Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ଆଇପିଏଲ ସିଜିନରେ ଦ୍ରୁତତମ ବଲ୍ ଫିଙ୍ଗିବାର ମିଳିଲା ଉପହାର, ଭାରତୀୟ ଦଳରେ ସାମିଲ ହେଲେ ଉମରାନ ମଲିକ

9/10/2021 at 10:46 PM

ନୂଆଦିଲ୍ଲୀ ୦୯।୧୦: ନିଜ ଗତିରେ ସମସ୍ତଙ୍କୁ ପ୍ରଭାବିତ କରିଥିବା ଜାମ୍ମୁ ଓ କାଶ୍ମୀରର ଦ୍ରୁତ ବୋଲର ଉମରାନ ମଲିକଙ୍କୁ ଆଗାମୀ ଟି-୨୦ ବିଶ୍ଵ କପ୍‌ ପାଇଁ  ଭାତରୀୟ ଦଳରେ ସାମିଲ୍ କରାଯାଇଛି। ତାଙ୍କୁ  ନେଟ୍ ବୋଲର ଭାବେ ଦଳରେ ଚୟନ କରାଯାଇଛି। ବିସିସିଆଇ ପକ୍ଷରୁ ଏ ନେଇ ଶନିବାର ସୂଚନା ଦିଆଯାଇଛି। ଉମରାନ ହେଉଛନ୍ତି ଆଇପିଏଲର ୧୪ତମ ସିଜିନରେ ସବୁଠୁ ଦ୍ରୁତତମ ଗତିରେ ଫିଙ୍ଗିଥିବା ବୋଲର। ସେ ଭାରତୀୟ ଦଳ ସହ ନେଟ୍ ବୋଲର ଭାବେ ରହିବେ।

ଆଇପିଏଲରେ ନିଜର ଗତି ପାଇଁ ଉମରାନ ସମସ୍ତଙ୍କୁ ପ୍ରଭାବିତ କରିଛନ୍ତି। ବିସିସିଆଇର ଜନୈକ ଅଧିକାରୀ କହିଛନ୍ତି, ବ୍ୟାଟସମ୍ୟାନଙ୍କୁ ନେଟ୍‌ରେ ତାଙ୍କୁ ସାମ୍ନା କରିବା ଏକ ଭଲ ବିଚାର ରହିବ। ବିରାଟ କୋହଲି ଏବଂ ରୋହିତ ଶର୍ମା ପରି ଦମଦାର ବ୍ୟାଟସମ୍ୟାନଙ୍କ ସାମ୍ନାରେ ବୋଲିଂ କଲେ ଉମରାନଙ୍କୁ ମଧ୍ୟ ବହୁତ ଅନୁଭବ ହାସଲ ହେବ ବୋଲି ବିସିସିଆଇ ଅଧିକାରୀ କହିଛନ୍ତି।

ହାଇଦ୍ରାବାଦର ଏହି ଦ୍ରୁତ  ବୋଲର ଗତ ବୁଧବାର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ସବୁଠୁ ଦ୍ରୁତ ବଲ୍ ଫିଙ୍ଗିବାର ରେକର୍ଡ କରିଥିଲେ। ସେ ଘଣ୍ଟା ପ୍ରତି ୧୫୨.୯୫ କିଲୋମିଟର ବେଗରେ ବୋଲିଂ କରିଥିଲେ। ଆରସିବି ଇନିଂସର ନବମ ଓଭରରେ ଉମରାନ ମଲିକ ଘଣ୍ଟା ପ୍ରତି ୧୪୭, ୧୫୦, ୧୫୧.୯, ୧୫୨.୯୫ କିଲୋମିଟର ବେଗରେ ବୋଲିଂ କରିଥିଲେ। ଭାରତୀୟ ଅଧିନାୟକ ବିରାଟ କୋହଲି ମଧ୍ୟ ତାଙ୍କ ବୋଲିଂକୁ ପ୍ରଶଂସା କରିଥିଲେ। ମ୍ୟାଚ୍ ପରେ କୋହଲି ତାଙ୍କୁ ନିଜର ଅଟୋଗ୍ରାଫ ମଧ୍ୟ ଦେଇଥିଲେ। ଏହି ମୁକାବିଲାରେ ସନରାଇଜର୍ସ ହାଇଦ୍ରାବାଦ ଆରସିବିକୁ ରୋମାଞ୍ଚକର ମୁକାବିଲାରେ ୪ ରନରେ ପରାସ୍ତ କରିଥିଲା।

   Related Posts