ନୂଆଦିଲ୍ଲୀ ୦୧/୦୨ : କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସାଧାରଣ ବଜେଟ୍ ୨୦୨୧-୨୨ ଉପସ୍ଥାପନ କରିଛନ୍ତି । ଯଦି ଆପଣ ଜଣେ କରଦାତା ଏବଂ ଜାଣିବାକୁ ଚାହୁଁଛନ୍ତି ଚଳିତ ବଜେଟ୍ରେ ଆପଣଙ୍କ ପାଇଁ କଣ ଘୋଷଣା କରାଯାଇଛି ଓ କଣ ଘୋଷଣା କରାଯାଇନାହିଁ ତେବେ ପଢନ୍ତୁ ଏହି ରିପୋର୍ଟ ।
ସାଧାରଣ କରଦାତାଙ୍କ ପାଇଁ ଆଶ୍ବସ୍ଥି ନାହିଁ
କେନ୍ଦ୍ରୀୟ ବଜେଟ୍ରେ ଚଳିତ ଥର ସାଧାରଣ କରଦାତାଙ୍କୁ ଆଶ୍ବସ୍ଥି ନାହିଁ । ପୂର୍ବରୁ ନିର୍ଦ୍ଧାରଣ କରାଯାଇଥିବା ପ୍ରକ୍ରିୟାରେ ହିଁ ସେମାନଙ୍କୁ ଆୟ କର ଦାଖଲ କରିବାକୁ ପଡିବ । ୨.୫ ଲକ୍ଷରୁ ୫ ଲକ୍ଷ ଟଙ୍କା ଆୟ ଉପରେ ୫ ପ୍ରତିଶତ ଆୟ କର ଦେବାକୁ ପଡିଥାଏ । ୫ ରୁ ୭.୫ ଲକ୍ଷ ଟଙ୍କା ଆୟ ଉପରେ ୧୦ ପ୍ରତିଶତ ଆୟ କର ଦେବାକୁ ପଡିଥାଏ । ସେହିଭଳି ୭.୫ ରୁ ୧୦ ଲକ୍ଷ ଟଙ୍କା ଆୟ ଉପରେ ୧୫ ପ୍ରତିଶତ, ୧୦ ରୁ ୧୨.୫ ଲକ୍ଷ ଟଙ୍କା ଆୟ ଉପରେ ୨୦ ପ୍ରତିଶତ ଆୟ କର ଦେବାକୁ ପଡିଥାଏ । ୧୨.୫ ରୁ ୧୫ ଲକ୍ଷ ଟଙ୍କା ଆୟ ଉପରେ ୨୫ ପ୍ରତିଶତ ଆୟ କର ଏବଂ ୧୫ ଲକ୍ଷରୁ ଉର୍ଦ୍ଧ୍ବ ଆୟ ଉପରେ ୩୦ ପ୍ରତିଶତ ଆୟ କର ଦେବାକୁ ପଡିଥାଏ ।
୭୫ ବର୍ଷରୁ ଉର୍ଦ୍ଧ୍ବ ବ୍ୟକ୍ତିଙ୍କୁ ଆୟକର ଛାଡର କାରଣ କଣ ?
ଦେଶରେ ୭୫ ବର୍ଷରୁ ଉର୍ଦ୍ଧ୍ବ ବ୍ୟକ୍ତିଙ୍କ ପାଇଁ ଆୟ କର ଦାଖଲ ଛାଡ କରିଛନ୍ତି କେନ୍ଦ୍ର ସରକାର । ତେବେ ଏହାର ମାନେ ନୁହେଁ ଯେ ୭୫ ବର୍ଷରୁ ଉର୍ଦ୍ଧ୍ବ ଯେକୌଣସି ବ୍ୟକ୍ତିଙ୍କୁ ଆୟକର ଛାଡ କରାଯିବ । ଏହାର ଅର୍ଥ ହେଉଛି ୭୫ ବର୍ଷରୁ ଉର୍ଦ୍ଧ୍ବ ବ୍ୟକ୍ତି ଯେଉଁ ମାନଙ୍କର ରୋଜଗାରର ମାଧ୍ୟମ ହେଉଛି ପେନ୍ସନ୍ ଏବଂ ଏଫଡି କେବଳ ସେହିମାନଙ୍କ ପାଇଁ ଆୟ କର ଛାଡ କରାଯାଇଛି ।
ଟିକସ ପୁନଃମୂଲ୍ୟାଙ୍କନରେ ଆଶ୍ବସ୍ତି
ପୂର୍ବରୁ ଟିକସ ରିଆସେସମେଣ୍ଟ ୬ ବର୍ଷ ଏବଂ ଗମ୍ଭୀର ମାମଲାରେ ୧୦ ବର୍ଷ ପରେ ମଧ୍ୟ କେସ୍ ଖୋଲା ଯାଇପାରଥିଲା । ତେଣୁକରି ଲୋକମାନଙ୍କୁ ୧୦ ବର୍ଷ ଯାଏଁ ଲୋକମାନଙ୍କୁ ଟିକସ ସମ୍ବନ୍ଧୀୟ କାଗଜପତ୍ର ସାଇତି ରଖିବାକୁ ପଡୁଥିଲା । କିନ୍ତୁ ବର୍ତ୍ତମାନ ତାହାକୁ ୩ ବର୍ଷକୁ ହ୍ରାସ କରାଯାଇଛି ।
