Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

‘ସ୍କୁଲ୍ ଇନୋଭେସନ ଆମ୍ବାସଡ଼ର ପ୍ରଶିକ୍ଷଣ କାର୍ଯ୍ୟକ୍ରମ’ର ଶୁଭାରମ୍ଭ କଲେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଶିକ୍ଷାକୁ ନେଇ କହିଲେ ନିଜର ଲକ୍ଷ୍ୟ

16/07/2021 at 6:40 PM

ନୂଆଦିଲ୍ଲୀ/ଭୁବନେଶ୍ୱର ୧୬।୦୭:  ଛାତ୍ରଛାତ୍ରୀଙ୍କ ଜୀବନରେ ଶିକ୍ଷକମାନଙ୍କ ମାର୍ଗଦର୍ଶନ ସବୁଠାରୁ ଅଧିକ ପ୍ରଭାବିତ କରିଥାଏ । ଆମର ଛାତ୍ରଛାତ୍ରୀମାନଙ୍କୁ ଭବିଷ୍ୟତରେ ପ୍ରସ୍ତୁତ କରିବା ପାଇଁ ଆମର ଶିକ୍ଷକ ମାନଙ୍କୁ ପରିବର୍ତନର ପ୍ରତିନିଧି ତଥା ନବସୃଜନର ପ୍ରତୀକ ଭାବେ ଗଢିବା ଆମର ଲକ୍ଷ୍ୟ ବୋଲି କହିଛନ୍ତି କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ଶୁକ୍ରବାର କେନ୍ଦ୍ର ଜନଜାତି ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡାଙ୍କ ସହ ମିଳିତ ଭାବରେ ୫୦ ହଜାର ସ୍କୁଲ ଶିକ୍ଷକଙ୍କ ପାଇଁ ‘ସ୍କୁଲ୍ ଇନୋଭୋସନ ଆମ୍ବାସଡ଼ର ପ୍ରଶିକ୍ଷଣ କାର୍ଯ୍ୟକ୍ରମ’ର ଶୁଭାରମ୍ଭ କରିବା ଅବସରରେ ପ୍ରଧାନ ଏହା କହିଛନ୍ତି । ସେ କହିଛନ୍ତି ଯେ ଟେକ୍ନୋଲୋଜି ବିଶ୍ୱକୁ ନୂତନ ରୂପରେ ଅବସ୍ଥାପିତ କରିଥିବା ବେଳେ ଆମ ଛାତ୍ରଛାତ୍ରୀଙ୍କ ପାଖରେ କେବଳ ଦେଶର ସମସ୍ୟାକୁ ସମାଧାନ କରିବା ନୁହେଁ ବରଂ ବିଶ୍ୱର ସମାଧାନର ସୂତ୍ର ବାହାର କରିବାର କ୍ଷମତା ରହିଛି । ଆଜି ଶିକ୍ଷା ମନ୍ତ୍ରଣାଳୟର ଇନୋଭେସନ ସେଲ,ଜନଜାତି ବ୍ୟାପାର ମନ୍ତ୍ରଣାଳୟ, ସିବିଏସଇ ଏବଂ ଏଆଇସିଟିଇ ସହଯୋଗରେ ଶୁଭାରମ୍ଭ ହୋଇଯାଇଥିବା କାର୍ଯ୍ୟକ୍ରମ ପରବର୍ତୀ ସମୟରେ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କୁ ନବସୃଜନ କ୍ଷମତା ପ୍ରତି ଜାଗୃତ କରିବ, ନୂତନତ୍ୱର ସଂସ୍କୃତି ବିକାଶ କରିବ ଏବଂ ଏକ ନୂତନ ତଥା ସୁଦୃଢ ଭାରତର ମୂଳଦୁଆ ପକାଇବ ବୋଲି ପ୍ରଧାନ କହିଛନ୍ତି ।

ଆଜି ଆମେ ଅମୃତ ଉତ୍ସବ ପାଳନ କରୁଛେ । ଆଗାମୀ ୨୫ ବର୍ଷ ପରେ ଦେଶ ସ୍ୱାଧୀନତାକୁ ୧୦୦ ବର୍ଷ ପୂରଣ କରିବ । ଆଜିର୧୫ ବର୍ଷର ପିଲା ସେହି ସମୟରେ ଜୀବନର ସର୍ବଶ୍ରେଷ୍ଠ ସମୟ ଦେଇ ଗତି କରୁଥିବ । ତେଣୁ ଆମକୁ ଏହି ଏକବିଂଶ ଶତାବ୍ଦୀରୁ ହିଁ ପିଲାଙ୍କ ଭବିଷ୍ୟତକୁ ଉଜ୍ଜ୍ୱଳ କରିବା ତଥା ସେମାନଙ୍କର ପ୍ରତିଭାକୁ ଅନ୍ୱେଷଣ କରିବା ଦରକାର । ଦେଶରେ କୌଣସି ସମ୍ବଳର ଅଭାବ ନାହିଁ । ପିଲାଙ୍କୁ ଆଗକୁ ବଢ଼ାଇବା ପାଇଁ ସଠିକ୍ ମାର୍ଗଦର୍ଶନ ଏବଂ ସେମାନଙ୍କ ମନରେ ଦେଶ ଏବଂ ବିଶ୍ୱର ସମାଧାନ ପାଇଁ ଥିବା କଳ୍ପନାର ମାର୍ଗ ଦେଖାଇବାର ଆବଶ୍ୟକତା ରହିଛି । ତେବେ ଯାଇ ଦେଶର ପିଲାମାନେ ଦେଶ ଏବଂ ବିଶ୍ୱବାସୀଙ୍କ ସମସ୍ୟାର ସମାଧାନର ସୂତ୍ର ବାହାର କରିପାରିବେ।

