Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚଣ୍ଡିଖୋଲ : ଅଜଣା ଗାଡି ଧକ୍କାରେ ହୋମ୍‌ଗାର୍ଡଙ୍କ ମୃତ୍ୟୁ
  • ||
  • କଳାହାଣ୍ଡି : ଏକତରଫା ପ୍ରେମରୁ ଗଲା ଜୀବନ, ଯୁବତୀଙ୍କ ଗଳା କାଟିଦେଲା ପ୍ରେମିକ, ଆକ୍ରମଣରେ ଯୁବତୀଙ୍କ ମା’ ମୃତ
  • ||
  • ଢେଙ୍କାନାଳ : ୩ଦିନ ହେଲା ଜଳୁଛି ଜଙ୍ଗଲ, ଲକ୍ଷ ଲକ୍ଷ ଗଛ ପୋଡି ପାଉଁଶ, ଭୟରେ ଜଙ୍ଗଲ ଛାଡି ପଳାଉଛନ୍ତି ବନ୍ୟଜନ୍ତୁ
  • ||
  • ଢେଙ୍କାନାଳ : କପିଳାଶ, ସପ୍ତଶଯ୍ୟା ଓ ମହିମା ଗାଦି ସମେତ ୬ଟି ପର୍ଯ୍ୟଟନସ୍ଥଳୀର ହେବ ସଂଯୋଗୀକରଣ
  • ||
  • ସ୍ୱିଜରଲାଣ୍ଡରେ ସର୍ବସାଧାରଣ ସ୍ଥାନରେ ବୁର୍ଖା ପିନ୍ଧିବା ମନା ! ମତଦାନ ଦ୍ୱାରା ନିଆଗଲା ନିଷ୍ପତ୍ତି
  • ||
  • ରାଫେଲ୍ ତିଆରି କରିଥିବା କମ୍ପାନୀର ମାଲିକ ମୃତ, ହେଲିକପ୍ଟର ଦୁର୍ଘଟଣାରେ ହାରିଲେ ଜୀବନ
  • ||
  • ଆଜିଠୁ ବଢିବ ତାତି, ଆଭ୍ୟନ୍ତରୀଣ ଓଡିଶାରେ ଅନୁଭୂତ ହେବ ଅସହ୍ୟ ଗରମ
  • ||
  • ଟିକା ନେବା ପରେ କୋଭିଡ୍ ପଜିଟିଭ୍ ହେଲେ ଭିଜିଲାନ୍ସ ଏସପି
  • ||

କଟକ ବଡ ଡାକ୍ତରଖାନାରେ ନିରାଶ୍ରୟ ଓ ଅପରିଚିତ ରୋଗୀଙ୍କ ଚିକିତ୍ସା କେମିତି ଚାଲିଛି ? ଜାଣନ୍ତୁ

7/02/2019 at 6:22 PM

କଟକ ୭|୨: କଟକ ବଡ ଡାକ୍ତରଖାନାରେ ନିରାଶ୍ରୟ ଓ ଅପରିଚିତ ରୋଗୀଙ୍କ ଚିକିତ୍ସା ପାଇଁ ସ୍ବତନ୍ତ୍ର ୱାର୍ଡ ରହିଛି । ଡାକ୍ତର ଓ ଆଟେଣ୍ଡାଣ୍ଟ ବି ନିଯୁକ୍ତ ହୋଇଛନ୍ତି । କୌଣସି ବ୍ୟବସ୍ଥାରେ କମି ରଖିନାହାନ୍ତି ରାଜ୍ୟ ସରକାର । କିନ୍ତୁ ଏଠି କେମିତି ଚାଲିଛି କାମ ଆସନ୍ତୁ ଦେଖିବା ଏହି ରିପୋର୍ଟରେ । …

