Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

କୋଭିଡକାଳରେ ଗରିବ କଲ୍ୟାଣ ଅନ୍ନ ଯୋଜନାକୁ ମିଳିଲା କ୍ୟାବିନେଟଙ୍କ ମଞ୍ଜୁରୀ, ଆଉ ୫ ମାସ ମିଳିବ ମାଗଣା ରାସନ

23/06/2021 at 7:12 PM

ନୂଆଦିଲ୍ଲୀ ୨୩।୬: ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା (ପିଏମଜିକେଏୱାଇ) ନଭେମ୍ବର  ପର୍ଯ୍ୟନ୍ତ ଆଉ ୫ ମାସ ସମ୍ପ୍ରସାରିତ ହୋଇଛି।  ଏଥିଲାଗି ପ୍ରସ୍ତାବକୁ ବୁଧବାର କେନ୍ଦ୍ର ମନ୍ତ୍ରୀମଣ୍ଡଳ ମଞ୍ଜୁର କରିଛନ୍ତି।  ଦେଶରେ ଗରିବ ଲୋକଙ୍କୁ ମାଗଣାରେ ଖାଦ୍ୟ ଶଶ୍ୟ ଉପଲବ୍ଧ କରିବା ପାଇଁ ପ୍ରଚଳିତ ଏହି ଯୋଜନାରେ ୮୦ କୋଟିରୁ ଅଧିକ ଲୋକେ ଉପକୃତ ହେଉଛନ୍ତି। କୋଭିଡ-୧୯ ଦ୍ୱିତୀୟ ଲହର କାଳରେ ହିତାଧିକାରୀଙ୍କ ଆର୍ଥିକ ସଂକଟକୁ ଦୃଷ୍ଟିରେ ରଖି ସରକାର ଜୁନ୍‌ ପର୍ଯ୍ୟନ୍ତ ୨ ମାସ ଲାଗି ଏହି ଯୋଜନା କାର୍ଯ୍ୟକାରୀ କରିଥିଲେ।

ତେବେ ଜୁନ ପ୍ରଥମ ସପ୍ତାହରେ ଗରିବ ଲୋକଙ୍କ ନିମନ୍ତେ ଚଳାଯାଇଥିବା ଯୋଜନାକୁ ଦିପାବଳୀ ପର୍ଯ୍ୟନ୍ତ  ସମ୍ପ୍ରସାରଣ କରାଯିବ ବୋଲି ପ୍ରଧାନମନ୍ତ୍ରୀ ଘୋଷଣା କରିଥିଲେ। ସେହି ଅନୁସାରେ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ବୁଧବାର ଅନୁଷ୍ଠିତ କେନ୍ଦ୍ର ମନ୍ତ୍ରୀମଣ୍ଡଳ ବୈଠକରେ ପ୍ରସ୍ତାବ ଉପସ୍ଥାପନ କରାଯିବା ସହ ତାହା ମଞ୍ଜୁର ହୋଇଯାଇଛି।  ଏ ନେଇ ଏକ ଅଧିକାରୀକ ବୟାନରେ ଘୋଷଣା କରାଯାଇଥିବା ବେଳେ ପିଏମଜିକେଏୱାଇ-୪ ଲାଗି ଜୁଲାଇ-ନଭେମ୍ବର ୫ ମାସ ନିମନ୍ତେ ଅତିରିକ୍ତ ଖାଦ୍ୟଶଶ୍ୟ ଆବଣ୍ଟନକୁ ମନ୍ତ୍ରୀମଣ୍ଡଳ ମଞ୍ଜୁର କରିଥିବା କୁହାଯାଇଛି।

ବୟାନରେ କୁହାଯାଇଛି ଯେ ଏଥିଯୋଗୁ ଜାତୀୟ ଖାଦ୍ୟ ସୁରକ୍ଷା ଅଧିନିୟମ(ଏନଏଫଏସଏ)ରେ ସୁରକ୍ଷିତ ୮୧.୩୫ କୋଟି ଲୋକେ ଉପକୃତ ହେବେ। ଘୋଷଣା ଅନୁସାରେ ଏଥିଲାଗି ୬୪,୦୩୧କୋଟି ଟଙ୍କାର ଖାଦ୍ୟ ସବସିଡିର ଆବଶ୍ୟକତା ପଡିବାକୁ ଥିବା ବେଳେ ୩,୨୩୪.୮୫ କୋଟି ଟଙ୍କା ଖର୍ଚ୍ଚ ହେବ। ଏହା ଛଡା କ୍ୟାବିନେଟ ବୈଠକରେ ସେଣ୍ଟ୍ରାଲ ରେଲସାଇଡ୍ ୱେରହାଉସ୍‌ କମ୍ପାନୀ ଲିମିଟେଡ (ସିଆରଡବ୍ଲୁସି)କୁ ଏହାର ହୋଲ୍ଡିଂ କମ୍ପାନୀ ସେଣ୍ଟ୍ରାଲ ୱେର ହାଉସିଂ କର୍ପୋରେସନ (ସିଡବ୍ଲୁସି)ଙ୍କ ସହ ମିଶ୍ରଣକୁ ମଧ୍ୟ କ୍ୟାବିନେଟ ଅନୁମୋଦନ କରିଛନ୍ତି। ଫଳରେ ଆରଡିବ୍ଲୁସିଙ୍କ ମ୍ୟାନେଜମେଣ୍ଟ ଖର୍ଚ୍ଚରେ କର୍ପୋରେଟ କାର୍ଯ୍ୟାଳୟର ଭଡା, କର୍ମଚାରୀଙ୍କ ବେତନ ଓ ଅନ୍ୟ ପ୍ରଶାସନିକ ଖର୍ଚ୍ଚ ହ୍ରାସ ହେବ।

   Related Posts