Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଇଣ୍ଡୋନେସିଆ ବିମାନ ଦୁର୍ଘଟଣା: ପାଣି ଭିତରେ ଭଗ୍ନାବଶେଷର ଦୃଶ୍ୟ ଦେଖାଇଲେ ସମୁଦ୍ର ବୁଡାଳି, ଶବ ସନ୍ଧାନରେ ଲାଗିଛନ୍ତି ୨୬୦୦ କର୍ମଚାରୀ

11/01/2021 at 10:34 PM

ଜାକାର୍ତ୍ତା ୧୧।୦୧: ଇଣ୍ଡୋନେସିଆରେ ଶନିବାର ଦୁର୍ଘଟଣାଗ୍ରସ୍ତ ବିମାନର ଭଗ୍ନାବଶେଷ ସମୁଦ୍ରର ୨୩ ମିଟର ଗଭୀରତାର ମିଳିଛି। ସମୁଦ୍ରବୁଡାଳି ସମୁଦ୍ର ଭିତରରେ ବିମାନର ଭଗ୍ନାବଶେଷ ଚିତ୍ର ସ୍ପଷ୍ଟ ଭାବେ ଦେଖାଇଛନ୍ତି। ଜାକାର୍ତ୍ତା ବିମାନ ବନ୍ଦରରୁ ଉଡାଣ ଭରିବା ପରେ  ଶ୍ରୀବିଜୟ ଏୟାର ଜେଟ୍‌ର ରେକର୍ଡ ଆଧାରରେ ଇଣ୍ଡୋନେସିଆ ନୌସେନାର ସମୁଦ୍ର ବୁଡାଳି ସମୁଦ୍ରରେ ସନ୍ଧାନ ଅଭିଯାନ ଜାରି ରଖିଛନ୍ତି।

ଯାତ୍ରୀଙ୍କ ଶବ ଖୋଜିବା ଉପରେ ଇଣ୍ଡୋନେସିଆ ସରକାର ଗୁରୁତ୍ଵ ଦେଇଛନ୍ତି। ନୌସେନାର ମୁଖପାତ୍ର ଫଜର ତ୍ରାହା ରୋହଦି କହିଛନ୍ତି ସମୁଦ୍ରବୁଡାଳି ବ୍ଲାକ ବକ୍ସ ସ୍ଥାନ ଚିହ୍ନଟ କରିଛନ୍ତି। ଏଥିସହ ବିମାନର କିଛି ଅଂଶର ଭଗ୍ନାବଶେଷ, ମୃତକଙ୍କ ମାନବ ଅଙ୍ଗ ଓ ଯାତ୍ରୀଙ୍କ ସମ୍ଵନ୍ଧିତ ସାମଗ୍ରୀ ମିଳିଛି। ସମୁଦ୍ରବୁଡାଳି ସମୁଦ୍ର ପାଣି ଭିତରେ ଭଗ୍ନାବଶେଷର ଦୃଶ୍ୟ ମଧ୍ୟ ଦେଖାଇଛନ୍ତି।

ଉଦ୍ଧାରକାରୀ ଦଳର ସଦସ୍ୟ ବାୟୁ ଓ୍ଵାରଡୋୟୋ କହିଛନ୍ତି, ସୋମବାର ଅଧିକ ମାନବ ଅବଶେଷ ମିଳିଥିଲା ଏବଂ ପାଣି ଭିତରେ ୫ ମିଟର ତଳର ଦୃଶ୍ୟ ଦୃଶ୍ୟମାନ ହେଉଥିଲା।  ଅଧିକାରୀ କହିଛନ୍ତି ଅବଶେଷ ପାଇଥିବା ଜଣେ ପୁଲିସ ହସ୍ପିଟାଲରେ ପୀଡିତାଙ୍କ ପରିଜନଙ୍କଠୁ ୪୦ ଡିଏନଏ ନମୂନା ସଂଗ୍ରହ କରିଛନ୍ତି। ଏହା ଜରିଆରେ ମୃତକଙ୍କ ପରିଚୟ ଚିହ୍ନଟ କରାଯିବ।

ଉଦ୍ଧାରକାରୀ ଓ ସନ୍ଧାନୀ ଅଭିଯାନ ନିର୍ଦ୍ଦେଶକ ରସମ୍ୟାନ କହିଛନ୍ତି, ଯେତେ ଶୀଘ୍ର ହେବ ମୃତକଙ୍କ ଶବର ସନ୍ଧାନ କରାଯିବ। ଏହି ଅଭିଯାନରେ ୨୬୦୦ କର୍ମୀ ଓ ୫୩ ଜାହାଜ ଏବଂ ହେଲିକପ୍ଟର ଜୁଟିଛନ୍ତି। ଇଣ୍ଡୋନେସିଆର ଅଧିକାରୀ କହିଛନ୍ତି ଦୁର୍ଘଟଣାଗ୍ରସ୍ତ ବିମାନ ବୋଇଙ୍ଗ ୭୩୭-୫୦୦ର ଭଗ୍ନାବଶେଷ ଓ ବ୍ଲାକ ବକ୍ସର ରବିବାର ସନ୍ଧାନ ମିଳିଛି। ଶନିବାର ଦୁର୍ଘଟଣାଗ୍ରସ୍ତ ଶ୍ରୀବିଜୟ ଏୟାରଲାଇନ୍ସର ଏହି ବିମାନରେ ୬୨ ଯାତ୍ରୀ ଯାତ୍ରା କରୁଥିଲେ।

ଶନିବାର ଯେଉଁ ସ୍ଥାନରୁ ଶ୍ରୀବିଜୟ ଏୟାରର ବିମାନ ସଂଖ୍ୟା ୧୮୨ ନିଖୋଜ ହୋଇଥିଲା ସେଠାରେ ନୌସେନାର ଜାହାଜରେ ଲାଗିଥିବା ସୋନାର ଉପକରଣ ବିମାନରୁ ଆସୁଥିବା ସଙ୍କେତକୁ ଚିହ୍ନଟ କରି ପାରିଥିଲା। ଏହା ପରେ ଉକ୍ତ ଅଞ୍ଚଳରେ ତଲାସି ଅଭିଯାନ ଜୋରଦାର କରାଯାଇଥିଲା।

   Related Posts