ଦେଶରେ ପ୍ରାଚୀନ କୀର୍ତି ଓଡ଼ିଶାର ସୂର୍ଯ୍ୟ ମନ୍ଦିର ମାନବସଭ୍ୟତାର ବୈଜ୍ଞାନିକ ଦୃଷ୍ଟିଭଙ୍ଗୀର ଓଡ଼ିଆଙ୍କ ପରିପ୍ରକାଶର ପ୍ରମାଣ । ଯଥାର୍ଥ ସେତେବେଳେ ମଧ୍ୟ କାରିଗରମାନେ ନବସୃଜନ ମାଧ୍ୟମରେ ଏଭଳି ମନ୍ଦିର ନିର୍ମାଣ କରିବାର ଚିନ୍ତା କରୁଥିଲେ । ସେହିପରି ଭାରତରତ୍ନ ଡ. ଏ ପି ଜେ ଅବଦୁଲ କଲାମଙ୍କ ଜିଜ୍ଞାସା ହିଁ ତାଙ୍କୁ ବଡ଼ ଇନୋଭେଟର ବନାଇଥିଲା ତଥା ବାଲିଷ୍ଟିକ୍ ମିସାଇଲ୍ ବା କ୍ଷେପଣାସ୍ତ୍ର ନିର୍ମାଣ ଓ ବିକାଶ କ୍ଷେତ୍ରରେ ତାଙ୍କୁ ଅଗ୍ରଗଣ୍ୟ କରାଇଥିଲା । ସେହିପରି ମହାତ୍ମା ଗାନ୍ଧିଜୀଙ୍କ ମନରେ ସମ୍ବେଦନଶୀଳ ନଥିଲେ ସେ ଦକ୍ଷିଣ ଆଫ୍ରିକା ଛାଡ଼ି ଭାରତକୁ ଲଢ଼ିବାକୁ ଆସିନଥାନ୍ତେ । ଗାନ୍ଧିଜୀ ମଧ୍ୟ ସମସ୍ୟାର ସମାଧାନ କରିବା ପାଇଁ ପରୀକ୍ଷଣ ଅଥବା ନୂଆ ଚିନ୍ତା କରିଥିଲେ । ସେହିପରି ଆଜିର ଆମ୍ବୋସେଡ଼ର ଟ୍ରେନିଂ ଦେଶର ଆବଶ୍ୟକତାକୁ ପୂରଣ କରିବ ନାହିଁ ବରଂ ବିଶ୍ୱର ସମସ୍ୟାର ଉତ୍ତର ମଧ୍ୟ ବାହାର କରିବ ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।

ସୂଚନାଯୋଗ୍ୟ, ନବସୃଜନ କ୍ଷେତ୍ରରେ ଛାତ୍ରଛାତ୍ରୀଙ୍କୁ ଯୋଡ଼ିବା ପାଇଁ ‘ସ୍କୁଲ୍ ଇନୋଭୋସନ ଏମ୍ବାସେଡ଼ର ପ୍ରଶିକ୍ଷଣ କାର୍ଯ୍ୟକ୍ରମ’ ଆରମ୍ଭ ହୋଇଛି । ବିଦ୍ୟାଳୟ ଶିକ୍ଷକ ମାନଙ୍କ ପାଇଁ ଏକ ଅଭିନବ ତଥା ଏହାର ଏକ ପ୍ରକାର ପ୍ରଶିକ୍ଷଣ କାର୍ଯ୍ୟକ୍ରମ । ଏହା ଦ୍ୱାରା ୫୦,୦୦୦ ବିଦ୍ୟାଳୟ ଶିକ୍ଷକଙ୍କୁ ନବସୃଜନ, ଉଦ୍ୟୋଗୀ, ଆଇପିଆର, ଡିଜାଇନ୍ ଥିଙ୍କିଂ, ସାମଗ୍ରୀ ବିକାଶ, ଆଇଡିଆ ଜେନେରେସନ ଉପରେ ତାଲିମ ଦେବାର ଲକ୍ଷ୍ୟ ରଖାଯାଇଛି । 

ଆଜିର କାର୍ଯ୍ୟକ୍ରମରେ ଶିକ୍ଷା ମନ୍ତ୍ରଣାଳୟର ରାଷ୍ଟ୍ର ମନ୍ତ୍ରୀ ଭାବେ ଡା. ସୁବାଷ ସରକାର, ଅନ୍ନପୂର୍ଣ୍ଣା ଦେବୀ, ରାଜକୁମାର ରଞ୍ଜନ ସିଂହଙ୍କ ସହ ଶିକ୍ଷା ମନ୍ତ୍ରଣାଳୟ ଏବଂ ଜନଜାତି ମନ୍ତ୍ରଣାଳୟର ବରିଷ୍ଠ ଅଧିକାରୀ ପ୍ରମୁଖ ଉପସ୍ଥିତ ଥିଲେ ।

   Related Posts