ଚାକିରିଆଙ୍କ ପାଇଁ କିଛି ମାତ୍ରାରେ ଆଶ୍ବସ୍ତି
ଚାକିରୀ କରୁଥିବା ଲୋକଙ୍କୁ ସରକାର କିଛି ମାତ୍ରାରେ ଆଶ୍ବସ୍ତି ଦେଇଛନ୍ତି । ବର୍ତ୍ତମାନ ପର୍ଯ୍ୟନ୍ତ ITR ପୂରଣ କରିବା ସମୟରେ, ନିୟୋଜିତ ଲୋକଙ୍କୁ ଫର୍ମ 16-A ବ୍ୟତୀତ FD ଏବଂ ଅନ୍ୟାନ୍ୟ ବିବରଣୀ ପୃଥକ ଭାବରେ ଦେବାକୁ ପଡୁଥିଲା । ଏହା ଆଗକୁ ଲାଗୁହେବ ନାହିଁ | ଫର୍ମ 16-A ରେ, ସେମାନଙ୍କର ସୂଚନା ଆଗୁଆ ରହିବ, ଯାହା ଦ୍ବାରାକି ଆୟ କରଦାତାଙ୍କୁ ପୃଥକ ଭାବରେ ତଥ୍ୟ ସଂଗ୍ରହ କରିବାକୁ ପଡିବ ନାହିଁ ।
ସମସ୍ତଙ୍କ ପାଇଁ ଘର ସରକାରଙ୍କ ପ୍ରାଥମିକତା
ଅର୍ଥମନ୍ତ୍ରୀ କହିଛନ୍ତି ଯେ ସମସ୍ତଙ୍କ ପାଇଁ ଘର ଆମର ପ୍ରାଥମିକତା । ବର୍ତ୍ତମାନ ପର୍ଯ୍ୟନ୍ତ ଗୃହ ଋଣ ଉପରେ ୧.୫ ଲକ୍ଷ ଟଙ୍କା ସୁଧ ହ୍ରାସ କରିବାର ବ୍ୟବସ୍ଥା ରହିଛି । ବର୍ତ୍ତମାନ ସୁଲଭ ଘର ପାଇଁ ସୁଧରେ ୧.୫ ଲକ୍ଷ ଟଙ୍କାର ଅତିରିକ୍ତ ରିହାତି ୩୧ ମାର୍ଚ୍ଚ ୨୦୨୨ ପର୍ଯ୍ୟନ୍ତ ଉପଲବ୍ଧ ହେବ ।
NRI ମାନଙ୍କୁ ଆଶ୍ବସ୍ତି
ୟୁନିୟନ ବଜେଟରେ ବିଦେଶରେ ରହୁଥିବା ଭାରତୀୟ ତଥା ଏନଆରଆଇମାନଙ୍କୁ ଆଶ୍ବସ୍ତି ମିଳିଛି । ପୂର୍ବରୁ ସେମାନଙ୍କୁ ଡବଲ୍ ଟ୍ୟାକ୍ସ ସହିତ ମୁକାବିଲା କରିବାକୁ ପଡିଲା, କିନ୍ତୁ ଏହା ବର୍ତ୍ତମାନ ଘଟିବ ନାହିଁ । ସେମାନଙ୍କୁ ଆଶ୍ବସ୍ତି ଦେବାକୁ ସରକାର ଘୋଷଣା କରିଛନ୍ତି । ଅର୍ଥମନ୍ତ୍ରୀ କହିଛନ୍ତି ଯେ ଏନଆରଆଇମାନେ ଟ୍ୟାକ୍ସ ଦେବାରେ ଅସୁବିଧାର ସମ୍ମୁଖୀନ ହେଉଥିଲେ । ଏଭଳି ପରିସ୍ଥିତିରେ ସେମାନଙ୍କୁ ଡବଲ ଟ୍ୟାକ୍ସରୁ ଆଶ୍ବସ୍ତି ଦିଆଯାଉଛି ।
ଷ୍ଟାର୍ଟଅପ୍ରେ ଟିକସ ରିହାତି ବୃଦ୍ଧି
ଷ୍ଟାର୍ଟଅପ୍ ମଧ୍ୟରେ ଟିକସ ଜମା କରିବା ନେଇ ସରକାର ଆଶ୍ବସ୍ତି ଦେଇଛନ୍ତି । ବର୍ତ୍ତମାନ ସରକାର ଏହାର ସୀମାକୁ ୩୧ ମାର୍ଚ୍ଚ ୨୦୨୨ ଯାଏଁ ବୃଦ୍ଧି କରିଛନ୍ତି ।
କର୍ପୋରେଟ୍ ଟ୍ୟାକ୍ସ୍ ସାରା ବିଶ୍ବରେ ସବୁଠାରୁ କମ
କେନ୍ଦ୍ର ସରକାର କହିଛନ୍ତି ଦେଶରେ ଆୟକରଦାତାଙ୍କ ସଂଖ୍ୟା ବୃଦ୍ଧି ପାଇଛି । ତେବେ ଭାରତରେ କର୍ପୋରେଟ୍ ଟ୍ୟାକ୍ସ୍ ସାରା ବିଶ୍ବରେ ସବୁଠାରୁ କମ ଥିବା କହିଛନ୍ତି ସରକାର ।
