Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ବ୍ରିଟେନରେ ଇନ୍ଧନ ସଙ୍କଟ : ପେଟ୍ରୋଲ ପମ୍ପରେ ଲୋକଙ୍କ ମାଡପିଟ୍‌, ମିଳୁନି ତେଲ ଓ ଗ୍ୟାସ୍‌, ଆଗକୁ ସ୍ଥିତି ଭୟଙ୍କର ଆଶଙ୍କା

27/09/2021 at 6:06 PM

ନୂଆଦିଲ୍ଲୀ ୨୭/୦୯ : ବିଭିନ୍ନ ଦେଶରେ ତୈଳ ପଦାର୍ଥ କମ ହେବାରେ ଲାଗିଛି । ଉତ୍କଟ ଭିଡ ମଧ୍ୟରେ ଆଉ କିଛି ବର୍ଷ ମଧ୍ୟରେ ପେଟ୍ରୋଲ ଏବଂ ଡିଜେଲ ଶେଷ ହୋଇଯିବ ବୋଲି ମଧ୍ୟ ବିଶେଷଜ୍ଞମାନେ  ମତ ଦେଉଛନ୍ତି । କିନ୍ତୁ ବ୍ରିଟେନ୍‌ରେ ଆଉ ଏକ ଅଭାବନୀୟ ଘଟଣା ଏବେ ଦେଖିବାକୁ ମିଳୁଛି । ଟ୍ରକ ଡ୍ରାଇଭର ମିଳୁନଥିବାରୁ ଇନ୍ଧନ ଯୋଗାଣ ହୋଇପାରୁନାହିଁ । ଯାହା ଫଳରେ ହଜାର ହଜାର ସଂଖ୍ୟାରେ ପେଟ୍ରୋଲ ପମ୍ପରେ ତେଲ ନାହିଁ । ଫଳ ସ୍ବରୂପ ପେଟ୍ରୋଲ ପମ୍ପଗୁଡିକରେ ଲମ୍ବା ଲାଇନ୍‌ ଲାଗିଥିବା ଦେଖିବାକୁ ମିଳୁଛି । ଇନ୍ଧନ ପାଇଁ ଲୋକମାନେ ନିଜ ନିଜ ମଧ୍ୟରେ ସଂଘର୍ଷ କରୁଥିବା ଭିଡିଓ ଭାଇରାଲ ହେବାରେ ଲାଗିଛି ।

ଆତଙ୍କିତ ହୋଇ ଲୋକମାନେ ପେଟ୍ରୋଲ ଏବଂ ଗ୍ୟାସ୍‌ ଭରିବାକୁ ଠେଲାପେଲା ହେବାରୁ ମାଡପିଟି ଆରମ୍ଭ ହୋଇଯାଇଥିଲା । ଅନ୍ୟପଟେ ଇନ୍ଧନ ନେଇ ଆସୁଥିବା ଟ୍ରକ ଗୁଡିକର ଡ୍ରାଇଭର ଅଭାବରୁ ପମ୍ପଗୁଡିକରେ ତେଲ ଅଭାବ ଦେଖାଦେଇଥିଲା । ଲୋକମାନେ ଆତଙ୍କିତ ହୋଇ ଅଧିକ ମାତ୍ରାରେ ତେଲ ପକାଇବାରୁ ପମ୍ପଗୁଡିକରେ ତେଲର ଘୋର ଅଭାବ ଦେଖାଦେଇଥିଲା । ଯାହା ଫଳରେ ପେଟ୍ରୋଲ ପମ୍ପ ବାହାରେ କାରଗୁଡିକର ଲମ୍ବା ଲାଇନ ଦେଖିବାକୁ ମିଳିଛି ।

ବ୍ରିଟେନରେ ହଜାର ହଜାର ସଂଖ୍ୟାରେ ପେଟ୍ରୋଲ ପମ୍ପ ଖାଲି ପଡିଛି । ତୈଳ ଯୋଗାଣ ପାଇଁ ମିଲିଟାରୀ ଫୋର୍ସର ସହଯୋଗ ନେଇଛନ୍ତି ପ୍ରଧାନମନ୍ତୀ ବୋରିସ୍‌ ଜନ୍‌ସନ୍‌ । ବ୍ରିଟେନର ସବୁଠାରୁ ବଡ ତୈଳ ଯୋଗାଣକାରୀ ସଂସ୍ଥା ପେଟ୍ରୋଲ ରିଟେଲର୍ସ ଆସୋସିଏସନ୍‌ କହିଛି ଯେ, ଦେଶର ମୋଟ ୮ ହଜାର ଗ୍ୟାସ୍‌ ଷ୍ଟେସନଗୁଡିକ ମଧ୍ୟରୁ କମ୍ପାନୀ ୫୫୦୦ ପମ୍ପର ଯୋଗାଣଭାର ହାତକୁ ନେଇଛି । ସେଗୁଡିକ ମଧ୍ୟରୁ ଅଧିକାଂଶ ପମ୍ପରେ ତେଲ ନାହିଁ । ଯେଉଁ ପମ୍ପ ଗୁଡିକରେ ତେଲ ଅଛି ତାହା ଖୁବଶୀଘ୍ର ଶେଷ ହେବାକୁ ବସିଲାଣି ।

ପେଟ୍ରୋଲ ନିଅଣ୍ଟ ହେବାର ପ୍ରମୁଖ କାରଣ ହେଉଛି ଲୋକମାନେ ଆତଙ୍କିତ ହେବା । ପେଟ୍ରୋଲ ସରିଯିବ ଭାବି ଅଧିକାଂଶ ନିଜ ନିଜ ଗାଡି​‌ରେ ତେଲ ଫୁଲ କରିନେଇଛନ୍ତି । ଏପଟେ ଯୋଗାଣ ପାଇଁ ଟ୍ରକ ଡ୍ରାଇଭରଙ୍କ ଅଭାବ ଦେଖାଯାଉଛି । ଯାହା ଫଳରେ ତେଲ ମଧ୍ୟ ପମ୍ପ ଗୁଡିକରେ ପହଞ୍ଚିପାରୁନାହିଁ । ଏହାକୁ ନେଇ ଏକ ଗୁରୁତ୍ବପୂର୍ଣ୍ଣ ବୈଠକ ଡାକିଛନ୍ତି ପ୍ରଧାନମନ୍ତ୍ରୀ ବୋରିସ ଜନ୍‌ସନ୍‌ । ସେନା ସହାୟତାରେ ଟାଙ୍କିଗୁଡିକୁ ପେଟ୍ରୋଲ ପଠାଇବା ବ୍ୟବସ୍ଥା କରାଯାଇଛି ବୋଲି ଜନ୍‌ସନ୍ କହିଛନ୍ତି । ଅନ୍ୟପଟେ ନୂଆ ଟ୍ରକ ଡ୍ରାଇଭରଙ୍କ ପାଇଁ ବାଧକ ସାଜିଛି ଲାଇସେନ୍ସ । କରୋନା ମହାମାରୀ କାରଣରୁ ସେମାନେ ଲାଇସେନ୍ସ ବାହାର କରିପାରୁନାହାନ୍ତି । ଯାହା ଫଳରେ ଟ୍ରକ ଚଳାଇବା ପାଇଁ ଆବଶ୍ୟକିୟ ଡ୍ରାଇଭର ମିଳୁନାହାନ୍ତି ।  

   Related Posts