କଟକ ବଡ ଡାକ୍ତରଖାନା ଫାଟକ ପାଖ ରାସ୍ତାକଡରେ ଶୋଇ ରହିଛନ୍ତି ଜଣେ ବୃଦ୍ଧା । ବୟସ ପାଖାପାଖି ୭୦ ହେବ । ସାହା ଭରସା ବୋଲି କେହି ନାହାନ୍ତି । ନାଁ କ’ଣ,  ଘର କେଉଁଠି ତାହା ବି କେହି ଜାଣି ନାହାନ୍ତି । ମୁଣ୍ଡରେ ପୋକ ସାଲୁବାଲୁ । ପରର ହାତ ଟେକାକୁ ଚାହିଁଥାନ୍ତି । କିଏ ଦେଲେ ଖାଆନ୍ତି, ନହେଲେ ଉପାସ । ଅନାଥ ଭାବେ କଟକ ସହରର ଗଳିକନ୍ଦିରେ ବୁଲୁଥିବା ବେଳେ ୪ ଦିନ ତଳେ ଉଦ୍ଧାର କରିଥିଲେ କିଛି ସ୍ବେଚ୍ଛାସେବୀ । SCB କାଜୁଆଲଟିରେ ଭର୍ତ୍ତି କରିଥିଲେ । କିନ୍ତୁ ତାଙ୍କର ଚିକିତ୍ସା ହେବ କଣ ଡାକ୍ତର, ଆଟେଣ୍ଡାଣ୍ଟ ଏମିତି ଲକ୍ଷ୍ୟ ରଖିଥିଲେ ଯେ ବୃଦ୍ଧା ଆସି ରାସ୍ତା କଡରେ ପଡିଲେଣି । ବୃଦ୍ଧାଙ୍କର ଏଭଳି ପରିସ୍ଥିତି ପାଇଁ SCB କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି ସ୍ବେଚ୍ଛାସେବୀ ।

ନିରାଶ୍ରୟଙ୍କ ପାଇଁ SCBର ସବୁ ବିଭାଗରେ ସ୍ବତନ୍ତ୍ର ଚିକିତ୍ସା ବ୍ୟବସ୍ଥା କରାଯାଇଛି । ସ୍ବତନ୍ତ୍ର ଓ୍ବାର୍ଡ ବି କରାଯାଇଛି । ଅଟେଣ୍ଡାଣ୍ଟ ଓ ଡାକ୍ତର ବି ନିଯୁକ୍ତି ହୋଇଛନ୍ତି । ହେଲେ ବୃଦ୍ଧାଙ୍କ ଏ ଅବସ୍ଥା ଦେଖିଲେ ବୁଝା ପଡୁଛି କଟକ ବଡ ମେଡିକାଲରେ କେମିତି ଚାଲିଛି ନିରାଶ୍ରୟ ଓ ଅପରିଚିତ ରୋଗୀଙ୍କ ଚିକିତ୍ସା । ଏନେଇ କିନ୍ତୁ ହସ୍ପିଟାଲ କର୍ତ୍ତପକ୍ଷଙ୍କ ପ୍ରତିକ୍ରିୟା ମିଳିପାରିନି ।

କିଛି ଦିନ ତଳେ SCB କର୍ତ୍ତୃପକ୍ଷଙ୍କ ଅବହେଳା ପାଇଁ ଜଣେ ବୃଦ୍ଧଙ୍କ ଜୀବନ ଯାଇଥିଲା । କୌଣସି ଅଘଟଣ ଘଟିଲେ ହିଁ ସଙ୍ଗେ ସଙ୍ଗେ ପ୍ରତିକ୍ରିୟା ରଖନ୍ତି ଉଚ୍ଚ ପଦାଧିକାରୀ । କାର୍ଯ୍ୟାନୁଷ୍ଠାନ କଥା କୁହାନ୍ତି । କିନ୍ତୁ ପରେ ସମସ୍ତେ ସବୁ ଭୁଲି ଯାଆନ୍ତି । ଫଳସ୍ବରୂପ ଆଜି ଏ ଚିତ୍ର ପୁଣି ଥରେ ଦେଖିବାକୁ ମିଳିଛି ।

   Related Posts