Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଆଜି କେନ୍ଦ୍ର କ୍ୟାବିନେଟ୍ ବୈଠକ, ନୂଆ ପ୍ୟାକେଜ ଘୋଷଣା ସହ ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ ମିଳିପାରେ ମଞ୍ଜୁରୀ

15/04/2020 at 7:17 AM

ନୂଆଦିଲ୍ଲୀ ୧୫।୦୪: ଆଜି ଦେଶରେ ଦ୍ବିତୀୟ ପର୍ଯ୍ୟାୟ ଲକ୍ ଡାଉନ୍ ର ପ୍ରଥମ ଦିନ । ସାରା ଦେଶରେ ମେ’ ୩ ଯାଏ ଲକ୍ ଡାଉନ୍ ଅବଧି ବୃଦ୍ଧି ନେଇ ଘୋଷଣା କର ସାରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଥମ ପର୍ଯ୍ୟାୟ ଲକ୍ ଡାଉନ୍ ଅବଧି ଗତକାଲି ରାତି ୧୨ ଟାରେ ଶେଷ ହୋଇଛି । ଦ୍ବିତୀୟ ପର୍ଯ୍ୟାୟ ଲକ୍ ଡାଉନ୍ ୧୯ ଦିନ ଚାଲିବ । ତେବେ ଏପ୍ରିଲ ୨୦ ପରେ ଏହାକୁ ରାଜ୍ୟ ଅନୁଯାୟୀ ସମୀକ୍ଷା କରାଯିବ । ଏହି ଦିନ ଦ୍ବିତୀୟ ପର୍ଯ୍ୟାୟ ଲକ୍ ଡାଉନର ସମୀକ୍ଷା କରାଯିବ । ଜିଲ୍ଲା, ଥାନା ଏବଂ ରାଜ୍ୟ ଗୁଡ଼ିକର ସ୍ଥିତି ସମୀକ୍ଷା ପରେ ଯେଉଁ ଅଞ୍ଚଳରେ କରୋନା ହଟ୍ ସ୍ପଟ୍ ସଂଖ୍ୟା ବୃଦ୍ଧି ପାଇନଥିବ ସେଠାରେ ସର୍ତ୍ତ ଅନୁଯାୟୀ କିଛି ନିୟମ କୋହଳ କରାଯିବା ସହ ଜରୁରୀ ସେବା ଚାଲୁ କରାଯିବ ବୋଲି ପ୍ରଧାନମନ୍ତ୍ରୀ କହିଛନ୍ତି ।

ଦ୍ବିତୀୟ ପର୍ଯ୍ୟାୟ ଲକ୍ ଡାଉନ୍ ବେଳେ କଟକଣା ପାଇଁ କଣ ଗାଇଡ୍ ଲାଇନ୍ ରହିବ, ସେନେଇ ଆଜି ଘୋଷଣା କରାଯିବ । ଲକ୍ ଡାଉନ୍ ସମୟ ସୀମା ବୃଦ୍ଧି ପରେ କେନ୍ଦ୍ର ସରକାର ଆଉ କିଛି ଗୁରୁତ୍ଵପୂର୍ଣ୍ଣ ନିଷ୍ପତ୍ତି ନେଇପାରନ୍ତି । ସେଥିପାଇଁ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିବ କେନ୍ଦ୍ର କ୍ୟାବିନେଟ୍ ବୈଠକ । ନୂଆ ପ୍ୟାକେଜ୍ ନେଇ ବୈଠକରେ ନିଷ୍ପତ୍ତି ହୋଇପାରେ । ଆଜି ସନ୍ଧ୍ୟା ସାଢ଼େ ୫ଟାରେ କ୍ୟାବିନେଟ୍ ବୈଠକ ବସିବ । ପୂର୍ବଥର ଭଳି ଭିଡିଓ କନଫରେନ୍ସିଂ ଜରିଆରେ ବୈଠକ ହେବ । ବୈଠକରେ କୃଷି କ୍ଷେତ୍ର ସହିତ ଆଉ କିଛି ସେକ୍ଟରକୁ ଆଶ୍ବସ୍ତି ଦେବା ଲାଗି ନିଷ୍ପତ୍ତି ହୋଇପାରେ । ଏହା ସହ କରୋନା ମୁକାବିଲା ପାଇଁ ବଡ଼ ଯୋଜନା ଉପରେ ଆଲୋଚନା ହୋଇପାରେ । ଆଜି ସରକାରଙ୍କ ପକ୍ଷରୁ ଦ୍ବିତୀୟ ପର୍ଯ୍ୟାୟ ଲକ୍ ଡାଉନ୍ ନେଇ ଗାଇଡ୍ ଲାଇନ ଜାରି କରାଯିବ । ତେଣୁ କ୍ୟାବିନେଟରେ ଗାଇଡ୍ ଲାଇନ ସମ୍ପର୍କରେ ଆଲୋଚନା ହୋଇପାରେ ।

   Related Posts