Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

ଜମ୍ମୁ-କାଶ୍ମୀର ସସ୍‌ପେନ୍ସ : ସୀମାରେ ପ୍ରବଳ ଗୁଳିଗୋଳା ବର୍ଷଣକୁ ନେଇ ଗୃହମନ୍ତ୍ରୀଙ୍କ ଜରୁରୀ ବୈଠକ, ଆସନ୍ତାକାଲି ବସିବ କେନ୍ଦ୍ର କ୍ୟାବିନେଟ୍ ବୈଠକ

4/08/2019 at 2:40 PM

ନୂଆଦିଲ୍ଲୀ ୪|୮: କାଶ୍ମୀରରେ କିଛି ଗୋଟିଏ ବଡ଼ ଘଟଣା ଘଟିବାକୁ ଯାଉଛି ଏମିତି କଳ୍ପନା ଜଳ୍ପନା ସାରା ଦେଶରେ ଚାଲିଥିବା ବେଳେ ମୋଦି ସରକାର ଆସନ୍ତାକାଲି କେନ୍ଦ୍ର କ୍ୟାବିନେଟ୍ ବୈଠକ ଡାକିଛନ୍ତି । ଆସନ୍ତାକାଲି ସଂସଦ କାର୍ଯ୍ୟ ଆରମ୍ଭ ପୂର୍ବରୁ ସକାଳ ସାଢ଼େ ୯ଟାରେ କ୍ୟାବିନେଟ୍ ବୈଠକ ବସିବ ।  ପ୍ରଧାନମନ୍ତ୍ରୀ ମୋଦିଙ୍କ ବାସଭବନ ୭ ଲୋକକଲ୍ୟାଣ  ମାର୍ଗରେ ବସିବାକୁ ଥିବା ବୈଠକରେ କାଶ୍ମୀର ପ୍ରସଙ୍ଗରେ ଆଲୋଚନା ହେବା ନେଇ  ଅନୁମାନ କରାଯାଉଛି । 

ଅନ୍ୟପଟେ ସୀମାରେ ପ୍ରବଳ ଗୁଳିଗୋଳା ବର୍ଷଣକୁ ଦୃଷ୍ଟିରେ ରଖି ଗୃହମନ୍ତ୍ରୀ  ଅମିତ ଶାହା  ସଂସଦ ଭବନରେ ଏକ ବୈଠକ ଡାକିଛନ୍ତି ।  ଜାତୀୟ ସୁରକ୍ଷା ପରାମର୍ଶଦାତା  ଅଜିତ ଡୋଭାଲ ଓ ଗୃହ ସହିବ ଅଜିତ ଗୌବା ଓ ଗୃହ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଅଛନ୍ତି । 

ଗତ କିଛି ଦିନ ଧରି ସୀମାରେ ଅନୁପ୍ରବେଶ ଉଦ୍ୟମ ବଢ଼ିଥିବା ବେଳେ ଭାରତୀୟ ସେନା ଏହାକୁ ପ୍ରତିହତ କରିବାରେ ସକ୍ଷମ ହୋଇଛି ।  କେରାନରେ ଅନୁପ୍ରବେଶ ଉଦ୍ୟମ ବେଳେ ୭ ଆତଙ୍କବାଦୀ ପ୍ରାଣ ହରାଇଛନ୍ତି ।  ସେପଟେ ଜାମ୍ମୁ କାଶ୍ମୀର ୧୦ ପ୍ରତିଶତ ସଂରକ୍ଷଣ ବିଲ୍ ଆସନ୍ତାକାଲି ରାଜ୍ୟସଭାରେ ଆଗତ ହେବ । ଗୃହ ମନ୍ତ୍ରୀ ଅମିତ  ଶାହା ବିଲ୍  ଉପସ୍ଥାପନ କରିବେ ।  କାଶ୍ମୀରର ଆର୍ଥିକ ଅନଗ୍ରସର ଯୁବକଯୁବତୀଙ୍କୁ  ଚାକିରୀ କ୍ଷେତ୍ରରେ ୧୦ ପ୍ରତିଶତ ସଂରକ୍ଷଣ ଦେବା ଲାଗି ଏଥିରେ ବ୍ୟବସ୍ଥା ରହିଛି । 

କାଶ୍ମୀର ପ୍ରସଙ୍ଗ ଆସନ୍ତାକାଲି ଗୃହରେ ଉଠାଇବା ପାଇଁ ବିରୋଧୀ ଦଳଗୁଡ଼ିକ କହିସାରିଛନ୍ତି ।  କାଶ୍ମୀରରେ କାହିଁକି  ସେନା ପଠାଇବା ଜରୁରୀ ପଡ଼ିଲା ଏହି ପ୍ରସଙ୍ଗ ଆସନ୍ତାକାଲି ଶୂନ୍ୟକାଳରେ  ଉଠାଇବା  ଲାଗି ନୋଟିସ ଦେଇଛି ପିଡିପି ।  ସେହିପରି ଏହି ପ୍ରସଙ୍ଗକୁ କିଭଳି ସାମ୍ନା କରାଯିବ ସେନେଇ ବିଜେପିର ମଧ୍ୟ ଏକ ବୈଠକ ବସିଛି। 

   Related Posts