Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

ଦିଲ୍ଲୀ ହିଂସା: ଉମର ଖାଲିଦଙ୍କ ବିରୋଧରେ ୟୁଏପିଏ ଆଧାରରେ ଚାଲିବ କେସ୍, ଗୃହ ମନ୍ତ୍ରଣାଳୟ-ଦିଲ୍ଲୀ ସରକାର ଦେଲେ ମଞ୍ଜୁରୀ

6/11/2020 at 3:59 PM

ନୂଆଦିଲ୍ଲୀ ୦୬।୧୧: ଦିଲ୍ଲୀ ହିଂସା ମାମଲାରେ ଉମର ଖାଲିଦ ଓ ଅନ୍ୟ ଅଭିଯୁକ୍ତଙ୍କ ବିରୋଧରେ ମୋକଦ୍ଦମା ଚଳାଇବା ପାଇଁ ଦିଲ୍ଲୀ ସରକାର ଏବଂ ଗୃହ ମନ୍ତ୍ରଣାଳୟ ସ୍ଵୀକୃତି ଦେଇଛନ୍ତି। ଉମର ଖାଲିଦଙ୍କୁ ଦିଲ୍ଲୀ ପୁଲିସ ହିଂସା ମାମଲାରେ ୟୁଏପିଏ ଆଧାରରେ ଗିରଫ କରିଥିଲା। ଆଇନ ଅନୁଯାୟୀ ୟୁଏପିଏ ଆଧାରରେ କୌଣସି ବ୍ୟକ୍ତିଙ୍କ ବିରୋଧରେ ମୋକଦ୍ଦମା ଚଳାଇବାକୁ ହେଲେ ଗୃହ ମନ୍ତ୍ରଣାଳୟର ମଞ୍ଜୁରୀ ନେବା ଆବଶ୍ୟକ।

ଦିଲ୍ଲୀ ପୁଲିସକୁ ପ୍ରାୟ ଏକ ସପ୍ତାହ ପୂର୍ବେ ଅନୁମତି ମିଳି ସାରିଥିଲା। ବହୁତ ଶୀଘ୍ର ଦିଲ୍ଲୀ ହିଂସା ମାମଲାରେ ଉମର ଖାଲିଦ ଓ ଶରଜିଲ ଇମାମଙ୍କ ବିରୋଧରେ ୟୁଏପିଏ ଆଧାରରେ ଦିଲ୍ଲୀ ପୁଲିସ କୋର୍ଟରେ ଚାର୍ଜସିଟ୍ ଦାଖଲ କରିବାକୁ ଯାଉଛି। ଏହା ବ୍ୟତୀତ କ୍ରାଇମ ବ୍ରାଞ୍ଚ ମଧ୍ୟ ଉମର ଖାଲିଦଙ୍କ ବିରୋଧରେ ଖୁବ୍ ଶୀଘ୍ର ଚାର୍ଜସିଟ୍ ଦାଖଲ କରିବ।

ଦିଲ୍ଲୀ ପୁଲିସ ଉମର ଖାଲିଦଙ୍କୁ ସେପ୍ଟେମ୍ବର ୧୪ରେ ଦିଲ୍ଲୀ ହିଂସା ସଂପର୍କିତ ମାମଲାରେ ଗିରଫ କରିଥିଲା। କଡକଡଡୁମା କୋର୍ଟ ଉମର ଖାଲିଦଙ୍କ ବିଚାର ବିଭାଗୀୟ ହାଜତକୁ ନଭେମ୍ବର ୨୦ ପାଇଁ ବୃଦ୍ଧି କରିଥିଲେ। ଦିଲ୍ଲୀ ପୁଲିସ ପକ୍ଷରୁ ଉମରଙ୍କ ବିଚାର ବିଭାଗୀୟ ହାଜତ ମିଆଦ ଆଉ ୩୦ ଦିନ ବଢାଇବାକୁ ଆବେଦନ କରାଯାଇଥିଲା।

ଉମର ଖାଲିଦଙ୍କ ଓକିଲ ଦିଲ୍ଲୀ ପୁଲିସର ଆବେଦନକୁ ବିରୋଧ କରି କହିଛନ୍ତି ପୁଲିସର ସବୁ ପ୍ରକାରର ଯାଞ୍ଚରେ ଖାଲିଦ ସହଯୋଗ କରିଛନ୍ତି। କିନ୍ତୁ ଅଭିଯୋଗ ହେଉଛି ଯେ, ଉମର ଖାଲିଦ ତଦନ୍ତରେ ସହଯୋଗ କରୁନାହାନ୍ତି। ତାଙ୍କର ବିଚାର ବିଭାଗୀୟ ହାଜତ ବଢାଇବା ପାଇଁ ଦିଲ୍ଲୀ ପୁଲିସ ଦ୍ଵାରା ଦାଖଲ ଆବେଦନ ଭୁଲେ ଅଟେ ବୋଲି ଓକିଲ କହିଛନ୍ତି।

ଦିଲ୍ଲୀ ପୁଲିସ କଡକଡଡୁମା କୋର୍ଟରେ କହିଥିଲା ଯେ, ସଂପ୍ରତି ଏହି ମାମଲାରେ ତଦନ୍ତ ଜାରି ରହିଛି। ଏମିତି ସ୍ଥିତିରେ ଉମର ଖାଲିଦଙ୍କୁ ଜାମିନ ଦେବା ଉଚିତ୍ ନୁହେଁ। ଏହା ପରେ କୋର୍ଟ ଉମର ଖାଲିଦଙ୍କ ବିଚାର ବିଭାଗୀୟ ହାଜତକୁ ନଭେମ୍ବର ୨୦ ପର୍ଯ୍ୟନ୍ତ ବୃଦ୍ଧି କରିଥିଲେ।

   Related Posts