Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ବଜେଟ୍ ୨୦୨୧ : କୋଭିଡ୍ ଟିକା ପାଇଁ ୩୫ ହଜାର କୋଟି

1/02/2021 at 12:02 PM

ନୂଆଦିଲ୍ଲୀ ୧।୨: ଚଳିତ ବର୍ଷର ସାଧାରଣ ବଜେଟ୍ ଆଗତ କରୁଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । କରୋନା ମହାମାରୀ କାଳରେ ଏହା ମୋଦି ସରକାରଙ୍କ ପ୍ରଥମ ବଜେଟ୍ । ଚଳିତ ଥର ଡିଜିଟାଲ ବଜେଟ୍ ଉପସ୍ଥାପନ ହୋଇଛି । ୨୦୨୧ ଐତିହାସିକ ବର୍ଷ । ଚଳିତ ବଜେଟ୍ ଉପରେ ସାରା ଦେଶର ନଜର ରହିଛି । ସାଧାରଣ ଲୋକଙ୍କୁ ସହାୟତା ଯୋଗାଇବାକୁ ମୋଦି ସରକାର କାମ କରୁଛନ୍ତି । କରୋନା ସଙ୍କଟ ସମୟରେ କ୍ଷୁଦ୍ର ମଧ୍ୟମ ଉଦ୍ୟୋଗକୁ ସରକାର ସହାୟତା ପ୍ରଦାନ କରିଛନ୍ତି । ବିଶ୍ବ ଅର୍ଥନୀତିରେ ଏକ ଅଦ୍ଭୁଦପୂର୍ବ ମନ୍ଥରତା ଦେଖାଦେଇଛି ।

ଆତ୍ମନିର୍ଭର ଭାରତ ପ୍ୟାକେଜ ଫଳରେ ଢାଞ୍ଚାଗତ ସୁଧାର ବୃଦ୍ଧି ହୋଇଛି । ୨୦୨୧ରେ ମଧ୍ୟ କରୋନା ସହ ସଂଘର୍ଷ ଜାରି ରହିବ । ସ୍ବାଧିନ ଭାରତର ଏହା ଅଷ୍ଟମ ଜନଗଣନା ବର୍ଷ । କୃଷକଙ୍କ ଆୟ ଦୁଇ ଗୁଣ ବୃଦ୍ଧି କରିବା ଲକ୍ଷ୍ୟ ରହିଛି । ଚଳିତବର୍ଷ ବଜେଟ୍ ପ୍ରସ୍ତାବ ଛଅ ଆଧାର ରହିଛି । ସ୍ବାସ୍ଥ୍ୟରେ ତିନି କ୍ଷେତ୍ରରେ ଧ୍ୟାନ ରଖାଯାଇଛି । ସ୍ବାସ୍ଥ୍ୟ ଏବଂ ସମୃଦ୍ଧି ପ୍ରସ୍ତାବର ପ୍ରଥମ ଆଧାର । ପ୍ରତିରୋଧ, ଚିକିତ୍ସା ଏବଂ ଅନୁସନ୍ଧାନ ଉପରେ ଗୁରୁତ୍ବ । ସମନ୍ବିତ ସ୍ବାସ୍ଥ୍ୟ ସୂଚନା ପୋର୍ଟାଲ ପ୍ରସ୍ତୁତ ହେବ ।

ସମଗ୍ର କୋଭିଡ୍ ପ୍ୟାକେଜ୍ ଜିଡିପିର ୧୩% ରହିଛି । ଆତ୍ମନିର୍ଭର ଭାରତ ପ୍ୟାକେଜରେ ମୋଟ୍ ୨୭.୧ ଲକ୍ଷ କୋଟି ଟଙ୍କାର ସହାୟତା ଜାରି କରାଯାଇଛି । ବାୟୁ ପ୍ରଦୂଷଣରୁ ରକ୍ଷା ପାଇବା ପାଇଁ ୨୦୦୦ କୋଟି ଟଙ୍କାର ପ୍ୟାକେଜ ଘୋଷଣା କରାଯାଇଛି । ସ୍ବାସ୍ଥ୍ୟ ପାଇଁ ୨.୨୩ ହଜାର କୋଟିର ବ୍ୟବସ୍ଥା କରାଯାଇଛି । କୋଭିଡ୍ ଟିକାକରଣ ପାଇଁ ୩୫ ହଜାର କୋଟି ଟଙ୍କା ଘୋଷଣା କରାଯାଇଛି । ଆତ୍ମନିର୍ଭର ସ୍ବାସ୍ଥ୍ୟ ଭାରତ ଯୋଜନାର ଘୋଷଣା କରାଯାଇଛି । ଏହା ଅଧିନରେ ସହରରେ ଅମୃତ ଯୋଜନାକୁ ଆଗକୁ ବଢାଯିବ । ଏଥିପାଇଁ ୨,୮୭,୦୦୦ କୋଟି ଟଙ୍କା ଜାରି କରାଯାଇଛି ।

ମହାମାରୀ ସମୟରେ ୮୦ କୋଟି ଲୋକଙ୍କୁ ମାଗଣାରେ ଶଷ୍ୟ ଯୋଗାଇ ଦିଆଯାଇଛି । ୪୦ କୋଟି ଲୋକଙ୍କ ଖାତାରେ ଟଙ୍କା ଆସିଛି । ଭାରତରେ କରୋନା ମୃତ୍ୟୁ ହାର କମିଛି । ସମସ୍ତଙ୍କୁ ଶିକ୍ଷା ଦେବା ସରକାରଙ୍କ ଲକ୍ଷ୍ୟ ।

ଅର୍ଥନୀତିଜ୍ଞ ଏବଂ ବିଶେଷଜ୍ଞମାନେ କହିଛନ୍ତି ଯେ, କରୋନା ମହାମାରୀ ଦ୍ବାରା ପ୍ରଭାବିତ ହୋଇଥିବା ଅର୍ଥନୀତିକୁ ପୁନଃଉଦ୍ଧାର କରିବାକୁ ଏହି ବଜେଟ୍ ସହାୟକ ହେବ । ଆହୁରି ମଧ୍ୟ କହିଛନ୍ତି ଯେ, ନୂତନ ବଜେଟରେ କେବଳ ବହି କିମ୍ବା ଆକାଉଣ୍ଟ କିମ୍ବା ପୁରୁଣା ଯୋଜନା ଉପସ୍ଥାପନ କରିବାଠାରୁ ଏହି ବଜେଟ୍ ଭିନ୍ନ ହେବା ଉଚିତ୍ । ବିଶେଷଜ୍ଞମାନେ ଚାହୁଁଛନ୍ତି ଯେ ଏହି ବଜେଟ୍ କିଛି ଉପାୟରେ ହେଉ ଯାହା ଭବିଷ୍ୟତର ରାସ୍ତା ଦେଖାଇବା ଏବଂ ବିଶ୍ବର ଦ୍ରୁତ ଅଭିବୃଦ୍ଧିଶୀଳ ପ୍ରମୁଖ ଅର୍ଥନୀତିକୁ ଫେରାଇ ଆଣିବ ।

   Related Posts