Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ରାଜ୍ୟ ସରକାର ଖର୍ଚ୍ଚ କରିନଥିବା କେନ୍ଦ୍ରୀୟ ଅନୁଦାନର ତାଲିକା ଦେଲେ କେନ୍ଦ୍ର କୃଷିମନ୍ତ୍ରୀ ରାଧାମୋହନ ସିଂ, ଧର୍ମେନ୍ଦ୍ର କହିଲେ କାଳିଆ ଯୋଜନାରେ ହୋଇଛି ଜାଲିଆତି

26/02/2019 at 5:12 PM

କଟକ୨୬|୨: ଆଜି କଟକ ବିଦ୍ୟାଧରପୁରଠାରେ ଥିବା ଜାତୀୟ ଧାନ ଗବେଷଣା କେନ୍ଦ୍ରରେ ଏକ କୃଷି ମେଳାର ଉଦ୍‌ଘାଟନ କରିଛନ୍ତି କେନ୍ଦ୍ର କୃଷି ମନ୍ତ୍ରୀ ରାଧା ମୋହନ ସିଂ। ତେବେ ଏହି ଅବସରରେ କେନ୍ଦ୍ର କୃଷି ମନ୍ତ୍ରୀ ରାଜ୍ୟ ସରକାରଙ୍କ ଉପରେ ବେଶ୍ ବର୍ଷିଛନ୍ତି । କେନ୍ଦ୍ର କୃଷି ମନ୍ତ୍ରୀ ରାଧା ମୋହନ ସିଂ କହିଛନ୍ତି ଯେ, କେନ୍ଦ୍ର ସରକାରଙ୍କ ଯୋଜନାର  ରାଜ୍ୟରେ ସଫଳ ରୂପାୟନ ହେବାରେ ବାଟ ଓଗାଳୁଛନ୍ତି ରାଜ୍ୟ ସରକାର। ଏଭଳି ଜନ ବିରୋଧି ସରକାରଙ୍କୁ ଜନତା କ୍ଷମା ଦେବେ ନାହିଁ ବୋଲି ମନ୍ତ୍ରୀ କହିଛନ୍ତି । ସେପଟେ କେନ୍ଦ୍ର ପେଟ୍ରିଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ, କାଳିଆ ଯୋଜନାରେ ହିତାଧିକାରୀ ଚୟନରେ ବ୍ୟାପକ ଜାଲିଆତି ହୋଇଛି । ତେଣୁ କାଳିଆ ହିତାଧିକାରୀଙ୍କ ତାଲିକା କେନ୍ଦ୍ର ସରକାରଙ୍କୁ ଦେଉ ନାହାଁନ୍ତି ରାଜ୍ୟ ସରକାର ।

