ଅହମ୍ମଦାବାଦ- ମୁମ୍ବଇରେ ହୋଇଥିବା ୨୬/୧୧ ଆତଙ୍କବାଦୀ ଆକ୍ରମଣ ପାଇଁ ଆରବ ସାଗର ଦେଇ ପାକିସ୍ତାନୀ ଆତଙ୍କବାଦୀ ମୁମ୍ବଇ ଉପକୂଳରେ ପ୍ରବେଶ କରିଥିଲେ । ସେହିପରି ଏବେ ଏକ ବଡ ଧରଣର ଆକ୍ରମଣ ପାଇଁ ପାକିସ୍ତାନ ବିଭିନ୍ନ ଆତଙ୍କବାଦୀ ସଙ୍ଗଠନଙ୍କ ସହ ମିଶି ଯୋଜନା ଚଳାଇଛି ।
ଆରବ ସାଗର ଦେଇ ଆତଙ୍କବାଦୀମାନେ ଏବେ ଗୁଜୁରାଟରେ ପ୍ରବେଶ କରିବା ପାଇଁ ଚେଷ୍ଟା କରିପାରନ୍ତି ବୋଲି ଗୁଇନ୍ଦା ସୂଚନା ମିଳିଛି । ଗୁଜୁରାଟର କାଣ୍ଡଲା ବନ୍ଦର ନିକଟରେ ପାକିସ୍ତାନର କମାଣ୍ଡୋଙ୍କ ସହ ଆତଙ୍କବାଦୀ ଅନୁପ୍ରବେଶ କରିପାରନ୍ତି ବୋଲି ଗୁଇନ୍ଦା ସୂଚନା ମିଳିଛି ।
{"id":150577}ଏହା ପୂର୍ବରୁ ଭାରତୀୟ ନୌସେନା କଚ୍ଛ ରାସ୍ତାରେ ଆତଙ୍କବାଦୀମାନେ ଗୁଜୁରାଟରେ ପ୍ରବେଶ କରିପାରନ୍ତି ବୋଲି ଆର୍ଲଟ ଜାରି କରିଥିଲା ।
ସେହିପରି ଶ୍ରୀଲଙ୍କା ରାସ୍ତାରେ ଲକଶର୍-ଇ ତୋଏବାର ଆତଙ୍କବାଦୀମାନେ ପ୍ରବେଶ କରିବା ପାଇଁ ଉଦ୍ୟମ କରୁଥିବା ଗୁଇନ୍ଦା ସୂଚନା ମିଳିଛି । ଗୁରୁବାରେ ରାଷ୍ଟ୍ରୀୟ ସୁରକ୍ଷା ଏଜେନ୍ସି ବା ଏନ୍ଆଇଏ ପକ୍ଷରୁ ଅନେକସ୍ଥାନରେ ଚଢଉ କରାଯାଇଥିଲା ।