Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ଦୀପାବଳିରେ ଲକ୍ଷ୍ମୀଙ୍କ ପାଇଁ ଉଲ୍ଲୁକମାନେ ସଙ୍କଟରେ : ବନବିଭାଗ ଜାରି କଲା ଆଲର୍ଟ

6/11/2018 at 3:38 PM

ଭୁବନେଶ୍ୱର ୬/୧୧ : ଦୀପାବଳିରେ ଧନଦାତ୍ରୀ ଦେବୀ ମା ଲକ୍ଷ୍ମୀଙ୍କୁ ସନ୍ତୁଷ୍ଟ କରିବା ଲାଗି ଜୋରସୋରରେ ପ୍ରସ୍ତୁତି ଚାଲିଛି | ପରମ୍ପରା ଅନୁସାରେ ପୂଜା ଅର୍ଚ୍ଚନା ସହ ପୌରାଣିକ କାହାଣୀ ଆଧାରରେ କିଛି ଅନ୍ଧବିଶ୍ୱାସ ଆଧାରିତ କାର୍ଯ୍ୟକ୍ରମ ହୋଇଛି | ତା’ ଭିତରୁ ଗୋଟିଏ ହେଉଛି ମା’ଲକ୍ଷ୍ମୀଙ୍କୁ ସନ୍ତୁଷ୍ଟ କରିବା ଲାଗି ଉଲ୍ଲୁକ ପୂଜା | ସେଥିପାଇଁ ଦୀପାବଳି ଆସିଲେ ଜିଅନ୍ତା ଉଲ୍ଲୁକଙ୍କ ଚାହିଦା ବଢିଥାଏ | ଶିକାରୀମାନେ ଜଙ୍ଗଲରେ ଫାସ ବସାଇ ଉଲ୍ଲୁକଙ୍କୁ ଧରି ବେଶ ଭଲ ରୋଜଗାର କରନ୍ତି | କିନ୍ତୁ ଅନେକ ସମୟରେ ପୂଜା ସମୟରେ ଭୟଭୀତ ହୋଇ ବା ଠିକରେ ରଖାନଯିବା କାରଣରୁ ଉଲ୍ଲୁକର ମୃତ୍ୟୁ ଘଟିଥାଏ | ଫଳରେ ଧୀରେ ଧୀରେ ଉଲ୍ଲୁକ ବଂଶ ନିପାତ ହୋଇ ଆସୁଥିବାବେଳେ ଦୀପାବଳି ସେମାନଙ୍କ ଲାଗି ଆହୁରି ବିପଦ ସୃଷ୍ଟି କରିଛି |
ଉଲ୍ଲୁକଙ୍କ ସୁରକ୍ଷା ଦୃଷ୍ଟିରୁ ଉଲ୍ଲୁକ ଧରିବା ଉପରେ ଉତ୍ତରପ୍ରଦେଶର ବନ ବିଭାଗ ଏବେ କଟକଣା ଜାରି କରିଛି | ଏଥିସହ ବନାଞ୍ଚଳରେ ବନ ବିଭାଗ କର୍ମଚାରୀମାନେ ସଜାଗ ହୋଇ ରହିଛନ୍ତି |
ଅପରପକ୍ଷରେ ଜ୍ୟୋତିର୍ବିଦ ପଣ୍ଡିତ ରାଜେନ୍ଦ୍ର ତିୱାରୀ କହିଛନ୍ତି ଯେ, ଉଲ୍ଲୁକ ପୂଜା ଶାସ୍ତ୍ର ସମ୍ମତ ନୁହେଁ | ଶାସ୍ତ୍ରରେ କୋଉଠି ଉଲ୍ଲୁକ ଲକ୍ଷ୍ମୀଙ୍କ ବାହନ ବୋଲି କୁହାଯାଇନାହିଁ | ବରଂ ହାତୀ ଲକ୍ଷ୍ମୀଙ୍କ ବାହନ ବୋଲି କୁହାଯାଇଛି | ଦେବୀ ଭାଗବତ ଏବଂ ଶ୍ରୀସୁକ୍ତରେ ଦେବୀ ଲକ୍ଷ୍ମୀ ହାତୀର ଗର୍ଜନ ଶୁଣି ସନ୍ତୁଷ୍ଟ ହୋଇଥିବା କୁହାଯାଇଛି | ଉଲ୍ଲୁକ ସମ୍ପର୍କରେ ପୁରାଣରେ ମଧ୍ୟ କେଉଁଠି କିଛି ଉଲ୍ଲେଖ ନାହିଁ | ଏହା କେବଳ ଲୋକକଥା ଉପରେ ଆଧାରିତ |
ଦେବୀ ଲକ୍ଷ୍ମୀଙ୍କର ସବୁବେଳେ ସାତ୍ତ୍ଵିକ ପୂଜା ପାଇଁ ଶାସ୍ତ୍ରରେ କୁହାଯାଇଛି | କିନ୍ତୁ ରାଜସିକ ଏବଂ ତାମସିକ ପୂଜା ଆଳରେ କିଛି ବ୍ୟକ୍ତି ଅନ୍ଧବିଶ୍ୱାସଏଅ ପ୍ରଚାର କରୁଛନ୍ତି ବୋଲି ପଣ୍ଡିତ ତିୱାରୀଙ୍କ ମତ |
ଏମିତିବି ବିଚାରଧାରା ଉଲ୍ଲୁକ, ବାଦୁଡ଼ି ଓ ଚେମିଣି ଭଳି ରାତ୍ରୀଚରଙ୍କୁ ଅଶୁଭ ବିବେଚନା କରିଥାଏ | ଏମାନେ ଯଦି କୌଣସି ଘରେ ବାସ କରନ୍ତି ସେ ଘରେ ବିପରୀତ ଶକ୍ତି ଉତ୍ପନ୍ନ ହୋଇଥାଏ ବୋଲି ବିଶ୍ୱାସ ରହିଛି |

   Related Posts