନ୍ଦନ ସିଂ ନିଜ ପରିବାର ସହ ସରୋଜିନୀ ନଗର ନିକଟସ୍ଥ ଲକ୍ଷ୍ମୀବାଇ ନଗରରେ ରହୁଥିଲେ । ରାତି ୨ଟା ବେଳେ କୁନ୍ଦନଙ୍କ ପରିବାରଲୋକ ଏହି ଖବର ପୁଲିସକୁ ଦେଇଥିଲେ । ପୁଲିସ ପହଞ୍ଚି ନିଜ ପ୍ରକୋଷ୍ଠର ଫ୍ୟାନରେ ଝୁଲୁଥିବା କୁନ୍ଦନଙ୍କ ଶବ ଜବତ କରିଥିଲା ।
ସୂଚନା ଅସୁସାରେ ସୋମବାର ଅଫିସରୁ ଫେରିବାପରେ କୁନ୍ଦନ ସ୍ବଭାବିକ ଢଙ୍ଗରେ ରାତ୍ରିଭୋଜନ କରିଥିଲେ ଓ ନିଜ ପ୍ରକୋଷ୍ଠକୁ ଯାଇ ଶୋଇପଡିଥିଲେ । ନିକଟରେ କୁନ୍ଦନଙ୍କ ବିବାହ ହୋଇଥିଲା । ତାଙ୍କର ଏକ ୭ମାସର ଶିଶୁ କନ୍ୟା ମଧ୍ୟ ଅଛି । ଘରେ କୁନ୍ଦନ ଏବଂ ତାଙ୍କ ସ୍ତ୍ରୀଙ୍କ ବ୍ୟତୀତ ବାପା ମାଆ ମଧ୍ୟ ରହନ୍ତି । ରାତି ପ୍ରାୟ ସାଢେ ଗୋଟାଏ ବେଳେ କୁନ୍ଦନଙ୍କ ମୃତଦେହ ଫ୍ୟାନରେ ଝୁଲୁଥିବା ସେମାନେ ଦେଖିଥିଲେ ।
ପୁଲିସ ଶବ ଜବତ ପରେ ବ୍ୟବଚ୍ଛେଦ କରି ପରିବାରଲୋକଙ୍କୁ ହସ୍ତାନ୍ତର କରିଛି । ଆତ୍ମହତ୍ୟାର କାରଣ ଜଣାପଡିନାହିଁ । କୁନ୍ଦନ କୌଣସି ସୁଇସାଇଡ ନୋଟ୍ ମଧ୍ୟ ଛାଡି ନାହାନ୍ତି । ପରିବାରଲୋକଙ୍କୁ ପୁଲିସ ପଚରାଉଚରା ଜାରି ରଖିଛି । ପାରିବାରିକ କଳହ କାରଣରୁ ଆତ୍ମହତ୍ୟା କରିଥିବା ଆଶଙ୍କା କରାଯାଉଛି ।

   Related Posts