ଅବସର ଥିଲା କଟକ ବିଦ୍ୟାଧରପୁର ଜାତୀୟ ଧାନ ଗବେଷଣା କେନ୍ଦ୍ରରେ କୃଷି ମେଳା । ଏହି ଅବସରରେ କିନ୍ତୁ ରାଜ୍ୟ ସରକାରଙ୍କୁ  ଟାର୍ଗେଟ୍ କରିବାରେ ଆଦୌ ହେଳା କରିନଥିଲେ କେନ୍ଦ୍ରୀୟ କୃଷି ମନ୍ତ୍ରୀ । କେନ୍ଦ୍ରୀୟ କୃଷି ମନ୍ତ୍ରୀ ରାଧା ମୋହନ ସିଂ ଉପସ୍ଥିତ କୃଷକ ମାନଙ୍କୁ ସମ୍ବୋଧନ ଦେଇ ରାଜ୍ୟ ସରକାର କିଭଳି କେନ୍ଦ୍ର ସରକାରଙ୍କ ଟଙ୍କା ଖର୍ଚ୍ଚ କରି ପାରୁ ନହାଁନ୍ତି ତାର ବିସ୍ତୃତ ବିବରଣୀ ଦେଇଥିଲେ । କେନ୍ଦ୍ର କୃଷ୍ଟିମନ୍ତ୍ରୀଙ୍କ କହିବା ଅନୁସାରେ ରାଷ୍ଟ୍ରୀୟ ଖାଦ୍ୟ ସୁରକ୍ଷା ମିସନ୍ ରେ ୨୦୧୭-୧୮ ଆର୍ଥିକ ବର୍ଷରେ ରାଜ୍ୟ ସରକାରଙ୍କୁ କେନ୍ଦ୍ର ଦେଇଥିଲା ୮୨ କୋଟି ଟଙ୍କା । ରାଜ୍ୟ ସରକାର କିନ୍ତୁ ଏଥିରୁ ୪୦ କୋଟି ଟଙ୍କା ଖର୍ଚ୍ଚ କରି ପାରି ନଥିଲେ । ସେହିଭଳି ଜଳସେଚନ ପାଇଁ ମିଳିଥିବା ଟଙ୍କାରୁ ରାଜ୍ୟ ସରକାର ୨୦୧୫-୧୬ ମସିହାରେ ୪ କୋଟି ୧୬ ଲକ୍ଷ ଟଙ୍କା ଖର୍ଚ୍ଚ କରିପାରି ନଥିଲେ । ୨୦୧୭-୧୮ ଆର୍ଥିକ ବର୍ଷରେ ରାଜ୍ୟ ସରକାର ଜଳ ସେଚନ ପାଇଁ ପାଇଥିବା କେନ୍ଦ୍ରୀୟ ସହାୟତାରୁ ୯ କୋଟି ୧୧ ଲକ୍ଷ ଟଙ୍କା ଖର୍ଚ୍ଚ କରିପାରିନଥିଲେ । ଅନ୍ୟପଟେ ଉଦ୍ୟାନ କୃଷି ପାଇଁ କେନ୍ଦ୍ର ସରକାର ୨୦୧୭-୧୮ ଆର୍ଥିକ ବର୍ଷ ରେ ଦେଇଥିବା ଅର୍ଥରୁ ୨୨ କୋଟି ଟଙ୍କା ଖର୍ଚ୍ଚ କରିପାରି ନଥିଲେ । ଉଦ୍ୟାନ କୃଷି ବାବଦରେ ୨୦୧୮-୧୯ ଆର୍ଥିକ ବର୍ଷରେ ରାଜ୍ୟ ସରକାର ୩୭ କୋଟି ୩୩ ଲକ୍ଷ ଟଙ୍କା କେନ୍ଦ୍ରୀୟ ଅନୁଦାନ ଖର୍ଚ୍ଚ କରିପାରି ନଥିଲେ ବୋଲି ହିସାବ ରଖିଛନ୍ତି କେନ୍ଦ୍ରୀୟ କୃଷି ମନ୍ତ୍ରୀ । ସେପଟେ କିନ୍ତୁ କେନ୍ଦ୍ର ସରକାରଙ୍କ ଜନହିତକର ଯୋଜନାର ଲାଭ ଓଡିଶାର ଚାଷୀଙ୍କୁ ମିଳିବାରେ ରାଜ୍ୟ ସରକାର ବାଧା ସୃଷ୍ଟି କରୁଥିବା କୃଷି ମନ୍ତ୍ରୀ ରାଧା ମୋହନ ସିଂ କହିଛନ୍ତି ।

ସେପଟେ କୃଷକ ମେଳାରେ ଭାଷଣ ଦେଇ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ରାଜ୍ୟ ସରକାରଙ୍କ କାଳିଆ ଯୋଜନା ହିତାଧିକାରୀ ଚୟନ ପ୍ରକ୍ରିୟାକୁ ତୃଟିପୂର୍ଣ୍ଣ ବୋଲି କହିଛନ୍ତି । ବହୁ ଥିଲା ବାଲା ଲୋକ କାଳିଆ ଯୋଜନାର ହିତାଧିକାରୀ ତାଲିକାରେ ଅଛନ୍ତି, ତେଣୁ କାଳିଆ ଯୋଜନା ହିତାଧାକାରୀ ଥିବା ସବୁ ଚାଷୀଙ୍କ ତଥ୍ୟ ରାଜ୍ୟ ସରକାର କେନ୍ଦ୍ର ସରକାରଙ୍କୁ ଦେଉ ନାହାଁନ୍ତି ବୋଲି ଧର୍ମେନ୍ଦ୍ର କହିଛନ୍ତି ।

ରାଜ୍ୟରେ ମୋଟ୍ ୩୨ ଲକ୍ଷ ଚାଷୀ ଥିବା ସରକାରୀ ଆକଳନ କହୁଛି..କିନ୍ତୁ କେନ୍ଦ୍ର ସରକାରଙ୍କ ଚାଷୀଙ୍କ ପାଇଁ ହେଉଥିବା ଯୋଜନାର ହିତାଧିକାରୀ ଭାବେ ରାଜ୍ୟ ସରକାର ୮ଲକ୍ଷ ୩୧ ହଜାର ଚାଷୀଙ୍କ ତାଲିକା କେନ୍ଦ୍ର ସରକାରଙ୍କୁ ଦେଇଛନ୍ତି. ବୋଲି କେନ୍ଦ୍ରୀୟ କୃଷି ମନ୍ତ୍ରୀ ଏହି ଅବସରରେ କହିଛନ୍ତି….

   Related Posts